Finanziell unterstützt durch
die Europäische Union
Europäisches Verbraucherzentrum Italien Büro Bozen

Verbrauchertelegramm Europa-Ausgabe Fauré 2014

Beilage zur ladinischen Europa-Ausgabe Nr. 14 - Redaktion: Europäisches Verbraucherzentrum

VACANZES Y IADI

Arobades te hotel

Tla Zentrala di Consumadus Europeica (ZCE) de Balsan él rové adalerch tröpes segnalaziuns da pert de consumadus a chi che al ti é gnü arobè val’ tratan süa vacanza tla Talia o te n ater Paîsc dl'Uniun Europeica.
Te n’acordanza europeica vëgnel regolamentè la responsabilité di ostis por ći che reverda les cosses portades dai tliënć te hotel: la medema sconanza é preodüda por düć i consumadus a chi che al ti vëgn arobè val’ te n hotel de un di Paîsc che à sotescrit chësta acordanza.
La responsabilité dl ostì por les cosses portades dal tliënt te hotel se limitëia al valur de ći che é gnü tut o spachè ćina a 100 iadi le prisc de sojornanza al dé. Sce le prisc de sojornanza é por ejëmpl 50 euro a nöt é le limit mascimal dla rembursamënt de 5.000 euro. Chësc limit ne vel indere nia, chël ô dì che l'ostì respogn ilimitatamënter, sce les cosses ti é gnüdes dades jö da ćiarè sura o sce al s’à refusé da tó jö cosses da ćiarè sura, olache al â le dovëi da le fa, o sce l’ostì é de gauja por le deterioramënt, la desdruziun o la sotraziun dles cosses.
De plü informaziuns y consëis é da ciafè sön le sit internet dla Zentrala di Consumadus Europeica de Balsan, olache an ciafa inće n model de lëtra da ortié al hotel.


LE 2013 TLA ZENTRALA DI CONSUMADUS EUROPEICA DE BALSAN

La ZCE presentëia le bilanz

Por la Zentrala di Consumadus Europeica (ZCE) Talia – ofize de Balsan é le 2013 stè n ann impegnatif mo rich de sodesfaziuns: i consumadus che é gnüs dala ZCE cun na ghiranza de informaziun é stà 2002, 561 é stades les domandes sön n problem concret. Te 306 caji é la ZCE de Balsan antergnüda por daidé n consumadù residënt te n ater Paîsc dl’UE che à albü n problem cun na dita taliana; te 209 caji à i colegs dla ZCE de d’atri Stać mëmbri porvè da ciafè na soluziun por n consumadù talian. Te 515 caji é la ZCE stada bona da recuperè feter 130.000 euro.
Sce i sëis n consumadù y i ëis na lamentanza da fà cuntra na dita che à süa sënta te n ater Paîsc dl'UE, Islanda o Norvegia, sce i ëis bele contatè l'aziënda por scrit mo i n’ëis nia ciafè na resposta o sce i ne sëis nia stà bugn da ciafè na soluziun che jô bun, podëise s’ortié osc caje, scrion fora nosc formular de lamentanza onlinel.


Social Media

LA ZCE BALSAN É INĆE SÖN TWITTER.COM

La Zentrala Consumadus Europeica (ZCE) de Balsan à da püch metü man da dè inant informaziuns sön le monn dl consum europeich cun 140 sëgns. A chësta moda ciafa i consumadus interessà informaziuns cörtes tres internet o diretamënter sön le fonin ti jon do ai tweet sön twitter.com/ECCItalyBolzano. Sostignide nosta ativité y deventede nüsc follower!


CAJE DL MEIS
De jügn dl 2012 à n consumadù grech cumprè on-line da na botëga de belijia dla Talia n’ora de na marca dër conesciüda. Al à paié 5.900,00 euro tres paiamënt bancar. La botëga à ortié le poch mo ćizé n’è nia jü sciöche al alda, ajache do da n valgügn dis à le consumadù ciafè na e-mail, cun chëra che al ti gnô dit che le poch ê jü a perde y che l’assiguraziun â daurì na pratica. Le consumadù à porvè da ciafè da su na soluziun por sis mëisc alalungia denant co jì dala ZCE Grecia, che ti à ortié la pratica a nosta ZCE.
Do da n valgügn contać cun la botëga y la compagnia d’assiguraziun, àn ciafè fora che ara â retü le dann d’isté dl 2013. Os dijarëis, döt apost spo? Nia atira. Le patrun dla botëga n’à nia atira passè inant la soma al consumadù grech. Impormò do da sis mëisc de lamentanzes da pert dla ZCE y ma do avëi indô cherdè sö l’assiguraziun, ti él gnü retü al consumadù i 5.900 euro.