english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.OTOBER 2004
Redaktion: Europäisches VerbraucherzentrumCOMERZ ELETRONICH
N "click" de massa!
Canche an é te internet sâlton te ofertes de iadi che fej gola. An se lascia ion fà na oferta por un o l’ater post de vacanza. Mo al é da mëte averda: sce dlungia la parora "domanda" vëgnel sö la scritöra "vincolënt" spo éson bele tacà. Te parores tleres: sce l’ofize iadi ciafa c'iamò n post lëde y ves al lascia al savëi spo é le contrat de iade varënt y al é da fà i cufri. Chê che damana de plü ofertes vincolëntes te n iade risc'ia dër tröp: sce dötes les agenzies ves abina n post lëde spo pon bëgn se chirì fora le post de destinaziun mo al é da paié por dötes les atres propostes.Nosc consëi: denant che jì sön "OK" mësson ester sigüsc che la proposta ne sides nia vincolënta. Sce al é insciö spo val debojëgn de verifiché cina a ci data deache sovënz vëiga les condiziuns generales dl contrat danfora che chësc lian restes cina al dé olache al é da pié ia, ince sce l’agenzia ne dà degöna garanzia de ciafè lerch tl post de vacanza dejidré.
IADI
Cumprè ite te Europa
Savôse pordërt che tl’Austria ne ëise nia le dërt de cumprè la marcianzia al prisc metü fora sön scafa o dè dant sön le produt instës? Savôse bele che tla Finlandia n’à le dërt de garanzia sön i bëgns de consum degun limit, chilò da nos indere dörel ma dui agn? Savôse che sce an paia cun la cherta de credit tla Svezia spo mësson mostrè sö n documënt de reconescimënt? Le manual "Cumprè ite t’Europa" alza fora n valgönes particolaritês iuridiches y usanzes comerziales. Al é ponsè por chës porsones che va te un di vedli Stac' dl’UE y ô jì a cumprè ite zënza problems (manual).ALIMENTAZIUN
Ester sön le iade cun alergies
Cer alimënc é por valgügn de nos d’importanza vitala, por d’atri indere po chisc medemi alimënc ester n prigo de vita. Porchël mëss porsones che à alergies controlè avisa sciöche le mangé é metü adöm. Chësc n’é sambëgn nia saurì tla vita da vigni dé, spo pa canche an é te n paîsc foradecà. Por chësta rajun renunziëa tröpa jënt a se mëte sön le iade tl vers de n paîsc forest. Mo chësc ne mëss nia ester: la Zentrala Europeica Consumadus de Kiel à dè fora n pice dizionar di alimënc che é plü gonot gauja de alergies cun la traduziun te n gröm de lingac dl’Europa. Chësc pice dizionar podëise ciafè debann pro la Zentrala Europeica Consumadus da Balsan.CUTES
La cuta sön le valur ajuntè ti paîsc comëmbri nüs
Sciöche pro i vedli stac' dl’UE él inc'e pro i nüs stac' comëmbri desfarënzies nia da püch por c'i che reverda la cuta sön le valur ajuntè. Te n valgügn stac' vel c'inamai na mëndra cuta sön le valur ajuntè sön mangiaria, medejenes o sorvisc d’alberch. Chëstes é les alicuotes:- Ziper 15%
- Estonia 18%
- Letonia 18%
- Lituania 18%
- Malta 15%
- Polonia 22%
- Rep. Ceca 19%
- Rep. Slovaca 19%
- Slovenia 20%
- Ungaria 25%
Caje dl mëis
Al parô ester l’afar dl secul: n auto de lus al prisc de lizita inizial de 1 n euro. Sambëgn ne po Jan Scioldicumpedà nia se lascè sciampè na te’ ocajiun y por 3 euro pêl ester stè bun de ciafè le bëgn!!! Mo sciöche an sa döra i bi sonns ma püch.Jan n’â nia cumprè n auto mo ma na posiziun contratuala: al n’ê nia gnü metü a lizita n auto mo n contrat de cumpra de n auto al “bun” prisc de 50.000 euro. Por les poscibilitês de Jan na soma fora dl normal.
La fortüna tla desfortüna: La Zentrala Europeica Consumadus é stada bona da tó sö contat cun le conzescionar y da dè inant la posiziun contratuala a n terzo compradù. A chësta moda se l’à berba Scioldicumpedà cavada cun na bota mo les nötes passades zënza stlüje n edl ti sarà dessigü na leziun por la proscima roda online.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239