Finanziell unterstützt durch
die Europäische Union
Europäisches Verbraucherzentrum Italien Büro Bozen

Verbrauchertelegramm Europa-Ausgabe Jügn 2016

Beilage zur ladinischen Europa-Ausgabe Nr. 42 - Redaktion: Europäisches Verbraucherzentrum


DËRC DL CONSUMADÚ

Gosté europeich
En ocajiun dla Festa dl'Europa ai 9 de ma, á les consulëntes dla ZCE de Balsan scrit, tratan n gosté cun i rapresentanc dla stampa locala, na relaziun sön l'ativité ti ultimi agn. L'Uniun Europeica á porté pro a n gran mudamënt: tres de plü seturs de nosta vita da vigni vëgn regolá tignon cunt nia ma plü dl contest nazional, mo ince de chël europeich. De plü informaziuns é da ciafé chiló.


E-COMMERCE

Incuntada ZCE Balsan – Polizia Postala
Ai 10 de ma dl 2016 á la ZCE – Ofize de Balsan incunté la Polizia Postala de Balsan. Tratan chësta incuntada interessanta á la ZCE y la Polizia Postala baraté fora idees y esperiënzes sön seturs d'ativité desvalis che forma arees complementares de laur de trami. La ZCE ciafa por ejëmpl altamo un n iade al de na domanda da n consumadus che se tëm da phishing-emails che proa da ti rové pormez ai dac personai, ai numeri de cherta de credit, ai codesc d'azes de accounts privac. De te trapolades vëgn fates ince tres sms o tres telefonades; te chisc ultimi dui caji nen vára de smishing y vishing. De dërtes trapolades é ince i avisc de davagnades dla loteria che n'é nia, olache al vëgn dit che an podess davagné miliuns. De plü informaziuns ciafëise sön la plata internet dla Zentrala di Consumadus.


IMPRESTÉ N AUTO

Dui iadi assigurá? Ince les sceibes?
Sce an arvënn foradecá sán avisa che an ne mët mai averda assá: strades nia conesciüdes, limic de velozité desvalis y arvëne a man ciampa é faturs che ince n espert mëss conësce bun. Impó ne mët tröc nia averda ai detais canche ai apostëia n auto. Y al é avisa insciö che an pó salté te cosć implü nia preodüs.
Por nen savëi deplü sön le tema “impresté n auto y chertes de paiamënt” liede nosc comunicat stampa, cherdesse sö al numer 0471/980939 o ortiesse na e-mail a info@euroconsumatori.org.


Caje dl mëis
Al röia adalerch l'aisciöda y cun ëra ince la vëia da fá n pü' de shopping. Insciö á le signur L dl Belgio metü man da ciaré do te internet botëghes online y s'á archité sön n portal de venüda talian. L é n consumadú che s’un capësc fora, ajache do che al á chirí fora le samare che al ó cumpré se recordel de n particolar important: canche al â metü man da chirí ti êl gnü damané olache la marcianzai ess mesü gní menada. L mët naota ite „Belgio“ y s'intënn che le samare costa 137 euro. Spo mëtel ite „Talia“ y s'intënn che le medemo samare costa 88 euro. Ajache al se sënt descriminé contatëiel la Zentrala di Consumadus Europeica belga che s'ortia inant le caje. Ince sce te chisc caji pól ester che al sides na picia desferënzia por ci che reverda le prisc por rajuns definides „ogetives“ dala iurisprudënza europeica, ne pó chisc cosć nia revardé tan de gran desfarënzies. La ZCE á porchël contaté l'aziënda, che s'á cruzié da adaté i prisc a ci che é preodü dala Diretiva Sorvisc y al desider dl signur L.