2007
2006
	2006 ladin
		Dezëmber 2006
		Novëmber 2006
		Utober 2006
		Setëmber 2006
		Lugio-Agost 2006
		Jügn 2006
		Mei 2006
		Auril 2006
		Merz 2006
		Faurè 2006
		Jenè 2006
	Dezember 2006
	November 2006
	Oktober 2006
	September 2006
	Juli-August 2006
	Juni 2006
	Mai 2006
	April 2006
	März 2006
	Februar 2006
	Jänner 2006
2005
2004
2003
2002
2001
2000
Juli/August 2008
Juni 2008
Mai 2008
April 2008
März 2008
Februar 2008
Januar 2008
Jenà 2008

Verbrauchertelegramm / 2006 / 2006 ladin / Merz 2006

Verbrauchertelegramm Europa-Ausgabe

Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.

Verbrauchertelegramm Europa-Ausgabe Merz 2006

Beilage zur ladinischen Europa-Ausgabe Nr. 20 - Redaktion: Europäisches Verbraucherzentrum

E-COMMERCE

Plü segurëza tles cumpres sön Ebay

Por miorè le standard de segurëza ne vëgnel da jenà inant nia plü azetè chertes prepaiades sciöche sistem de paiamënt danter porsones privates. Les chertes Visa po ma plü gnì adorades sön Ebay tres PayPal, n sistem che dess garantì plü segurëza sides al compradù che al comerziant. Ara se trata de n cassier virtual a chël che i consumadus ti fej avëi sü dać y ti dà l’ordinn de fà la transaziun. Ala fin de chësta ti mëna PayPal a trami na recioiüda che zertifichëia che la transiziun é gnü a s’al dè.
Implü Ves recordunse che sön nosta plata internet podëise ciafè n valgügn consëis dër de ütl por cumprè ite online cun plü baldëza.

IADI

Trenitalia: scomenciadies por la sconanza di consumadus y dles consumadësses

La paziënza de chi che adora dé por dé la ferata è sotmetüda tresfora a na proa bindebò döra por via che la ferata röia sovënz tardia, datrai tómel fora ferates, i vaguns n’è nia puzenà sciöch’al alda y les condiziuns de segurëza é minimes. N valgönes assoziaziuns di consumadus à porchël invié ia n valgönes scomenciadies interessantes “por la sconanza di dërć dla tlientela de Trenitalia”.
Öna de chëstes scomenciadies é na protesta da pert di zitadins y dles zitadines cuntra i sorvisc de Trenitalia che é oramai de regola stleć: le consumadù o la consumadëssa che tol pert a chësta scomenciadia ti dà jö al controladù canche chësc ti damana la cherta, n formular olach’al sta scrit che la cherta de iade ti gnarà mostrada cun la medema intardiada albüda dala ferata. (http://www.acu.it/Attachments/Modulo_disobbedienza.doc).
N’atra forma de protesta é le scioper dl abonamënt; de plü informaziuns sön chësc ciafëise sot a: http://www.acu.it/Attachments/VademecumSciopero.doc.
D’atri indere à tut la dezijiun de tó n tru legal pro n vicare de pêsc por damanè na refata dl dann a gauja dles intardiades y di stleć sorvisc. Te vigni caje mëss le passajier che tol pert a chëstes scomenciadies ester cosciënt dles conseguënzes de so comportamënt.

CONTRAT

„Verba volant scripta manent“: Ma ći che é scrit döra por dagnora!

Chësc moto dess vigni consumadëssa y consumadù se tó a cör canch’al é tl laûr da sotescrì n contrat. Deache la frasa: “… mo chël m’àl pö impormetü tl inom de düć i sanć“, po ma gnì adorè sciöche argomënt sce le partner d’afars à metü sot al’impormetüda süa sotescriziun.
Porchël Ves dunse chësc consëi: sce valch é por Os de gran importanza y i orëis ester sigüsc, che Osc dejidêr vëgnes tut en conscidraziun pro l’ademplimënt dl contrat désses insister ch’al vëgnes metü jö por scrit y sotescrit. Ći che é scrit schivëia malintenüdes y sambëgn inće le s’avëi desmentié fora de nia di dërć che ti speta y che ti é gnüs assigurà al consumadù y ala consumadëssa canch’al é gnü sotescrit le contrat.

CAJE DL MËIS

La particolarité de chësc caje ne sta nia te so contignü y al n’é gnanca val’ de straordinar mo ara se trata plütosc dl fat che i sun stà bogn da ciafè na soluziun a n problem de nüsc colegs nüs dla Zentrala Consumadus de Malta.
Malta é n stat comëmber nü dla Uniun europeica y süa Zentrala Europeica di Consumadus à pormò daurì ala fin dl 2005.
Por i stać comëmbri nüs él particolarmënter ri da fà sö na strotöra deach’ai é confrontà cun n gröm de novitês. Ara se trata de cherié naôta les condiziuns de cornisc y porchël ài ćiamò n gran laûr dan da ëi.
Oget de chësc caje é na iaca de plomin che na consumënta ti â cumprè a süa möta tla Sicilia. Mo bele do avëi tut la iaca por n pêr de iadi àra metü man da perde le plomin. Sön na tara à nosc colegh da Malta tut sö contat cun nosta Zentrala por perié do nosc aiüt. Insciö do che ti ân scrit al comerziat che ti â venü la iaca ala consumënta, ùn defata ciafè na telefonada da d’ël. Al s’à atira detlarè desponibl da ti baratè la iaca ala consumënta cun n’atra o da ti fà avëi n bonn.
A nos s’àl fat dër plajëi da podëi ti lascè alsavëi a nüsc colegs da Malta che le caje é jü fora bun. I sperun da avëi inće tl dagnì la fortüna de avëi contać tan da fà saurì.


software by endo7