english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.AURIL 2004
Redaktion: Europäisches VerbraucherzentrumCUNFRONT DE PRIEJES
Cunfront de priejes de auti tl UE da pert dla DG Cuncurënza
I dac nes prejëntea la situazion dl prim de nuvëmber dl 2003 y mët a cunfront i priejes netto (zënza chëuta sun l valor njuntà y zënza chëuta eco) di 91 modiei plu vendui da 18 produtëures europeics, 7 asiatics y un n produtëur american.L cunfront cun studies da dant desmostra che la defrënza de priesc ie deventeda mëndra ma purempò ie la defrënzes de priesc grandes. Sun 91 modiei d’auti costa bën 86 de manco tl rest dl raion euro che tla Talia.
I auti a plu bonmarcià ie da abiné tla Danimarca (nia raion dl euro) ulache n Peugeot 406 possa custé l 48,7% de manco che tla Talia.
Zënzauter muessa i/la cunsumadëures tò n cunsciderazion na lingia de custimënc che vën leprò pra l import dl auto sciche defrënzes per cie che reverda i optionals, custimënc de viac, l iter burocratich cun si spëises; nsci che ala fin ne se paia nia for l import.
L cunfront di priejes atuei cun la relazion curespundënta dla Cumiscion Europeica ie da udëi sun la plata internet: http://europa.eu.int/comm/competition/car_sector/price_diffs/.
CAMPIUNAC EUROPEICS DL JUECH AL PALÉ
L Portugal tòl ju l’acurdanza de Schengen ntan l campiunat
Pervia di attentac a Madrid à l Guviern portugesc tëut la dezijion de anulé l’acurdanza de Schengen per l tëmp dll campiunat europeich dl juech al palé. Per chësta rejon unirà fac cuntroi ai cunfins dl Portugal dai 12 de juni ai 4 de lugio dl 2004.Apasciunei dl juech al palé muessa tò n cunsciderazion cuntroi canche i jirà tl Portugal y dëssa perchël verifiché la validità de si cherta d’identità. Chëi che jirà al campiunat cul auto messerà se aspité codes sui cunfins.
ZIRCULAZION SUN STREDA
L curpet de senialazion de pericul: de ublianza nce per i fulestieres?
Aldò dl regulamënt dl trafich ne iel dal 1 de auril dl 2004 inant nia lascià pro ai avisadëures de auti imatriculei tla Talia se tenì su y zirculé sun streda zënza avëi sëura l curpet de senialazion de pericul. Chësc regulamënt muessa unì respetà canche n viagia sun stredes ora di luesc abitei y sce n se ferma sun streda te situazions de vijibltà limiteda.Stluc ora da chësta norma semea de vester chëi auti nia imatriculei tla Talia. L dà mo vel’ melsegurëza de nterpretazion sun l’ublianza per i avisadëures de autri paejes te chëi che la lege scrij dant l tré sëura n curpet de senialazion de pericul te caji d’emergënza.
Nosc cunsëi: Ajache l se trata de na mesura de segurëza mpurtanta cunsions a duc i avisadëures n viac sun la stredes dla Talia de se anjenië n tel curpet.
CAJO DL MËNS
L cufer danejà
I fac: do l jol giapa n pèr de maridei dla Spania zeruch n cufer rot. La purtina dla retlamazions al aereoport dà ndicazions tleres: la pertënd na fatura dla spëises de reparazion o n zertificat che atestea che l cufer ne possa nia plu unì cuncià y n bonn de cassa per la cumpreda de n cufer nuef dl medemo valor. Davia che l cufer ne possa nia unì cuncià, se compra l pèr maridà n cufer nuef al priesc de 237,90- Euro. La sozietà de julieres ne uel nia n savëi de paië chësta soma y ie mé per paië 72,00- Euro n priesc aldò dla tarifa, calculà n basa ai chili (24 euro al chilo).L ntervënt dla ZCE: nce do n trafich ntensif de curespundënza y dialogs cun la ZCE resta la sozietà pra si dezijion. Mé canche la ZCE tòl su cuntat cun l’organn ‘Risolvi On-line’ dla Majon dl Cumerz de Milan, detlera la sozietà di julieres riesc de reter l priesc ntier.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239