Finanziell unterstützt durch
die Europäische Union
Europäisches Verbraucherzentrum Italien Büro Bozen

Verbrauchertelegramm Europa-Ausgabe Jügn 2017

Beilage zur ladinischen Europa-Ausgabe Nr. 46 - Redaktion: Europäisches Verbraucherzentrum


VACANZES Y IADI

Dërc di passajiers dl fligher - La Comisciun europeica informëia sön agenzies che detlarëia da damané rembursamënc por les passajieres y i passajiers
Che che mëss tó n fligher tl'UE che é tardí o vëgn anulé á te n valgügn caji le dërt da ciafé n paiamënt d'avaliaziun por la galia y le tëmp d'aspeta. Tla pratica ne n'él indere nia dagnora saurí da ciafé chëstes compensaziuns de scioldi y porchël él gnü sö sön le marcé agenzies che detlarëia da ester bunes da recuperé chisc rembursamënc por les consumadësses y i consumadus. Dan da püch á la Comisciun europeica publiché n valgönes informaziuns por ti splighé a che che tol le fligher la funziun dles agenzies de reclamaziun por i dërc dles passajieres y di passajiers di fligri, do che al ti ê gnü mené de plü segnalaziuns y lamentanzes de pratiches y comportamënc nia corec da pert de chëstes agenzies. Dötes les informaziuns por ci che reverda i dërc di passajiers é da ciafé sön la plata internet dla Zentrala di Consumadus Europeica (ZCE) Balsan.


SCONANZA DI DËRC

De dl'Europa ai 9 de ma dl 2017
"Ci á pa fat l'UE por nos?" La Zentrala di Consumadus Europeica (ZCE) de Balsan á respognü a chësta domanda en ocajiun de n gosté europeich, alzan fora l'importanza dl De dl'Europa 2017. La ZCE Talia - ofize de Balsan dëida recordé che l'Uniun Europeica sostëgn les consumadësses y i consumadus meton sö dërc, sconanzes y poscibilités de indenisaziun y pitan sorvisc de informaziun y consulënza.
D'atri vantaji che les consumadësses y i consumadus á por mirit dla legislaziun dl'UE é da ciafé sön nosta plata internet: www.centroconsumatori.org.


COMERZ ELETRONICH

Chargeback: L'ancora de salvamënt por cumpres online jüdes sbüja
Le legisladú talian (decret legislatif n. 11/2010) vëiga danfora la poscibilité de n chargeback sce al vëgn trat jö scioldi zënza autorisaziun o porvia de n fal, por ejëmpl por maladoranzes dla cherta de credit o sce al vëgn trat jö n import plü alt o l'import dopl. Te chisc caji mëss la porsona interessada atira s'adressé a süa banca y al gestur dla cherta de credit. Chisc mëss te vigni caje gní informá tl tëmp de 13 mëisc dala data che al é gnü trat jö i scioldi. An dess ince porvé da damané na retüda tl caje che le patüc n'é nia rové adalerch o sce le venditur é fora de nia insolvënt o l'aziënda é jüda en malora. Por ciafé de plü informaziuns pón contaté la Zentrala di Consumadus Europeica (ZCE) al numer de telefon 0471/980939 o ala misciun email info@euroconsumatori.org.


Caje dl mëis
De forá dl 2017 s'â na consumadëssa olandeja cumpré online n per de sneakers de na marca taliana che costâ prësc 500 euro. La ligrëza che ara â tl pröm por sü bi cialzá ala moda s'á tosc desfanté: do da ma trëi mëisc ára metü man da odëi sëgns de consumaziun sön le tach. Cun frustraziun ti ára atira scrit na e-mail al'aziënda taliana che ti á dit da porté i sneakers te na botëga che vënn chësta marca a Amsterdam. I cialzá da defet é insciö gnüs mená tla Talia olache ai é gnüs controlá avisa. Mo indere la cliënta n'ê nët nia contënta dl resultat de chëst'analisa: por telefon ti án lascé alsavëi che sce i cialzá s'á consumé insciö êl colpa süa, deache ara s'ess despié i cialzá te na manira falada; implü ne foss i sneakers nia stá adatá da gní tuc fora de ciasa, tan demanco sot la plöia! Do da chësta comunicaziun á la consumadëssa contaté la Zentrala di Consumadus Europeica (ZCE) olandeja che ti á mené inant la lamentanza ala ZCE a Balsan. Nosc intervënt á albü suzes: do da püces edemes ti él gnü retü i scioldi di cialzá ala consumadëssa y ara á cinamai podü se tigní i sneakers.