Verbrauchertelegramm Europa-Ausgabe Utober 2026
Beilage zur ladinischen Europa-Ausgabe Nr. 78 - Redaktion: Europäisches VerbraucherzentrumGREENWASHING
Dai 27 de setëmber incá él regoles UE nöies cuntra le greenwashing
La Diretiva (UE) 2024/825 sön l'empowerment di consumadus y dles consumadësses por la transiziun vërda, é jüda en forza ai 27 de setëmber dl 2026. Les regoles nöies renforza les informaziuns che i venditurs mëss pité sön la dorada y la poscibilité da cuncé i produc y porta ite na majera sconanza cuntra le greenwashing y l’obsolescënza bunorida. I Stac comëmbri á messü la surantó cina ai 27 de merz dl 2026.Deplü informaziuns ciafëise chiló.
GARANZIA
Al vëgn l'avis UE nü sön la garanzia y la merscia “EU GARAN”
Dai 27 de setëmber á i consumadus y les consumadësses europeics metü man da ciafé tles botëghes y tles botëghes online n avis armonisé dl'UE che reverda i dërc sön la garanzia legala. La Comisciun á ince porté ite la merscia volontara EU GARAN por i produc cun na garanzia comerziala debann de passa dui agn.L'avis recorda danterater ince che la garanzia legala sön i bëgns é de regola de altamo dui agn tl'UE, mo che ara pó ester majera aladô di ordinamënc nazionai.
Deplü informaziuns ciafëise chiló.
SOCIAL MEDIA Y MËNDRI
EU Kids Act por la segurëza di mëndri online
La Comisciun á surantut la proposta de regolamentaziun europeica EU Kids Act, che ti proibësc l'azes autonom ai social media ai mëndri de 13 agn y che porta ite i "mini-account" cun controi genitoriai por che che á danter 13-15 agn, y che conzed impormó dai 15 agn insö n account daldöt autonom. Les plataformes messará desmostré da ester sigüdes "pian ia dala proietaziun" (inversciun dl dovëi de proa respet ai utënc) y proibí mecanisms sciöche le ciaré inant zënza fin o les notifiches de nöt devers i mëndri.Deplü informaziuns ciafëise chiló.
CAJE DL MËIS
N consumadú talian â cumpré n smartphone de livel alt sön na plataforma de cumpra online conesciüda. Spo âl tut la dezijiun da le rete: al â arjigné ca le fonin da rete, l'â ortié y â odü che so poch ti ê gnü retü al venditur.
Spo él sozedü val' de morvëia. L'aziënda á refodé la retüda ajache le poch retü ê öt.
Le consumadú é spo jü dala Zentrala di Consumadus Europeica (ZCE) Talia. Ajache l'aziënda á süa sënta te n ater Paisc, á la ZCE Talia ativé la rëi europeica ECC-Net y damané la ZCE Lussemburgh da la contaté diretamënter.
L'aziënda á ala fin retü döta la soma paiada dal consumadú: 1.700 €.