2007
2006
	2006 ladin
		Dezëmber 2006
		Novëmber 2006
		Utober 2006
		Setëmber 2006
		Lugio-Agost 2006
		Jügn 2006
		Mei 2006
		Auril 2006
		Merz 2006
		Faurè 2006
		Jenè 2006
	Dezember 2006
	November 2006
	Oktober 2006
	September 2006
	Juli-August 2006
	Juni 2006
	Mai 2006
	April 2006
	März 2006
	Februar 2006
	Jänner 2006
2005
2004
2003
2002
2001
2000
Oktober 2008
September 2008
Juli/August 2008
Juni 2008
Mai 2008
April 2008
März 2008
Februar 2008
Januar 2008
Jenà 2008

Verbrauchertelegramm / 2006 / 2006 ladin / Auril 2006

Verbrauchertelegramm Europa-Ausgabe

Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.

Verbrauchertelegramm Europa-Ausgabe Auril 2006

Beilage zur ladinischen Europa-Ausgabe Nr. 27 - Redaktion: Europäisches Verbraucherzentrum

IADI 1

… por ći che reverda la Cherta di dërć dl passajier

N’atra novité é gnüda sö ti ultimi dis tl setur dl trasport cun le fligher: ara se trata dl Decret Legislatif nr. 69 dl 2006, publiché tla Gasëta Ofiziala di 6 de merz y che é jü en forza ai 21 de merz 2006. Le Decret vëiga danfora “Sanziuns por la violaziun dl Regolamënt 261 dl 2004 che mët sö regoles che vel por düć tl ćiamp dla compensaziun y dl’assistënza por i passajiers tl caje ch’ai n’à nia podü s’imbarchè, sce le jore é gnü anulè o s’à dër intardié”. L’organism che é gnü designé da controlè che le Regolamënt dl’UE 261 dl 2004 vëgnes veramënter apliché y, sce chësc ne vëgn nia fat, da apliché les straufunghes aministratives odüdes danfora, é l’Ënt Nazional talian por l’Aviaziun Zivila ENAC.
Chësta é na defenüda implü por i passajiers che é stà vitimes de situaziuns püch plajores por gauja de anulaziuns dl jore, intardiades y overbooking, y é sambëgn inće n “invit” ales lignes de jore da respetè les normes varëntes.

IADI 2

Le Vicare de Pêsc de Ferrara condanëia Alitalia por overbooking

Le vicare de pêsc ti à reconesciü a n pêr de Ferrara le dërt de refata dl dann. Alitalia é gnüda condanada a paié 1.200 euro y düć i cosć de signoria. Le vicare à aratè che ne lascè nia jì a bord i passajiers che à prenotè regolarmënter é na violaziun de sü dërć (sentënza dl Vicare de Pêsc de Ferrara nr. 299 dl 2006).
Pro l’overbooking se trâtera dl fat che la compagnia de fligri vënn n maiù numer de chertes ch’al n’é posć a desposiziun. Le vicare à stabilì che chësta é na pratica pro chëra che l’aziënda de jore n’ademplësc nia le contrat y porchël éra obliada da refà le dann.
Chësc é zënzater n vare important. I sperun ch’al portes pro a garantì na tres majera defenüda di passajiers tl setur di trasporć, conscidran che l’overbooking rapresentëia, dlungia les anulaziuns de jore y les intardiades, öna dles rajuns plü da dessenè che po ester por chi che é sön le iade cun le fligher.

Caje dl mëis

N consumadù inglesc s’à imperstè por süa vancanza tla Talia n auto pro n imprëst de auti sön l’aeroport de Cagliari. Pro n inzidënt àl indere danejè la stangia paraurtades dl auto imprestè. Sön na tara ti àl atira lascè alsavëi al imprëst de auti ći ch’al ê sozedü. Mo indere, rové derevers a London, àl messü constatè ch’al ti ê gnü trat jö da süa cherta de credit indöt 1.800 euro. Chësta soma fajô fora trëi iadi tan co le preventif dles spëises che le consumadù s’â lascè fà da n carozier a London, conzescionar dla medema marca d’auti.
Sön chësta à le consumadù atira tut sö contat cun la Zentrala Europeica Consumadus taliana perian ch’ara le daidass te chësta situaziun. A so inom y sön süa inćiaria ti unse scrit de plü lëtres al imprëst de auti ti damanan derevers la soma debit y ghiran ch’al metess jö avisa i cosć albüs. Atira nes él gnü impormetü na rembursada da pert dl imprëst de auti mo pormò do da tröp tëmp y do da tröc e-mails scrić cun insistënza ostinada s’à le consumadù finalmënter lascè alsavëi ch’al ti é gnü acredité sön so cunt la soma impormetüda, ch’al ne ti ê pordërt nia debit al imprëst, de presciapüch 1.000 euro.
... Y indô n iade s’àl desmostrè che le miù meso por arjunje ći ch’an ô é ne la dè nia sö tan atira!

INTERNET

Nia n’é debann

Frases sciöche chëstes “I sëis le su che à davagné 1.000.000 de euro danter na schira de miliuns de porsones!”, “incö gratis...” o “i ves scincun ...”, atira tröpes porsones y porta sovënz a fà cosses zënza bëgn dî ponsè y cun imprudënza.
Al é pö ma poscibl da davagné valch sc’an à tut pert a n jüch: degöna sozieté ne scinca ca miliuns por amur dl proscimo.
Ofertes online retlamisades cun slogans sciöche por ejëmpl “incö gratis...” messess pordërt gnì tutes en conscidraziun dër avisa: tles condiziuns de contrat va la frasa sovënz inant insciö “incö gratis, da doman inant se trasformëia automaticamënter Osc tëmp de proa gratis te n abonamënt de dui agn al prisc de 7 euro al mëis”. Les scincundes é gonot liades a apostaziuns y ares é bele contignüdes indiretamënter tl prisc de basa.
Porchël Os che jëis a chirì de bogn afars, metede averda: ći che pê massa bel por ester vëi, é sovënz propi insciö!


software by endo7