Finanziell unterstützt durch
die Europäische Union
Europäisches Verbraucherzentrum Italien Büro Bozen
Iadi y vacanzes

Regoles nöies por i iadi pausciai

Al 1° de messé dl 2018 él jü en forza te düc i paisc dl'UE la diretiva nöia sön i iadi pausciai y na seria de regoles nöies che tëgn cunt dl'epoca digitala y dles formes nöies de prenotaziun, che messess garantí damí y a na moda plü moderna che che fej n iade. La novité legislativa porta baldi ince para na majera complessité dla materia. Sön la plata web dla Zentrala di Consumadus Europeica (ZCE) ciafon dötes les informaziuns plü importantes sön la disciplina nöia.


Jori

Pói damané che al me vëgnes retü i scioldi dla cherta dl fligher che i n'á nia adoré?

Sce y a ci condiziuns che na cherta dl fligher pó gní cancelada, mudada o retüda depënn generalmënter dala classa de prenotaziun. Ales chertes dl fligher miú marcé (y a chëres dles compagnies de fligri low cost) ti corespognel de regola condiziuns dër strëntes por retüdes y mudaziuns; porimpó pîta la maiú pert dles compagnies de fligri classes de apostaziun flessibles, plü ceres, che conzed a che che jora da ciafé zoruch döta la soma o mudé süa prenotaziun debann por ejëmpl chiron fora n'atra data. Le prigo de maratia é a ciaria dl consumadú y nia dla compagnia di fligri. Porchël fossel da ciaré sce al foss d'öga stlü jö n'assiguraziun de iade aposta che cür le cost dla cherta tl caje de maratia fora de nia. Porimpó, datrai s'ascogn danter tröc articui sön les condiziuns generales de trasport arjignades ca dales compagnies di fligri, l'informaziun che al vëgn retü le cost dla cherta te cer caji, sciöche la mort o na maratia zitia dl passajier o de n parënt strënt, sön domanda esplizita y do avëi dé jö na documentaziun adatada. Por de plü informaziuns ciarede sön la plata internet dla ZCE.


Dërc di passajiers

AGCM sanzionëia Ryanair

L'autorité dla concorënza (AGCM) á dan da püch condané la compagnia de fligri Ryanair che mëss sëgn paié 1.850.000 euro. La compagnia irlandeja â l'ann passé d'altonn cancelé n gran numer de jori por rajuns che depenô da d'ëra y che â te tröc caji da nen fá cun rajuns d'organisaziun y gestiun che ara conesciô bele. Implü n'ára nia informé i consumadus sön sü dërc – dantadöt sön la compensaziun pecuniara. Liede sön la plata dla ZCE cai che é i dërc de che che jora sce an ne pó nia plü joré, sce al vëgn cancelé i jori o i fligri é tardis, y co che an pó scrí na lëtra sce an ó fá na retlamaziun.


Caje dl mëis

Un di problems che vëgn dant plü sovënz tl setur dl imprëst de auti reverda i dagns che l'auto á bele nia scric sö sön le formular aposta canche an vá a se do l'auto. Insciö ti éra ince jöda a n consumadú dl Luxemburg: le dann che ê bele revardâ la daurida eletronica dla tle dl auto che al ti ê gnü dé. Al ê cinamai gnü metü scoc incër la tle ia y ince sce an odô che al ê n dann n'êl nia gnü scrit sö tl formular de surandada. Por na sigüda á le consumadú fat jö la tle. Tratan le tëmp d'imprëst n'él sté degun inzidënt. Mo canche al á condüt zoruch l'auto ti ái fat paié le dann ala tle, y plü avisa 300 euro. Ince sce al ti â dit che la tle ê bele rota denanche al imprestass fora l’auto, n'êl nia sté bun da ciafé na soluziun. Al á spo damané do aiüt pro la Zentrala di Consumadus Europeica dl Luxemburg, che ti á ortié inant la pratica ala ZCE Talia. La ZCE Talia á contaté danü le profescionist injuntan la foto fata dal consumadú cun la data y l'ora y é stada bona da fá a na moda che la compagnia d'imprëst ti retess la soma che ara ti â fat paié.