Finanziell unterstützt durch
die Europäische Union
Europäisches Verbraucherzentrum Italien Büro Bozen

Verbrauchertelegramm Europa-Ausgabe aurí 2019

Beilage zur ladinischen Europa-Ausgabe Nr. 30 - Redaktion: Europäisches Verbraucherzentrum


METEDE AVERDA DA NE GNÍ NIA INGIANÁ!

Trading online - co tigní fora les trapolades

Ala Zentrala di Consumadus Europeica (ZCE) Talia ti él bele rové dër tröpes segnalaziuns de porsones che á pordü döt so sparagn o na pert de chësc ti ultimi mëisc adoran val' sic de trading on-line.
Por ne tomé nia tla tënora él important da controlé sce che che pîta le sorvisc de trading online é autorisé o manco da aministré le sparagn tla Talia, ciaran do sön les listes metüdes a desposiziun dala CONSOB. Implü él fondamental da ne fá mai paiamënc bancars o d'atri paiamënc che ne pó nia gní trac zoruch. Sce i n'orëis propi nia fá a manco da adoré na certa plataforma de trading online, ciarede altamo da paié cun osta cherta de credit, che conzed almanco te certes situaziuns na poscibilité implü da contesté i paiamënc y bonamënter ince da recuperé i scioldi paiá ite. Por de plü informaziuns ciarede sön la plata internet dla ZCE.


SISTEMS PIRAMIDAI

Onecoin: arestada na porsona söinsom le sistem piramidal

Sciöche al é gnü scrit sön n valgügn foliec online él gnü saré ia les edemes passades ti Stac Unis öna dles porsones söinsom le sistem piramidal Onceoin. Bele dl 2016 ti â la Zentrala di Consumadus (ZC) che gestësc la Zentrala di Consumadus Europeica (ZCE) Talia – ofize de Balsan, segnalé al'Autorité Garanta dla Concorënza y dl Marcé (AGCM), les sozietés coliades a Onecoin che promöi, tres n sistem piramidal de venüda, na criptovalüta nöia. Les espertes dla ZCE sá che chësc arest ne podará nia daidé concretamënter i consumadus che á investí somes de scioldi recuperé les somes paiades ite. Porimpó s'aodon che la noela fejes a na moda che i consumadus mëtes plü averda a sistems d'investimënt, dantadöt a chi olache ara nen vá da fá gní lapró d'atri consumadus y nia da vëne produc (https://bit.ly/2FhrgVv).


IADI Y VACANZES

Metede averda al'ingianada di bons da davagné!

La Rëi di Zëntri Europeics di Consumadus (ECC-Net) lascia alsavëi che al vëgn trapolé consumadus en vacanza sön les Isoles Canarie. I consumadus cunta che ai é gnüs ingianá cun n bon da davagné scinché sön strada, olache al ê scrit lassura che ai â "davagné". Por ciafé le pest impormetü gnôi inviá da tó n taxi y jí te n paîsc turistich de lus por tó pert a n evënt de venüda che ne se rovâ gnanca. I consumadus cunta che ai é gnüs baiá sö da cumpré bons vacanza y da paié atira n acunt. N iade rová a ciasa n'é i consumadus no stá bugn da se fá rete la soma, no da aposté la sojornanza paiada, ajache l'abitaziun n´ê nia desponibla tl tëmp chirí fora, o ara jô ma da chirí fora l'abitaziun do che an â paié ite döta la soma o an podô ma aposté l'abitaziun sce an se tolô dant da tó pert a n ater evënt de venüda y insciö inant.
Nosc consëi por chi che é tl laur da jí ales Canarie: no azetede bons da davagné da jënt che i ne conescëis nia! (https://bit.ly/2Yce2Ca)


CAJE DL MËIS
Na consumadëssa dl Belgio en vacanza tla Talia á cumpré te na botëga na tascia de na marca conesciüda. Do da ma cater mëisc se rump le ciol dla tascia y la consumadëssa segnalëia le defet diretamënter ala botëga on-line dl produtur, ajache la botëga fisica pón ma cherdé sö al telefon. Le produtur ti pîta atira n bon da adoré por cumpré val' d'ater, mo la consumadëssa che â cumpré la tascia a n prisc sconté, refodëia l'oferta se tomon da ne ciafé nia na te tascia por chël prisc. La Zentrala di Consumadus Europeica (ZCE) Talia contatëia por la consumadëssa dl Belgio la botëga y al ti vëgn respognü che al ne pó nia gní conzedü la retüda di scioldi y ti mët a desposiziun na misciun e-mail da contaté. La ZCE ti scrí spo ala misciun e-mail mostran sö la situaziun iuridica y sotrissan che la normativa sön la garanzia prevëiga te certes situaziuns ince le dovëi de retüda y ciafa chësta resposta: “I periun pordenanza por les informaziuns falades che é gnüdes dades y i sun sambëgn a öna da rete döt le prisc.”