2007
	2007 ladin
		Dezëmber 2007
		Novëmber 2007
		Utober 2007
		Setëmber 2007
		Lugio - Agost 2007
		Jügn 2007
		Mei 2007
		Auril 2007
		Merz 2007
		Forà 2007
		Jenà 2007
	Dezember 2007
	November 2007
	Oktober 2007
	September 2007
	Juli - August 2007
	Juni 2007
	Mai 2007
	April 2007
	März 2007
	Februar 2007
	Januar 2007
2006
2005
2004
2003
2002
2001
2000
Oktober 2008
September 2008
Juli/August 2008
Juni 2008
Mai 2008
April 2008
März 2008
Februar 2008
Januar 2008
Jenà 2008

Verbrauchertelegramm / 2007 / 2007 ladin / Lugio - Agost 2007

Verbrauchertelegramm Europa-Ausgabe

Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.

Verbrauchertelegramm Europa-Ausgabe Lugio - Agost 2007

Beilage zur ladinischen Europa-Ausgabe Nr. 48 - Redaktion: Europäisches Verbraucherzentrum

Trafich tl'aier

Club Air ne daussa mo nia julé

La lizënza dla cumpania de jol Club Air ie bele suspenduda da dezëmber dl ann passà. L'autorità taliana per l trafich tl aier zevil ENAC comunichea che la pruzedura de nrescida dl cajo, pra chëla che l vën valutà sce la cumpania de jol à i recuisic per giaté inò na lizënza de jol, va mo inant. Tl mumënt ne iel mo nia da udëi danora coche la pruzedura jirà ora y canche la unirà stluta ju. Club Air ne daussa te chësc mumënt nia vënder chertes de jol. Tl cajo de n'atività de mediazion muessela dé sëura avisa ciuna cumpania de jol che fej efetivamënter i joi. L ENAC sotrissea dantaldut che l cunliamënt Crotone-Bergamo, che vën pità da Club Air daussa mé unì dejëut dala cumpania Air One.
Pervia che Club Air ne ie al mumënt nia rateda na cumpania de jol, ne giaudësc l tlient nia dla defendura y di dërc che ti spitëssa. Perchël Ve cunsions de Ve nfurmé dan cumpré na cherta de jol, sce la cumpania de jol à inò giatà la lizënza y l'autorisazion de julé.
Per de plu nfurmazions: http://www.euroconsumatori.org/16842v24453d32388.html.

Timesharing

La Cumiscion europeica fej la pruposta de lauré ora mo n iede la despusizions

L'idea che ti sta a fonz al timesharing ie zenzauter scialdi nteressanta: n partësc cun d'autri la proprietà de n cuatier te n paravis de vacanza y possa passé si feries per una o de plu enes al ann. Suënz se portel danz pro deficulteies, p.e. canche la spëises de mantenimënt ie massa autes o canche n ulëssa inò se desgatië dal dërt de abitazion. Na diretiva dla UE dl 1994 cuntën la despusizions che ie al mumënt valëivles n cont dla tematica dl timesharing. L marcià se à ti ultim ani svilupà dassënn. Daviadechël à la cumissera per la defendura di/dla cunsumadëures Meglena Kuneva ai 7 de juni presentà n pachet de prupostes per miuré i regulamënc valëivli. Dantaldut iel udù danora che la defendura vënie slargeda ora curian prodoc nueves coche p.e. l timesharing de berches o camper o la iscrizions te chëi che vën tlamei i "club de vacanza". Oradechël unirà i regulamënc tl daunì ënghe slargei ora curian cuntrac cun na destumeda plu curta, uel dì, sota trëi ani. Nce l barat y la revenduda de ogec a cuntrat timesharing unirà regulei dala despusizions nueves.

Fonins

La chëutes-roaming se arbassea

Scebën che n à cialà dai ani de ti la cumëter ala sozieteies di fonins fova nchin sën l'adurvanza de n fonin delà di cunfins cater iedesc mo ntan cëra che si droa tla Talia. Cun la fin de juni iel jit n forza n regulamënt UE nuef. Sen ne daussa na cherdeda da n fonin fata te n auter stat nia custé plu che 0,49 cent al menut y na cherdeda azeteda oradecà nia plu che 0,24 cent al menut. Tres l regulamënt roaming devënta oradechël nce la tarifes plu tresudëntes, pervia che la sozieteies di fonins muessa ti fé al savëi regulermënter la tarifes ai/ala cunsumadëures, i/la cunsumadëures possa se damandé debant (tres sms o cherdeda) nfurmazions sun la tarifes roaming y la sozieteies de fonin muessa bele nfurmé i/la cunsumadëures canche i sotscrij l cuntrat. Chësc regulamënt vel sibe per tlienc a cuntrat sibe per tlienc cun cherta valor, ma i/la cunsumadëures puderà permò se nuzé d'instà di priejes mascims (nce tlamei eurotarifes). Tl 2008 y tl 2009 dëssa la eurotarifes inò unì arbassedes.

Dogana

Despusizions nueves per l import y l export de scioldi

Chi che va da n stat cumëmber dla UE te n stat nia cumëmber dla UE o dl auter viers, y che porta cun sé scioldi cuntanc tl valor de 10.000,00 euro o de plu, l muessa dal 15 de juni dl 2007 detlaré pra l'autorità doganela tres na detlarazion aposta. L medemo vel per mesuns de paiamënt che ie ecuivalënc ai scioldi cuntanc, coche p.e. scecs de viac (travelers Cheques), scecs y d'autri papieresc al purtadëur. Chësc ie cie che l regulamënt (EG) nr. 1889/2005 vëij danora. Tl raion dla UE resta mpe l valor de 12.500,00 euro determinà dal regulamënt naziunel.


software by endo7