english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.Verbrauchertelegramm Europa-Ausgabe Novëmber 2006
Beilage zur ladinischen Europa-Ausgabe Nr. 69 - Redaktion: Europäisches VerbraucherzentrumIADI I
Passport: le model eletronich nü
Sciöch’al é bele gnü anunzié l’ultimo ann, do che les desposiziuns nöies dl passport é jüdes en forza, él gnü renforzè dai 26 de otober de chësc ann inant les mosöres de segurëza cun l’introduziun dl passport eletronich. Chësc documënt à carateristiches particolares de stamparia, che evitëia na falsificaziun y n microchip cun les dates eletronicamënter zertificades, che reverda le titolar y l’ënt che l’à emetü. Le cost dl passport nü è de 44.66 euro (32 plates) o de 45.62 euro (48 plates). La tassa anuala de conzesciun statala romagn anfat. Cun le passport nü pon jì ti Stać Unis y passè por i aeroporć di Stać Unis zënza messëi damanè do le visum. I passporć vedli romagn sambëgn varënć ćina ch’ai toma.Por informaziuns, podëise ćiarè ite tles notizies de stampa che trata de chësc tema:
- Einreisebestimmungen USA (11-2005)
- Lange Wartezeiten bei Reisepässen (06-2006)
IADI II
“Viaggiatreno”: le sorvisc d’informaziun de Trenitalia
Al se trata de n sorvisc nü d’informaziun tl tëmp real che dà informaziuns ajornades sura la zirculaziun dles ferates nazionales y regionales tres le zelular o le computer. Por savëi olache la ferata é sön tru, sc’ara é tardìa, l’orar de partënza y de gnüda (preodü y efetif), bastel mâ che i consultëis la seziun “TrenOnline” y i injuntëis le numer dla ferata o dla staziun dla ferata da olach’ara é piada ia o olach’ara röia. Por informaziuns sura interuziuns dla ligna, percursc alternatifs, sospenjiuns, mesi de trasport sostitutifs, avenimënć straordinars y desviaziuns de zirculaziun, pon consultè la seziun “Informazioni in tempo reale”.Le sorvisc nü de Trenitalia é da ćiafè sön la plata:
www.viaggiatreno.com/viaggiatreno/
MESI MIRACOLUSC
Caje “Vita Sanitas Q10”: Cun la segnalaziun dla Zentrala Europeica Consumadus (ZEC) vëgnel cherdè la polizia dla finanza da Maran
Ala fin dl mëis de setëmber à deplü consumadus y consomadësses dla Val de Puster informè la Zentrala Europeica Consumadus (ZEC) da Balsan ch’ai é gnüs invià a na presentaziun de n produt da lavè. Atira se à la ZEC intenü ch’ara se tratâ dl caje « Vita Sanitas Q10 », deache l’invit corespognô avisa a chël de messè, che ti ê gnü menè ai consumadus de Maran, Balsan, Porsenù y de Sterzing. Deboriada cun i ofiziers dla polizia dla finanza da Maran, à na aconsiadëssa dl ZEC tut pert a na presentaziun de chësc produt: al é gnü fat publizité dl alimënt complementar “Vita Sanitas Q10”, che aladô dl comerziant à davagné le pest Nobel deache al delibrëia les avënes dales plaches che s’à formè dal gras, abiné sön i parëis daìte tl’avëna. Tratan döta la presentaziun él gnü dè informaziuns nia prezises, cun ćinamai n valgügn fai tl ćiamp dla medejina. Implü ti él gnü proibì ai partezipanć da tó ite certes medejines. Bele da tröp tëmp prô la ZEC da ti fa capì ai consumadus che ti seturs de medejina, de sanité y de alimënć complementars, mëssi damanè le consëi a so mede de ćiasa, a farmazisć y a spezialisć! Do che la polizia dla finanza à ćiafè l’autorisaziun dal procuradù dla Republica Giancarlo Bramante, ési intergnüs tratan na presentaziun de venüda, secuestran le material y i contanć che i comerzianć â pro d’ëi. “Tl caje de n prozès cuntra chisc comerzianć, rapresentarà la ZEC la pert zivila speran ch’an sides bugn da ćiafè ćiamò val scioldo por rembursè i consumadus, vitimes de chësta trapola” dij Monika Nardo, la aconsiadëssa dla ZEC che ti é jüda do al caje y che s’à smughelnè ite te na presentaziun. |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239