english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.Verbrauchertelegramm Europa-Ausgabe Lugio-Agost 2006
Beilage zur ladinischen Europa-Ausgabe Nr. 48 - Redaktion: Europäisches VerbraucherzentrumIADI I
Pachet intlusif de iade: atenziun ales modifiches dles partënzes
Tl ultimo tëmp s’à tröć consumadus de Südtirol y de döta la Talia baudié pro i organisadus de iadi talians, deach’i orars de jore, dà dant ti pacheć turistić é gnüs mudà jö.Püć dis dan le dé de aviada ti vëgnel lascè al savëi al consumadù, che l’orar de jore é gnü mudé: le jore da jì, impede pié ia dales sis da doman, va impormò sön la sëra o de nöt, y le jore da gnì bele da doman adora y nia, sciöch’al ê preodü, impormò da sëra: insciö devënta por ejëmpl na jita de 9 dis y 8 nöts ma plü na jita de 7 dis y 8 nöts.
Tolun chësta ocajiun por ves segnalè n muster de na lëtra ch’i podëis adorè tl caje ch’i orëis menè al’organisadù de iadi na lëtra de lamentanza y i oresson ves recordè che chësta mëss gnì menada ite tl tëmp de 10 dis da canch’i sëis gnüs zoruch.
http://www.provincia.bz.it/consulenza%Dconsumatori/Detail_i.aspx?CASE_ID=479
IADI II
Passaporć: I viagiadus mëss aspetè di por l’emisciun y l’arlungiamënt
Püć dis dan le scomenćiamënt dles vacanzes da d’isté mëss tröć talians tignì cunt cun dificoltês por ći che reverda l’emisciun y l’arlungiamënt dl passaport. Da canche les disposiziuns nöies sura l’entrada ti Stać Unis d’America é jüdes en forza, n’é les cuestöres nia bones de respogne a dötes les domandes, che s’à acumulè ti ultimi mëisc. La gauja n’é nia ma la manćianza dl personal, mo inće chëra di injins ch’i ënć à a disposiziun.Öna na alternativa è chëra de s’adressè al consulat o a l’ambasciada y damanè do n visum: chësta soluziun vëgn inće proponüda da tröć ofizi iadi.
I oressun ves daidé recordè che les disposiziuns nöies prevëiga ch’i viandanć, che ó jì ti Stać Unis por turism o por afars, mëss avëi sciöche alternativa n passaport, che vëgn lit dala mascinn, emetü dan dai 25 de otober dl 2005, o n passaport, che vëgn lit dala mascinn, emetü dai 25 de otober dl 2005 inant mo cun na fotografia digitala.
IADI III
Confrunt di prisc: iadi 2006
Inće chësc ann unse confrontè i prisc y, sciöche l’ann passè, él gnü chirì fora n hotel sön l’ijola de Mallorca y deplü hotì dla Sardegna. Pro l’hotel spagnolo él gnü metü a confrunt i prisc de cater organisadus foresć, por la strotöra tla Sardegna unse confrontè i prisc de n operadù de tours austriach (Christophorus Reiseveranstaltungen GmbH) cun i prisc de n operadù talian (Vacanze Smeralde Srl).Por consultè les tabeles: http://www.euroconsumatori.org/16849v24471d28357.html
VENÜDES DE C'IASA A C'IASA
Remedi che fej miracui, diretamënt da os te ćiasa
Reflesciuns d’ütl denanco les cumprè
La Zentrala Consumadus dla Comunité Europeica ćiafa tres indô segnalaziuns da consumadus y consumadësses che vëgn baià sö da cumpagns o conoscënć: chisc prô da ti vëne remedi cuntra de vigni sort de mai, che fej miracui. Produć stravaganć sciöche por ejëmpl n süch d’ordöra te bozes da mez liter al prisc de 20 euro, che dëida cuntra de vigni sort de desturbs, po gnì venüs tla Talia do la normativa dla “novel food” sciöche alimentars complementars. La lege proibësc de ajuntè a chisc produć faziuns terapeutiches o curatives y tl caje che chësc regolamënt ne vëgn nia tignì ite, mëssun la paié sura cun na gran straufunga. Impò vëgnel partì fora brosciüres cun studies olach’al vëgn sotligné che le süch dëida pro le 88% di caji d’alergia a smendrì i sintoms.
Sovënz n’é l’invit dl rapresentant nia ma chël de cumprè so produt mo inće chël de deventè instëss comerziant.
La morala de chësc jüch é: punsede sura trëi iadi - sides denanco cumprè, sides denanco tó la dezijiun de cumprè!
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239