Verbrauchertelegramm Europa-Ausgabe Jená 2026

Beilage zur ladinischen Europa-Ausgabe Nr. 7 - Redaktion: Europäisches Verbraucherzentrum

E-COMMERCE

Vára da dé zoruch les scincundes da Nadé cumprades online?

Ne ti á pa la scincunda cumprada online nia plajü a che che i ti l’ëis scincada? Controlede sce i sciafiëis ciamó da eserzité le dërt de retrata. De regola pón ma se trá zoruch te 14 dis dal momënt dla consegnaziun. Porimpó prevëiga la lege che, sce le venditur n’informëia nia sciöche al toca sön le dërt de retrata, s’arlungia le termo por eserzité chësc dërt de 12 mëisc y toma porchël do 12 mëisc y 14 dis dala consegnaziun. Val‘ botëghes o plataformes online conzed termins de retrata plü lunc de chi preodüs da chësta lege.

Sce i ves intenëis do che i ëis daurí le poch, che al é val‘ de rot, che al n’é nia ci che i âse comané o che al ne funzionëia nia, podëise deperpo fá avarëi la garanziaFett legala, ti segnalan le defet al venditur y damanan sciöche refata la reparaziun o la sostituziun o, sce ara ne vá nia, la retüda o n arbassamënt dl prisc.

https://www.euroconsumatori.org/it/acquisti_e_ecommerce

IADI

Vacanzes sön la nëi tl‘Austria – Nia zënza assiguraziun!

L’ann passé d’invern s’á deplü consumadus y consumadësses adressé ala Zentrala di Consumadus Europeica (ZCE) Talia, ajache ai â ciafé fora de nia domandes de paiamënt de dër de gran somes por la recuperada cun le joler tl’Austria, do avëi albü n inzidënt sö por munt te so tëmp lëde. Les fatures ê de milesc y milesc de euro, te un n caje gnôl damané da paié feter 13.000 euro.

Sovënz araton -falan- che la Tessera sanitara d’assiguraziun europeica (TEAM) cüres ince i cosć dla recuperada cun le joler, mo baldi n’éra nia dagnora insciö. Porchël ves aconsiunse da controlé por tëmp y ora y ves arjigné n’assiguraziun adatada.

https://www.euroconsumatori.org/it/news_it/942

E-COMMERCE

Le mecanism de segnalaziun dles trapolades online dl Digital Services Act

Le Regolamënt sön i sorvisc digitai prevëiga por les plataformes online tl’UE le dovëi da adoré n mecanism de notificaziun scëmpl y azessibl, che ti conzedes a vigni porsona da segnalé contignüs ilegai sciöche trapolades, produc falc o venditurs sospec. Les plataformes mëss valuté atira les segnalaziuns y a na moda imparziala, ti lascé alsavëi le resultat al utënt y pité stromënc de recurs tres na prozedöra interna de reclamaziun dla plataforma o n organism independënt de ressoluziun dles stritaries. Al mëss ester saurí da ciafé la funziun de segnalaziun y vigni porsona mëss podëi l’adoré ince zënza competënzes tecniches o legales.

https://digital-strategy.ec.europa.eu/it/policies/dsa-notice-and-action-mechanism

CAJE DL MËIS

Na consumadëssa portogheja â aposté n auto da impresté fora por rodé tla Talia. La compagnia d’imprëst â dé dant te sües condiziuns generales, sciöche recuisit por jí a do l’auto, le posses de na patent varënta. La consumadëssa â tut la dezijiun da lascé la patent fisica tl Portugal, aratan che chëra tignida sö digitalmënter sön le telefon tlecass. Canche ara é jüda a do l’auto, ne ti él nia gnü dé, ajache ara n’â nia para la patent. Les discusciuns y i contac dedô cun la sozieté d’imprëst n’á nia porté pro a ciafé na soluziun: intratan ti êl indere gnü trat jö 530,00 euro por la prenotaziun.
La consumadëssa é jüda dala Zentrala Europeica di Consumadus dl Portugal che ti á ortié la pratica ala ZCE Talia, che s’á ativé contatan l’aziënda. Do so intervënt ti él gnü retü ala consumadëssa döta la soma paiada ite.