Finanziell unterstützt durch
die Europäische Union
Europäisches Verbraucherzentrum Italien Büro Bozen

Verbrauchertelegramm Europa-Ausgabe Dezëmber 2020

Beilage zur ladinischen Europa-Ausgabe Nr. 94 - Redaktion: Europäisches Verbraucherzentrum

ECC-NET

La Rëi dles Zentrales di Consumadus Europeiches festejëia sü pröms 15 agn

Da canche ara é gnüda istituida dl 2005 á la Rëi dles Zentrales di Comsumadus Europeiches (ECC-Net) daidé plü co n miliun de consumadësses y consumadus; de chisc s’á plü co 90.000 adressé ala Rëi por problems che â da nen fá cun le COVID-19. Ai 20 de novëmber él gnü festejé so 15ejim aniversar cun n evënt online. Te chësc contest él ince gnü presenté la plata web por inglesc olache al é gnü publiché na relaziun sön l'ativité dala Rëi ECC-Net cun i traverc arjunc te chisc 15 agn. N capitul vëgn ince dediché al dagní dl'ativité dla Rëi: te n monn tres plü digitalisé oress la Rëi ti pité ales consumadësses y ai consumadus ciamó n miú sorvisc y se dé da fá por n consum sostenibl. (www.eccnet.eu).

LE FALIMËNT WIRECARD

Informaziuns por les consumadësses y i consumadus

Wirecard AG é n grup aziendal che aministrâ sistems de paiamënt por chertes prepaiades emetüdes da d'atres aziëndes partner o pitâ stromënc por paiamënc tres despositifs mobii sciöche “Pay&Protect” o “boon.planet”. Ai 25 d'agost dl 2020 á l'aziënda presenté istanza de falimënt y al é gnü nominé n curadú de falimënt por fá les inrescides che vá debojëgn. N valgönes porsones che s'anuzâ di sorvisc de paiamënt dla Wirecard AG s'á adressé ala Zentrala di Consumadus Europeica (ZCE) canche ai á aldí dl concurs.
I consëis dla ZCE podëise lí sön la plata internet.

ABUNAMËNC DIGITEI

Tant costa pa l'adurvanza parziela sce n se nuza dl dërt de rezes?

N ch’sta di à la Chëurt de Giustizia dla Union Europeica (CGUE) fat na intervenzion per tlarì na pesima nterpretativa che reverda i cuntrac di servijes stluc ju a destanza per i caji che l cunsumadëur ova dat pro espressamënter che la prestazion unisse fata dan che l fossa passà l tëmp de rezes fissà dala lege de 14 dis.
Aldò dla sentënza dla Chëurt (CGUE) muessen tl calcul dla prestazions dejëutes n pert, tenì cont dl priesc fat ora canche l cuntrat ie unì stlut ju per duta la prestazions y calculé la soma n proporzion al tëmp te chël che l cunsumadëur s’à juà dl servisc. Mé tl cajo che l ie preudù che una o de plu prestazions vënie refurnides ntegralmënter dal scumenciamënt dla stipulazion dl cuntrat a n priesc separat muessen tenì cont de dut l priesc dat dant per na tel prestazion. Per nfurmazions plu detaliedes sun chësta tematica cialëde la plata dla ZCE.

CAJO DL MËNS
N cunsumadëur talian ova cumprà sun na plata internet spanuela doi chertes per la partida de palé Barcelona - Atletico Madrid al priesc de 790 euro. La partida ëssa dassù vester d’auril dl 2020, ma pervia dl'emergënza coronavirus iela unida desdita.
L cunsumadëur à dadedò cuntatà l venditëur spanuel se damandan l rembursamënt dl priesc de compra. L venditëur fova a una de rembursé l priesc dla cherta ma nia chël dla cumiscion per l servisc y l cunsumadëur l à azetà. Purempò ne ruova ti mënsc do degun rembursamënt, scebën che l venditëur cialova de chité ju l cumpradëur dijan che i scioldi fossa tosc unì retui. Perchël ie l cunsumadëur jit pra la ZCE dla Talia, che à mandà inant l cajo ai colegs dla ZCE dla Spania. Te curt tëmp ie i colegs spanuei stac boni de judé nosc cunsumadëur che nes à fat al savëi cun legrëza de avëi udù che sun si cont bancher fovel ruvà la soma de 740 euro.