Verbrauchertelegramm Europa-Ausgabe Forá 2022
Beilage zur ladinischen Europa-Ausgabe Nr. 14 - Redaktion: Europäisches VerbraucherzentrumJORI
La sentënza dla CIUE renforza i dërc di passajiers tl caje de partënza antizipada
Le regolamënt dl’UE sön i dërc di passajiers di fligri regolamentëia i dërc di passajiers sce zacai ne vëgn nia lascé senté sö, sce le jore vëgn straiché o sce le jore é dër tardí, mo nia ci che al sozed tl caje de na partenza antizipada. La Curt de iustizia europeica á stabilí dan da püch te na sentënza che n jore é da conscidré "straiché" sce la compagnia de fligri antizipëia la partënza de passa n’ora. Aladô dla Curt de iustizia europeica é l'antizipada te chësc caje relevanta ajache ara pó porté a de gragn problems por i passajiers. Sëgn á i passajiers le dërt da ciafé na compensaziun (aladô dla destanza él respetivamënter 250, 400 o 600 euro) sce al vëgn antizipé de passa n'ora n jore – avisa sciöche ince sce al vëgn straiché. I ciafëis de plü informaziuns sön i dërc di passajiers di fligri chiló.SOSTIGNIBILITÉ
La plataforma por calcolé la pedia ecologica
L'UE pita n stromënt online por calcolé la pëdia ecologica (Consumer Footprint Calculator). Chësc nes conzed da calcolé la faziun che nosc comportamënt á sön l’ambiënt y valuté sciöche i mudamënc te nosc stil de vita podess influenzé nosta pedia personala. La valutaziun vëgn fata por cin seturs de consum (spëisa, abitaziun, mobilité, bëgns por la ciasa y aparac eletrics) y tëgn cunt dla faziun de döt le ziclus de vita di produc consumá. Cun chësta plataforma podëise controlé la faziun de osc consum por daidé arjunje i obietifs por n svilup sostignibl. La plataforma é da ciafé por inglesc chiló.PLATAFORMA ODR
Na poscibibilité por ciafé na soluziun por les reclamaziuns
La plataforma ODR festejëia so sesto compliann. Ara se trata de n sit web interatif metü sö dala Comisciun europeica por ciafé na soluziun por les stritaries che vëgn da cumpres fates online, sides a livel nazional che sura i confins fora. Por adoré i sorvisc pitá dala plataforma ODR vál debojëgn da cherié n account che conzed da ti rové pormez a n dashboard personal, olache an pó controlé la situaziun dla reclamaziun. Por mëte a jí la prozedöra tlechel da scrí fora n formular. An podará insciö chirí fora sce ortié na reclamaziun al venditur y damané l’intervënt de n organism d’apajamënt o chirí na soluziun diretamënter cun le venditur. De plü informaziuns ciafëise chiló.CAJE DL MËIS
N consumadú dla Republica Ceca â tut pert a na racoiüda de sföisc publicá da na ciasa edituria taliana. Chësta racoiüda tolô ite 100 sföisc y pro vigni sföi êl n toch por fá n model de n auto conesciü. La racoiüda â metü man d’otober dl 2018 y ess messü se rové de forá dl 2021, le cost ê de 930,00 euro. Bëgn 11 sföisc n’é nia gnüs ortiá y le consumadú n’é nia sté bun da rové so model.
Le consumadú á contaté de plü iadi zënza suzes le sorvisc cliënc por ciafé na soluziun y ala fin él jü dala Zentrala di Consumadus Europeica (ZCE) dla Republica Ceca, che á tut sö contat cun la ZCE Talia. La ZCE Talia á contaté plü y plü iadi la ciasa edituria. Ala fin ti é i sföisc che manciâ gnüs ortiá al consumadú, che á podü stlü jö süa racoiüda y rové da fá so model.