Finanziell unterstützt durch
die Europäische Union
Europäisches Verbraucherzentrum Italien Büro Bozen

Verbrauchertelegramm Europa-Ausgabe Fauré 2018

Beilage zur ladinischen Europa-Ausgabe Nr. 14 - Redaktion: Europäisches Verbraucherzentrum


2017: ann record por la Zentrala Consumadus Europeica (ZCE)

Dl 2017 á la ZCE Talia respognü a 3.886 domandes d'informaziun (+25% en confrunt al 2016), á daidé 1.767 consumadësses y consumadus dla Talia (+26% en confrunt al 2016) por ci che reverda stritaries cun aziëndes de n ater Paisc europeich, dl’Islanda y dla Norvegia, gnüdes a s'al dé tl cheder de na cumpra y á ciaré da ciafé na soluziun extraiudiziara a 1.255 reclamaziuns (+10% en confrunt al 2016). L'82% de chëstes reclamaziuns gnô da consumadësses y consumadus dal ester cuntra aziëndes talianes (+23% en confrunt al 2016), deperpo che al é aumenté dl 13,5% (en confrunt al 2016) le numer de reclamaziuns gestides tl interes de consumadësses y consumadus dla Talia cuntra aziëndes de n ater Paisc dl'UE. Al pröm post ti top five di seturs cun le plü reclamaziuns él le trafich di fligri cun le 24,7%, atira dedô vëgnel le setur dl imprëst de auti (20%), le setur dl tëmp lëde, manifestaziuns y cultura (9,4%), le setur dl vistimënt y cialzá (8,3%) y le setur di sorvisc d'alberch y de restoraziun (7,8%). De plü informaziun sön l'ativité fata dala ZCE dl 2017 él da ciafé sön la plata internet www.euroconsumatori.org.


VACANZES Y IADI

Portai de prenotaziun online: L'AGCM (Autorité Garanta dla Concorënza y dl Marcé) fej straufunghes sura 4 miliuns de euro por plates internet püch trasparëntes y cosć fora de mosöra por paiamënc cun chertes de credit
L'Autorité Garanta dla Concorënza y dl Marcé (AGCM) á stlüt jö sis prozedimënc cuntra aziëndes che manajëia portai de agenzies iadi online www.it.lastminute.com, www.volagratis.com, www.opodo.it, www.govolo.it, www.edreams.it, www.gotogate.it. L'autorité á constaté che sön les plates internet nominades dessura él informaziuns che n'é nia trasparëntes assá y nia saurides da capí por le consumadú. L'Autorité é dla minunga che la metüda a desposiziun de n numer por l'assistënza ala clientela ciaradú y la mancianza de na misciun e-mail n'é nia lezic. Les contestaziuns dl'AGCM reverda ince l'aplicaziun de n suplemënt de prisc por le paiamënt cun cherta de credit pro prenotaziuns de iadi cun le fligher (credit card surcharge). Te chësc contest recordunse che por mirit dla jüda en forza dla diretiva PSD 2 sön i sorvisc de paiamënt tl marcé intern ne messessel dai 13 de jená 2018 incá nia plü ester cosć implü zënza rajuns iustificables por paiamënc cun cherta de credit tl'UE. Sciöche resultat de chisc provedimënc ti él gnü fat sanziuns aministratives de indöt passa 4 miliuns de euro a aziëndes atocades. Düc i provedimënc pó gní consultá por talian sön la plata internet dl'AGCM. Les consumadësses y i consumadus che á bele fat de te esperiënzes cun n portal de prenotaziun online cun sënta te n ater Paisc dl'UE, tl'Islanda o tla Norvegia pó contaté la ZCE por ciafé debann informaziuns y assistënza (info@euroconsumatori.org).


Caje dl mëis

Tl aeroport de Minca ti vëgnel roviné le cufer a n consumadú talian porvia de na goba fata da n tapet metü dailó da n'agenzia de marketing en ocajiun de n avenimënt. Le consumadú ti segnalëia diretamënter le dann ala sozieté de gestiun dl aeroport y al'agenzia de marketing responsabla da avëi metü jö le tapet. Dedô damanel ince l'assistënza dla Zentrala Consumadus Europeica (ZCE) Talia. La consulënta dla ZCE damana le consumadú da dé dant le valur dl cufer danejé; chësc amunta a 1095 euro aladô dl prisc de lista ciafé sön internet. Tl medemo tëmp l'informëiera che te chisc caji vëgnel ma retü le valur atual dl cufer che tëgn cunt dl'adoranza y dl’eté de chësc. Le consumadú é bun da desmostré che le cufer ê pormó gnü cumpré dan da sis mëisc. Por mirit dl intervënt dla ZCE Germania ciafa le consumadú do da gnanca cater edemes la confermaziun che l'assiguraziun dl'agenzia de marketing é a öna da ti rembursé 1000 euro por le cufer danejé.
"Sce ara jiss pö dagnora da ciafé tan saurí y snel na soluziun ales reclamaziuns dles consumadësses y di consumadus!" dij la consulënta dla ZCE y spera che chësc sides ma un di caji che la ZCE sará bona da stlüje jö cun suzes tratan le 2018!