english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.Verbrauchertelegramm Europa-Ausgabe Setëmber 2006
Beilage zur ladinischen Europa-Ausgabe Nr. 55 - Redaktion: Europäisches VerbraucherzentrumCunfront priejes di auti 2006
Nce chëst’ann à la Cumiscion europea publicà n cunfront di priejes n cont di auti. L se trata de n strumënt scialdi de utl per chi che uel cumpré n auto te n stat dla Union Europea. La gran defrënzeis de priesc ie gaujedes dantaldut dala chëutes defrëntes ti paejes defrënc. La ZCE lecorda te uni cajo che l ie da tenì cont dl tëmp y dl mpëni materiel che se porta pro sce n compra n auto oradecà. La tabeles cun i priejes di auti ie da consulté sun chësta plata internet:ec.europa.eu/comm/competition/car_sector/price_diffs/
Turisć prutagonisć
“Turisć prutagonisć” ie n servisc metù a despusizion dala Presidënza dl Cunsëi di Ministri che à la mira de miuré l turism te nosc paesc ti fajan cunté a jënt che à passà si feries oradecà de si esperienzes. L se trata de abiné adum i cunsëies di turisć taliani che à passà chëst’ann positivamënter si feries te paejes oradecà per giaté vel’ impuls de utl per miuré i servijes turistics talians. La Talia, defati, ie al prim post tla tlassifiches per la belëza, la cultura y la cuntreda, ma la pierd posizions per la plutosc stleta capaziteies atratives y urganisatives. Tlo ie la plata internet, ulache pudëis abiné deplù nfurmazions n cont de chësta scumenciadiva:www.turistiprotagonisti.it
Na marënda “debant” da 900 Euro
Tl mëns de lugio à deplù persones de Südtirol giapà na lëtra cun n nvit per tò pert a na desmustrazion de n prodot da lavé y n bon per giapé prodoc defrënc y na marënda da trëi derzedes. Nsci se à na lingia de zitadins y zitadines de Maran, Bulsan, Persenon, Burnech y Sterzing, plu che auter jënt de tëmp, presentà ala desmustrazion minan de purvé ora n prodot da lavé per mascins da lavé. La desmustrazion se à tosc tramudà te na cunferënza per ti pancé su a chi che fova iló n prodot miraculëus che ëssa pudù, a dì dl venditëur, varì duc i mei dla veciaia. Pra chësta ancuntedes se à deplù persones lascià ciaculé su de cumpré l “Vita Sanitas Q 10”: 6 pachetli da 30 fiales l un per la bela soma de Euro 990,00. Chëi che fova iló dij che l paiamënt pudova mé unì fat tres cuntanc. Puec dis do la compra ie deplù persones de tëmp jites tla ZCE a damandé nfurmazions sun co pudëi fé per desdì l cuntrat. Ma, desfertunatamënter, ne fova sun l cuntrat sotscrit da chisc consumadëures no data sëura l’azienda no l’adres per pudëi mandé na rezescion dal cuntrat.De chësta manifestazions ti iel perchël po unì dat comunicazion ala Verdia de Finanza de Maran che à nvià via la nrescides per pudëi abiné i urganisadëures de chësta vendudes.
Cajo dl mëns
N consumadëur austriach à cumprà na mëisa de scipa te na butëiga de mubilia tl’Austria che se à rot do curt tëmp zënza che degni ne ëssa fat velch. Se rumpian à la mëisa danejà l fonz de parchet, l tapet y l canapé. Do chësta ntraunida ie l consumadëur jit pra la ZCE de Viena che l à mandà pra la ZCE de Bulsan, ajache la mëisa fova n prodot talian. Tl cajo de prodoc da defet, defati, ie l produtëur respunsabl per l dann gaujà da si prodoc.Tres nosc ntervënt ti ie al consumadëur unì mandà na soma de Euro 1.782,00; per nëus se àl tratà de n gran suzes, pervia che, ënghe sce la rejon ie dala pert dl consumadëur, ne suzédel nia suënz che l vën rembursà de tel somes zënza che n vede per la streda de n pruzes.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239