2007
2006
2005
2004
	2004 ladin
		dezëmber 2004
		november 2004
		otober 2004
		setëmber 2004
		lugio-agost 2004
		jügn 2004
		mei 2004
		auril 2004
		merz 2004
		forà 2004
		jenè 2004
	Dezember 2004
	November 2004
	Oktober 2004
	September 2004
	Juli-August 2004
	Juni 2004
	Mai 2004
	April 2004
	März 2004
	Februar 2004
	Jänner 2004
2003
2002
2001
2000
Oktober 2008
September 2008
Juli/August 2008
Juni 2008
Mai 2008
April 2008
März 2008
Februar 2008
Januar 2008
Jenà 2008

Verbrauchertelegramm / 2004 / 2004 ladin / jügn 2004

Verbrauchertelegramm Europa-Ausgabe

Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.

JÜGN 2004

Redaktion: Europäisches Verbraucherzentrum

LOTARIES

Impede miliuns plöiel sanziuns

Che che cumpra tla Talia chertes de lotaries da foradecà o tol pert dala Talia a jüc' de fortüna delà dal confin mëss fà cunt sides cun na sanziun penala (straufunga d’arest c'ina a 3 mëisc o strauf de scioldi da 51,65 a 516,46 euro) che cun na sanziun aministrativa (da 154,94 a 929,62 euro).
Sciöche la Curt de Iustizia Europeica à confermè ne va chëstes desposiziuns nia cuntra le prinzip dla prestaziun de sorvisc lëdia, deache ares depënn da rajuns de politica soziala y garantësc na maiù segurëza da ingianades.
Inc'e te d’atri paîsc europeics vèlel la medema sort de normes.

AMPLIAMËNT DL’UNIUN EUROPEICA I

Paiamënc' bancars inanter i stac' dl’UE

I 10 Stac' comëmbri nüs mantignarà c'iamò por n pêr d’agn süa valüta. Impò toli bele pert al sistem di paiamënc' bancars inanter i stac' dl’UE odü danfora dal Regolamënt comunitar n. 2560/2001. Chësc ô dì: che che fej n paiamënt bancar en euro adoran i codesc IBAN y BIC tl vers de un di Stac' comëmbri nüs dl’Uniun europeica o nen ciafa un da n zitadin o na zitadina dl’UE ne arà nia cosc' maius co por n paiamënt bancar nazional. Chësc prinzip che vel por i Stac' comëmbri vedli bele dal 1 de messè 2003 é śëgn inc'e gnü slarié fora ai stac' rovà da püch pro l’UE.

AMPLIAMËNT DL’UNIUN EUROPEICA II

Fajon n iade ...

Unité n’ô nia dì uniformité. Chësc ti resultëia tler ales porsones che por vacanzes, afars o laûr fej n iade te un di diesc Stac' comëmbri nüs dl’Uniun Europeica: dales valütes desfarëntes, a formalitês d’entrada c'ina a desposiziuns de importaziun y esportaziun nia unitares. Por ejëmpl: por i mituns y les mitans che n’à nia c'iamò arjunt le chinejimo ann d’eté val debojëgn por l’entrada te un de chisc paîsc n passaport individual o la registraziun cun na fotografia tl pas di geniturs.
La Zentrala Consumadus Europeica à laurè fora diesc plates d’informaziun olache al vëgn descrit en cört les particolaritês por che che va te un di Stac' comëmbri nüs.

IADI I

La Sozieté de jore Duo en concurs!

Sciöche la Zentrala Consumadus Europeica dla Gran Bretagna, Euroconsumer de Wolverhampton lascia al savëi, é la notizia dl falimënt dla sozieté de jore Duo oramai ofiziala.
I cunsumadus y les consumadësses che à c'iamò da avëi n sorvisc bele paié danfora da pert dla Sozieté de jore Duo po porvè da fà avarëi sües rajuns tla prozedöra de concurs.
Al basta fà na domanda informala ai aministradus dl concurs injuntan na copia dles confermaziuns di paiamënc' fac', por ejëmpl de paiamënc' bancars o de estrac' de paiamënt cun cherta de credit, chertes de jore, y i.i.. I inoms di aministradus dl concurs po gnì damanà pro la Zentrala Consumadus Europeica.

IADI II

Turism ecologich y da sostignì

www.eco-tour.org – Ara se trata de na banca dac' che pîta ales porsones interessades informaziuns de ütl y te de plü lingac sön le turism ecologich y da sostignì cun ofertes laprò. An po inc'e ciafè propostes concretes de iadi, informaziuns sön strotöres y regiuns che tëgn cunt de criters ecologics y soziai, sciöche inc'e döt c'i che al é bun savëi sön le turism ecologich en general.

CAJE DL MËIS

Por na c'iamena cun odüda sön le mer à na consumadëssa paié n suplemënt de 750 euro. Ma che dala c'iamena prenotada podôra apëna apëna odëi le mer da dalunc. A nia n’à jovè la retlamaziun sön le post ajache le hotel ê plëgn.
Na retlamaziun por scrit al tour operator, cun chëra che la consumadëssa damanâ la retüda dla soma paiada por l’odüda sön le mer gnô sciurada zoruch cun la iustificaziun che le mer ê bëgn da odëi, inc'e sce n pü dalunc.
Chësta resposta ne ti à sambëgn nia plajü ala consumadëssa mo bëgn gnanca al ofize iadi pro chël che ara â prenotè süa vacanza: insciö por mirit dl’esortaziun insistënta da pert dl ofize iadi ne ti à le tour operator nia ma refat ala consumadëssa le suplemënt de 750 euro por la odüda sön le mer, mo inc'e les spëises bancares, ti conzedon c'inamai n bonn por n iade de 150 euro.


software by endo7