Finanziell unterstützt durch
die Europäische Union
Europäisches Verbraucherzentrum Italien Büro Bozen

Telegram cunsumadëures Lugio/Agost 2016

Beilage zur ladinischen Europa-Ausgabe Nr. 49/56 - Redaktion: Europäisches Verbraucherzentrum


E-COMMERCE

Mosöres por cumpres online
L’Europa ascuta sö i bojëgns di consumadus y ti dij “basta” ai impedimënc che tëgn sö le svilup dl comerz eletronich. La Comisciun europeica á anunzié ai 25 de ma mosöres por che i consumadus pois cumpré online a na manira plü scëmpla y sigüda te döta l’Uniun. Al dess gní: 1) arferé le geo-blocking; 2) smendrí i prisc y alzé la cualité dles spediziuns sura i confins fora y 3) renforzé la Consumer Protection Cooperation. De plü informaziuns é da ciafé chiló.


VACANZES Y IADI

Sot ejam les assiguraziuns de iadi
Sce an á debojëgn de n dotur en vacanza o sce an ó renunzié al iade al ultim momënt o atira do l'avëi aposté: por afronté le miú che ara vá chëstes impreodüdes vára da stlü jö n'assiguraziun de iade. Metü danfora che n consumadu talian pó stlü jö n'assiguraziun foresta (les condiziuns generales dles assiguraziuns regolëia normalmënter chisc caji) á la ZCE – Ofize de Balsan savaié da ester n consumadú che chir na assiguraziun de iade adatada a sü bojëgns y á spo fat n ressumé di resultac te na tabela.
Chiló ciafëise na lista de consëis pratics sce i orëis stlü jö n'assiguraziun de iade.


VACANZES Y IADI

09/06/2016 – Conferënza stampa sön le tema
Vigni de vá consumadus dala ZCE cun domandes sön i iadi. Di 2.732 consumadus che dal scomenciamënt dl 2016 cina al dedaincö á contaté la ZCE Talia, á 1.378 albü problems y domandes sön i iadi (le 50%). Porchël vál debojëgn da pité sön chësc argomënt na assistënza y consulënza tres plü ajornada y sota. De plü informaziuns sön l'argomënt é da ciafé sön le sit dla ZCE de Balsan.


Caje dl mëis
Le signur K tol pert a na lizita online sön Ebay y s'aiudichëia n'ora de marca por 150 euro. Le paiamënt, a bëgn de n venditur privat tl'Inghiltera, vëgn fat cun n sistem de paiamënt online conesciü cun sënta a Luxenburg. Do da n valgügn dis ciafa le signur K le poch cun l'ora. Porimpó ne döra la ligrëza dl signur K nia dî: da ti ciaré plü avisa al'ora ti vëgnel imënt che l'ora ne sides nia dërta y porchël la lascel ejaminé da n belijier, che constatëia che ara se trata de n produt falz che costa plü o manco 10 euro. La delujiun é grana, ince sce le venditur tëgn pro da dí dal'Inghiltera che ara se trata de n toch autentich. Spo vá le signur K dal sistem de paiamënt adoré che ti impormët da ti rete la soma sce al ti ret l'ora al venditur. Le signur K ortia zoruch l'ora, mo le poch vá a perde tratan la spediziun. La sozieté se refodëia porchël da rete la soma. Le signur K damana spo aiüt pro la ZCE Talia – Ofize de Balsan, che cherda sö i colegs dla ZCE de Luxenburg, che fej inant: la sozieté aconsënt a ciafé na soluziun deboriada y ti ret i scioldi al signur K.