english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.Verbrauchertelegramm Europa-Ausgabe Mei 2006
Beilage zur ladinischen Europa-Ausgabe Nr. 34 - Redaktion: Europäisches VerbraucherzentrumVIAGË
Vacanzes garatedes scumëncia cun l’apusteda
Sce l’ansciuda ne ie nia ciauda y da surëdl, ma grija, da plueia y da vënt, cie ie pa plu nvient che se goder n’antizipazion dla vacanzes chiran ora dai catalogs l travert de viac che n se à for semià. Ma metëde verda: „Majon da pert dl mer“ ne uel nia dì che l ie segur che n vëij l mer, coche nce „n hotel diretamënter sun l mer“ ne muessa nia vester per forza sun la spiagia ndureda – nce n port de pescadëures ie sun l mer.ABINÉ L’ANA JUMBLINA I
Crì n partner tres nserac te zaites: de cie che n dassëssa tenì cont
Canche vën l’ansciuda se descëida, ora che la natura, nce l dejidere de se namuré y n ëssa gën zachei daujin.Suënz iel la agenzies matrimonieles che mët tla zaites defrëntes nserac persunei. Canche „Ch’l Jëunn Dasëul“ y „Ch’la Jëuna Dasëula“ se presentea per un de chisc nserac ti vëniel damandà de sotscrì l cuntrat. Ma dan sotscrì chësc cuntrat iel for bon ti dé mo na segonda udleda: ie pa l nserat che ova descedà vosc nteres bën nunzià tl cuntrat? Sce chësc ne ie nia l cajo saràl rie che l se porte pro n cuntat cun la persona descrita.
ABINÉ L’ANA JUMBLINA II
Metëde verda: vosc dërt de rezes debant possa unì limità
Uni cuntrat stipulà dedora dla muredes di locai cumerziei ti dà al cunsumadëur l dërt de rezeder debant tl tëmp de diesc dis: chësc vel ënghe per l cuntrat stlut ju cun l’agenzies matrimonieles che vën suenz sotscrì te na bar o te n’autra luegia publica.Puec sà che sce n uel, canche n stluj ju l cuntrat, che la prestazion vënie ademplida bele dan che l tëmp de rezes sibe passà, muessa chësta nce unì paieda tla mesura te chëla che la ie unida ademplida.
Jan de reviers al cuntrat n cuestion: canche „Ch’l Jëunn Dasëul“ y „Ch’la Jëuna Dasëula“ sotscrij l cuntrat se mbinci dessegur de giapé tosc prupostes de ancunteda da partneri puscibli.
Ma sce la mediazions se realisea tl tëmp de diesc dis y l cunsumadëur tòl la dezijion de rezeder, muessa chësta mediazions unì paiedes per ntier.
Perchël nosc cunsëi: te chisc caji se paiel a renunzië ala prupostes ntan i prim 10 dis!!!
L CAJO DL MËNS
L ie for n plajëi canche n po liejer „gratis“ sun na plata Internet.
Ënghe na firma tudëscia à adurvà chësta sort de retlam sun deplù plates internet. Tlo n valgun ejëmpli: www.vornamen-heute, www.songtexte-heute; www.tatooo-heute, www.hausaufgaben-heute . Ma la ufierta debant valova mé 24 ëura ala longia, dadedò se tramudovla automaticamënter te n abunamënt a paiamënt. I cunsumadëures s’n à permò rendù cont canche i 14 dis de tëmp ntan chëi che i ëssa pudù rezeder fova passei.Sun dumanda de truep cunsumadëures de Südtirol ons cuntatà nosc colegs ti Paejes Tudësc che se à muet cun suzes tres l’autorità che garantësc la concurënza y che à amunì la firma n cuestion.
La reazions ne à nia mancià: la firma à mudà si plates internet; l ne ie da udëi plu deguna ufierta debant, l ie da liejer assé nfurmazions n cont dl rezes, l link dla cundizions genereles se presentea finalmënter te na maniera tlera. Nosta fadies y nosta ustinazions ie ala fin unides premiedes cun l suzes: l aucat dla firma nes à fat al savëi cun na tëuta de posizion che la cuestion ie per ëi resolta.
L desplej che la plates internet nunziedes ne ie nia la sëules nvientes, ma che ngiana.
Perchël mo n iede: „nia ne ie debant!“
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239