english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.Verbrauchertelegramm Europa-Ausgabe Utober 2006
Beilage zur ladinischen Europa-Ausgabe Nr. 62 - Redaktion: Europäisches VerbraucherzentrumE-COMMERCE
La ufiertes pra lincanc online ie lientes!
Chi che va ala crissa de compres a bon marcià tl internet, les chir suvënz tla plazes per i lincanc online – y a chësta maniera garatela datrai propi de fé de bon afares. Ma metëde verda de no tliché massa debota: la ufiertes fates pra i lincanc online ie lientes!Chësc ie stabilì tla cundizions che n azetea tl mumënt dla registrazion tla plaza de marcià online. Tla acurdanza per i nuzënc e-bay iel p.e. scrit: “Pieta mé sce te és propi ntenzion de cumpré y lecòrdete che sce l oget te vën agiudicà, ies ublià a respeté l mpëni che te és tëut.”
Y po metëde verda: per i lincanc online ne ie l dërt de rezes nia udù danora aldò dla normes de defendura di cunsumadëures; l “codesc de consum” stluj ora i lincanc n generel, y chësc te na maniera esplizita!
LOTERIES TE PAEJES ORADECÀ
Permò cun l paiamënt à l cuntrat fazion
Tla Zentrela Europea Consumadëures vëniel for plu suënz dumandes de nfurmazion da pert de consumadëures che ie unic cuntatei tres telefonn da venditëues de loteries da oradecà che ulova ti vënder zedules de chësta loteries.Aldò dla AAMS (Aministrazion Autonoma di Monopoi de Stat) possel mé unì vendù zedules de na loteria de n paesc oradecà canche y sce chësta à n’autorisazion curespundënta.
A duc chëi che à giapà a cësa n “zertificat de loteria” ti dajons n pitl cunsëi: aldò dla lege tudëscia n cont dla loteries à l cuntrat de juech permò fazion cun l paiamënt. Perchël, sce ne ëis mo nia paià, ne ëis deguna ublianza de cuntrat ti cunfronc di venditëures dla loteria tudëscia!
FURMAZION DI CONSUMADËURES
www.dolceta.eu
L se trata de n proiet dla Cumiscion Europea, che à l fin de eduché online i consumadëures adulc.Dolceta tòl ite doi ciamps:
- i dërc di consumadëures
- i servijes finanzieres
I dërc di consumadëures: n basa a uniteies didatiches ti dan na prima udleda ai dërc di consumadëures. La uniteies didatiches ie furmedes da tesć, eserzizies de ntendimënt, ejëmpli y links a d’autra funtanes de nfurmazion. La uniteies didatiches à trëi livei de deficultà:
1. nfurmazions de basa
2. nfurmazions plu tl detail
3. nfurmazions spezieles
I 8 temes tratei ie i cuntrac de venduda, la ndicazion di priejes, l vënder a distanza, retlam, la segurëza di prodoc, la soluzion de stritoc y l marcià unich.
I servijes finanzieres: Chësc modul tòl ite 6 uniteies didatiches sun la tematica di servijes finanzieres tla Talia y tl’Europa. La uniteies didatiches ie metudes adum da tesć tlarienc, eserizies de ntendimënt y ejëmpli. Nce tlo iel trëi livei defrënc de deficultà.
I temes ie la gestion dl bugdet de familia, l credit al consum, l credit imubilier, l cont curënt, la modaliteies de paiamënt, l sparani y i nvestimënc.
L cajo dl mëns
Chëst iede ulons ti cialé plu a visa a n cajo de “overbooking”. De “overbooking” rejonen canche l ti vën a zachei negà la luegia scebën che l ie unit fat na prenotazion y n’apusteda regulera y n se à presentà a tëmp y ëura al aeroport.L no unì traspurtei ti à gaujà ai passajires na lingia de ncunvenienc y spëises n plu. Perchël ti ài scrit al ufize viages pra chël che i ova cumprà la zedules de viac na dumanda per giaté n rembursamënt dl dann. A chësta dumanda ài giapà la resposta, che no la linia de jol, no l ufize viac ie da sëui respunsabli per la ntraunida: a chësta maniera ne ài no giatà n rembursamënt per la spëises abudes no la cumpensazion ududa danora dal regulamënt dla UE nr. 261/2004.
A chësc pont à i cunsumadëures damandà aiut pra nosta zentrela. Permò do mo n auter scrit da nosta pert ti ie a chisc consumadëures unit recunesciù l paiamënt de cumpensazion. L ie da muië che chesta sort de cumpensazions vën fates true’ massa dinrer dala linies de jol, scebën che l se trata de n dërt di consumadëures. Ma chëst iede ons abù suzes!
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239