english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.LUGIO-AGOST 2004
Redaktion: Europäisches VerbraucherzentrumVIAJË
Sun na ijula cun l auto
Chi che à ntenzion de jì n feries tla Sardenia o tla Corsica cun l auto dëssa tò n cunscidrazion i ponc suandënc:L articul 423 dl Codesc de navigazion dla Talia vëij dant na respunsabltà limiteda (nchina 103,29 Euro) per l cundutëur dl trasport maritim tl cajo che l ëssa da vester danns al auto ntan l trasport. Ma tl mumënt dl’apusteda iel mesun stipulé na “detlarazion de valor” tres chëla che la respunsabltà dl cundutëur dl trasport maritim vën avaneda. Chësta detlarazion possa vester scialdi cëra: n possa ruvé a paië na soma de 200 Euro sëuraprò ai custimënc dla cabina y dla cherta de viac.
Perchël vala de se nfurmé avisa sun la cundizions pra la assoziazions de trasport maritim dan apusté l bastimënt. L vën nce cunsià de damandé do al’assegurazion dl auto sce l ne se paiessa nia plutosc fé na assegurazion “Casco” per l tëmp che n ie tla feries.
SANITÀ
Cures sota la palmes?
I luesc de cura y i hotiei de wellness ie de moda: for plu y plu cunsumadëures nuza la feries nia mé per se refé dal lëur y dala vita de uni di ma per purté a na fin o almanco schivé i pitli mei. I hotiei y i zëntri turistics se à bele giut adatà a chësta situazion. L vën for plu suvënz pità demostrazions de prudoc saniteres te luesc de cura y relax che ti dà la puscibltà a trapulons de deventé scialdi rics vendan piles y mascins dajan da crëier che les fej miraculi.N valgun cunsëies per ne se lascé nia ngiané da prupostes puech sceries ie da desciarië dal internet www.euroconsumatori.org o da giapé sun la plata de nfurmazion “Cures sota la palmes” diretamënter tla Zentrela europeica di y dla cunsumadëures (tel. 0471/980939).
CUNFRONT DE PRIEJES
18 iedesc IKEA
La Zentrela europeica de Düsseldorf/Gronau, jumblineda cun la ZEC de Bulsan, à paredlà te bën 18 paejes dl’Europa, i priejes de 75 prudoc dla plu gran cësa de mubilia dl mond: l’IKEA, ulache nce na gran cumpëida de persones dl Südtirol compra ite. Da chësta nrescida resultea che l ie defrënzies nchina l 72% pra l medemo prudot; chësc desmostra che paredlé i priejes se paia –schiche for!! Per l Südtirol sciche teritore de cunfin se paia l cunfront de priejes mo de plu. La nrescida desmostra che l ti cunvën ala cunsumadëures y ai cunsumadëures dl Südtirol se nfurmé sce i priejes ie plu basc tl Südtirol, tla provinzies ujines dla Talia o tl’Austria. La medema cësafuech per ejëmpel costa 141 Euro de manco dal’IKEA a Dispruch che da chëla a Brescia. D’autra pert paien 30 € deplù a Dispruch per la gardaroba Mammut. Di 75 prudoc paredlei ie 32 plu bon marcià tla Talia, 34 tl’Austria y mé 9 costa unfat.CAJO DL MËNS
N cunsumadëur se lascia ite te na pruposta internet nteressanta y nscì apostel na camera digitela tres n click y paia danora tres banca. Ënghe sce l ti ie unit dit plu suvënz che l pachetl ie unit mandà da n curiere ne ruva la camera nia a destinazion. Ora de nia ne ie l cunsumadëur nianca plu bon de cuntaté la butëiga virtulea. N udleda tl liber dl telefonn on-line y l damandé do pra la Majon dl Cumerz tudëscia desmostra per fertuna che chësta firma ne ie nia mé na fizion. L cunsumadëur tol la dezijion de pluré l venditëur y ti manda na copia dla plura.Bele doi ëura do ie l culegamënt tres e-mail inò puscibl. L passa mé puec dis nchina che l pachetl cun la camera ruva a destinazion.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239