2007
2006
2005
	2005 ladin
		Dezëmber 2005
		novëmber 2005
		utober 2005
		setëmber 2005
		Lugio/Agost 2005
		Jügn 2005
		Mei 2005
		Aurì 2005
		März 2005
		Faurè 2005
		Jenè 2005
	Dezember 2005
	November 2005
	Oktober 2005
	September 2005
	Juli-August 2005
	Juni 2005
	Mai 2005
	April 2005
	März 2005
	Februar 2005
	Jänner 2005
2004
2003
2002
2001
2000
Dezember 2008
November 2008
Oktober 2008
September 2008
Juli/August 2008
Juni 2008
Mai 2008
April 2008
März 2008
Februar 2008
Januar 2008
Jenà 2008

Verbrauchertelegramm / 2005 / 2005 ladin / Mei 2005

Verbrauchertelegramm Europa-Ausgabe

Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.

Verbrauchertelegramm Europa-Ausgabe Mei 2005

Beilage zur ladinischen Europa-Ausgabe Nr. 34
Redaktion: Europäisches Verbraucherzentrum

LOTARIES

Degöna fortüna por chi che tira ala niza foradecà!

Tres e-mail, fax o posta: degügn ne se salva plü dal ciafè invic a tó pert a lotaries de stac da foradecà.
Mo al é da mëte averda: chi che tol pert dala Talia a lotaries da foradecà (p.ej. NKL, SKL) ne ti va nia ma adincuntra a straufunghes aministratives mo ince a straufunghes penales.
Al po ince ester ch’al vëgnes comuniché le davagn de na gran soma de scioldi zënza n’avëi mai tut pert a na lotaria (p.ej. International Lottery, Bill Gates Lottery, lotaria spagnola nazionala); te chisc caji él sambëgn ince da se destanzié deache feter dessigü se trâtera de na tuta por le nês o de na ingianada.

DEFENÜDA EUROPEICA DI CONSUMADUS

Na Zentrala Europeica Consumadus (ZEC) te (oramai) vigni Stat comëmber

Tl Belgio, tla Danimarca, ti Paîsc Todësc, tl’Estonia, tla Finlandia, tla Francia, tla Grecia, tl’Irlanda, tla Talia (la ZEC da Balsan), tla Lettonia, tla Lituania, tl Luxemburg, ti Paîsc Basc, tl’Austria, tla Polonia, tl Portugal, tla Svezia, tla Spagna, tla Republica Ceca, tl Rëgn Unì y a Ziper él indlunch na Zentrala Europeica por i Consumadus che ti pîta assistënza a dötes les consumadësses y a düc i consumadus d’Europa sc’ai incunta problems che va sura i confins fora. Ti Paîsc Todësc y tla Spagna él cinamai trëi ZEC. Ince la Norvegia y l’Islanda che é paîsc che fej pert dla EFTA (European Free Trade Association) à metü sö na Zentrala a Oslo y a Reykjavik.
De plü informaziuns sön la rëi dles ZEC é da ciafè sön la homepage dla Comisciun Europeica.

REFERAC DLES REFERËNTES DI CONSUMADUS

“La moltiplicaziun de scioldi miracolosa?!?”

“La fondamënta pro sorvisc finanziars dubiusc – sciöche despartì le tlof dai granì de formënt!” Por mirit dl sostëgn finanziar dla Fondaziun dla Cassa dl Sparagn gnaràl tignì na ligna de referac sön chësc argomënt da referëntes dla Zentrala Consumadus:

ai 3 de mà 2005 dales 20.30 tla Ciasa dles Uniuns catolica a Kaltern - KVW Kaltern
ai 12 de mà 2005 dales 20.00 tla Ciasa Voitsberg a Vahrn – KVW Vahrn
ai 13 de mà 2005 dales 20.00 tla Ciasa dles Uniuns a Reschen – KVW Reschen
ai 24 de mà 2005 dales 20.00 tla scora elementara de Mühlbach - BA Mühlbach / Vals
ai 25 de mà 2005 dales 20.00 tl Zënter pastoral de Ora - KVW Ora

SÖN LE IADE CUN L’AUTO

Le corpet de segnalaziun de prigo śëgn ince tl’Austria

Dal 1. de mà 2005 inant vel ince sön les strades dl’Austria l’oblianza dl corpet refletur.
A desfarënzia dla Talia olach’al vëgn ma straufè chi che n’à nia le corpet te na situaziun de prigo scrî l’Austria dant che te vigni auto mëssel ester n te’ corpet refletur che segnalëia le prigo.
Por che la jënt pois s’adatè a chësta normativa ti dà le Stat austriach tëmp cina al 1. d’agost; tratan chisc trëi mëisc gnarà i ciafêrs zënza corpet ma informà mo nia straufà.
Al vëgn recordè che ince tl Portugal, tla Spagna y tla Republica Ceca vel na te’ oblianza y te d’atri stac dl UE éson tl laûr da dè fora de te’ desposiziuns.

CAJE DL MËIS

La tlassica vacanza ch’an n’oress mai avëi fat é canch’an röia derevers te ciamena de hotel y an vëgn sura ch’al é gnü arobè fora dla cassëta de segurëza.
Belavisa chësc ti él sozedü a n turist talian tratan süa vacanza a Paris.
Mo indere la direziun dl hotel y l’assigraziun n’orô nia n’un savëi daimpröma de paié le dann deache le turist n’ê nia bun da cumprovè la soma de scioldi che ti ê gnüda arobada. La ZEC da Balsan à damanè l’intervënt di colegs franzeji che n’à nia albü na inciaria saurida. Le consumadù à colaurè cun gran desponibilité cun la ZEC franzeja y cun chëra taliana y tl dër’ momënt àl azetè la soluziun de compromis dla pert decuntra. Chësc caje nes desmostra sciöche le comportamënt de n consumadù porta pro te tröc caji al bun resultat dla chestiun de strit.


software by endo7