Verbrauchertelegramm Europa-Ausgabe Jügn 2026

Beilage zur ladinischen Europa-Ausgabe Nr. 46 - Redaktion: Europäisches Verbraucherzentrum

Segurëza pro les cumpres online: straufunga da 200 miliuns de euro a
Temu por violaziun dl DSA

La Comisciun Europeica á sotmetü Temu, la plataforma de e-commerce conesciüda, a na
straufunga de 200 miliuns de euro. Aladô dles inrescides fates aladô dl Digital Services Act
(DSA), n'á le marketplace nia analisé y nia smendrí sciöche al alda i prighi liá ala venüda de
produc ilegai y prigorusc. I tests fac (tres le mystery shopping) á mostré sö dac alarmanc: dër
na gran porcentuala di aparac da ciarié chiris fora n'á nia passé i tests de segurëza de basa y te
tröp patüc da fá la blëita êl sostanzes chimiches sura i limic de lege fora o al ê prigo da se sofié
impara. Temu ará dlaurela cina la fin d'agost dl 2026 por presenté n plann d'aziun dles
mudaziuns y se mëte en regola.
Por deplü informaziuns

Scemplifiché i iadi cun la ferata tl'Europa: la proposta "N iade, na cherta,
düc i dërc"

Planifiché n iade cun la ferata fora por deplü stac europeics sará tosc avisa tan saurí co aposté
n jore. La Comisciun Europeica á presenté n pachet de propostes por revoluzioné le trasport dla
ferata sura i confins fora. L'obietif é da ti conzede ai passajiers y ales passajieres da cumpré na
sora cherta por iadi che tol ite deplü operadus y smendrí la framentaziun di sistems de
apostaziun. La dërta mudaziun reverda i dërc di passajiers y dles passajieres: sce an se jöma ia
na coinzidënza o sce al é intardiades sará la proteziun totala y al gnará curí döt le iade (garantin
assistënza, retüda o reativaziun dl percurs devers dla destinaziun finala), ince sce les trasses
vëgn gestides da compagnies dla ferata desvalies.

Por deplü informaziuns

Crisa tl Oriënt Mesan y trasporc: i orientamënc dl'UE por la sconanza di
passajiers y dles passajieres

Porvia dl arlungiamënt dles tenjiuns geo-politiches tl Oriënt Mesan, che gaujëia la stlüta de val'
trasses di fligri y dles barches y problems cun les fornidöres de ciarburant, á la Comisciun
Europeica publiché diretives nöies por le setur di trasporc y dl turism. Por ci che reverda i dërc
di passajiers y dles passajiers á Brüssel detlaré n punt fondamental: l'aumënt di prisc dl
ciarburant n'é nia na "situaziun ezezionala". Porchël mëss les compagnies di fligri ti paié la
compensaziun ai passajiers y ales passajieres tl caje de straicada di fligri, tan inant che ai ne
desmostra nia che l’anulamënt depënn da na mancianza de ciarburant reala y ezezionala a livel
local.

Por deplü informaziuns