Finanziell unterstützt durch
die Europäische Union
Europäisches Verbraucherzentrum Italien Büro Bozen

Verbrauchertelegramm Europa-Ausgabe Dezëmber 2014

Beilage zur ladinischen Europa-Ausgabe Nr. 84 - Redaktion: Europäisches Verbraucherzentrum


VACANZES Y IADI

Iade magich tla Turchia o jita tla fabrich de tapeć
Dan da püch à tröc südtirolesc ciafè sciöche rengraziamënt spezial por ester leturs de na revista n'oferta "straordinara": n iade tla Turchia pian ia da 149 euro. Mo po pa n iade da som davëi ester tan economich? Na inrescida sön internet mostra che ara se trata de na roda cun l’autobus che fej de n beliscimo iade tla Turchia n iade de retlam de fabriches de tapeć, coran y belijia! Por fortüna vëiga danfora le dërt türch le dërt da se trà zoruch sce an à stlüt jö n contrat defora dai locai comerziai. N contrat resultëia ester stlüt jö defora dai locai inće canche le contrat vëgn firmé diretamënter ti locai dl'aziënda de tapeć, ajache l’acompagnadù turistich dl'organisaziun à condüt ilò le consumadù zënza che al se l'aspetass. L'operadù turistich mëss conësce la legislaziun türca y dantadöt mëssel informè sü viajadus. Ti ultimi agn é tröpes ëres, che â cumprè belijia tratan chisc iadi, gnüdes dala ZCE de Balsan. N iade che ares ê indô tla Talia êres gnüdes lassura che la belijia ê gnüda paiada cotan deplü de ći che ara ne valô. Por de plü informaziuns sön l'argomënt ćiarede sön la plata internet dla Zentrala di Consumadus Europeica de Balsan.


VACANZES Y IADI

Chertes di fligri y trasparënza di prisc
Por le consumadù mesan él dër ri da capì cares che é les componëntes di prisc dles chertes dl fligher. Ći fà sce la cherta apostada ne gnarà nia adorada y sce an ô savëi canche an po damanè che al vëgnes retü la cherta? Conësce les componëntes dl prisc dla cherta öga sce an mëss fora de nia cancelè le jore y fà avarëi altamo le dërt de retüda dles tasses. Dër d’ütl é le sit dl Ënt Nazional por l´Aviaziun Zivila (ENAC).
A chertes dl fligher miù marćé ti corespógnel condiziuns de retüda o de mudaziun dër strëntes, deperpo che les chertes plü ćeres conzed normalmënter na retüda, inće totala, y eventualmënter anulamënć. Dal punt d’odüda di consumadus él interessant da savëi che sovënz s’ascógnel danter l'articul 1 y l'articul 20 dles condiziuns generales dl trasport dles compagnies di fligri l’informaziun che, te caji ziti vëgnel retü daldöt le cost dl fligher sce al vëgn damanè esplizitamënter y dè jö documënć, inće por i jori low cost.


Caje dl mëis

Na consumadëssa olandeja che se chirî val’ sön la plata internet de na dita taliana â odü na bela tascia bunmarćé (50% de sconto): "ma" 650 euro. Por jì sön na sigüda â la consumadëssa ponsè da menè n'e-mail al boteghier damanan sce le prisc ê veramënter chël. Inće sce ara n’â nia ciafè na resposta âra impò comanè la tascia. Impormò dailò âra ciafè la comunicaziun dal'aziënda olache al ti gnô lascè alsavëi che so ordinn ê gnü anulè, ajache le prisc dè dant ê falè. Le model dejidré fajô pert dla coleziun nöia y porchël ne podôl nia gnì venü a n mënder prisc. Ajache la consumadëssa n’ê nia bona da ciafè instëssa na soluziun éra jüda dala Zentrala di Consumadus Europeica (ZCE) Olanda, che ti à damanè ala ZCE Talia da antergnì. Te n pröm momënt n’él stè degöna reaziun da pert dl´aziënda, mo daldô é döt jü dër debota. La consumadëssa à podü comanè y ciafè la tascia che ara orô a mez prisc.