Finanziell unterstützt durch
die Europäische Union
Europäisches Verbraucherzentrum Italien Büro Bozen

Verbrauchertelegramm Europa-Ausgabe mà 2014

Beilage zur ladinischen Europa-Ausgabe Nr. 28 - Redaktion: Europäisches Verbraucherzentrum


COMERZ ELETRONICH

Cumprè auti online

Al pê che döt vais bun: finalmënter à la porsona interessada ciafè online l'auto de secunda man ch'ara chirî. Le comerziant ti impormët da organisé döt cant; al ti dà la inćiaria a na dita de spediziun, che ciafa inće n paiamënt antizipé, se crüzia dl trasport y de döt le rest. Berba Sciché sa bëgn che canch'an cumpra valch online él damì ester n pü' scetics, mo dala plata internet dla dita de spediziun, che dess inće ciafè le paiamënt antizipé, pel che chësta laôres cun profescionalité y scerieté. Inće la poscibilité da fà n paiamënt bancar é sëgn de trasparënza y fej ponsè che an po recostruì olache i scioldi dla transaziun röia. Mo fora de nia stlopa la flocora de jafa: le paiamënt antizipé é sparì y l'auto n'é plü da ciafè da degöna pert!
De bogn consëis sciöch'an po fà da tignì fora de te' ingianades ciafëise sön la plata internet dla Zentrala di Consumadus Europeica (ZCE).


COMERZ ELETRONICH

"Davagn de miliuns" tres e-mailî

Dan da n valgügn dis él rové adalerch sön la misciun e-mail dla Zentrala di Consumadus Europeica (ZCE) chësta beliscima noela: ara ess davagné n miliun de sterlines inglejes! Mo les consulëntes dla ZCE conësc bel assà chëstes furbaries: ara se trata de n tentatif de ingianada!
Al ne passa pö gnanca n'edema tla ZCE olach'ara ne mëss nia ti splighé a n consumadù ch'ara ne se trata nia de na dërta davagnada, mo de na ingiananda. Nia dagnora ne basta les spligaziuns dles consulëntes dla ZCE por baié sö i consumadus ch'ai ne n'à nia davagné valch. Al é da tignì amënt ch'ara ne va nia da davagné pro na lotaria, sc'an ne śüga nia a chësta, degöna lotaria sceria ne ti lascia alsavëi tres e-mail a sü partezipanć ch'ai à davagné, gonot vëgn chëstes comunicaziuns de davagnada falzes scrites te n inglesc che contëgn fai de grammatica y d'ortografia y sön les plates internet dles "dërtes" lotaries vëgnel por la maiù pert avisé ch'al esist de te' tentatifs de trapolada.
De plü informaziuns sön sciöche na te' trabolada funzionëia él da ciafè sön la plata internet dla ZCE.


COMERZ ELETRONICH

I prighi tla rëi

Cun l'aumënt dles ofertes y poscibilitês che l'internet pîta y inće cun n numer tres majer de porsones che s'anüza de internet crëscel sambëgn inće le numer di delić tla rëi. Tl cheder dl convëgn "Gefahren im Netz" (I prighi tla rëi) che vëgn tignì ai 7 de mà a Balsan - metü a jì dal Ofize Media audiovisuai dla Repartiziun provinziala Cultura todëscia en colaboraziun cun la Polizia postala y la Zentrala di Consumadus Europeica - ô les consulëntes dla ZCE da Balsan splighé cai che é i prighi ch'an po incuntè te internet y co ch'an po fà da i schivé.


CAJE DL MËIS
N studënt talian ô se cumprè n laptop de secunda man y vëiga n'oferta interessanta sön internet. Al tol sö contat cun la porsona che vënn le computer y paia 650,00 euro tres Paypal, n sorvisc de paiamënt online cun sënta europeica tl Luxemburg. Al studënt ti vëgnel menè le codesc por podëi ti jì do al pacl tratan so iade tl vers de Balsan. Bel atira s'intënn le studënt ch'al é ćizé che ne va nia coch'al messess: le pacl tol le tru por Catanzaro, impede che por Balsan. Le consumadù jonn, ausé da cumprè ite sön internet contatëia impröma la porsona che ti à venü le laptop, mo al n'é nia bun da ciafè na soluziun al problem. Spo dèurel na contestaziun cun Paypal che ne ti dà nia dërt, deache la porsona che ti à venü le laptop po desmostrè che le pacl é gnü menè demez y porchël ne n'à la retlamaziun degöna fondamënta. Le studënt indere ne la dà nia sö y s'adressëia ala Zentrala di Consumadus Europeica dla Talia a Balsan che ti mëna inant le caje ala ZCE dl Luxemburg.
La ZCE dl Luxemburg contatëia l'aziënda y alza fora che le pacl é gnü menè te na cité che é a 1000 km dal post olach'al ess messü rové. Sön na tara tira Paypal zoruch süa dezijiun da impröma y ti acreditëia indô i 650,00 euro al consumadù.