english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.MERZ 2004
Redaktion: Europäisches VerbraucherzentrumSEGURËZA DI PRUDOC
Nfurmazions sun prudoc periculëusc n iede al’ena
Uni ann ti vëniel nunzià ala Cumiscion Europeica ntëur n 150 prudoc coche per ejëmpl juesc, massaria, njins de cësa, stofs, pec de mubilia che tl 60% di caji possa cumpurté safuiedes, danns dla vies respiratories, scassedes eletriches o brujedes. Per chësta rejon ulëssa la Cumiscion da 'sën inant dé ora nfurmazions plu prezises: cun n notiziar al’ ena che ie azessibl a duc. La prima edizions possa unì cunsultedes sun la plata internet dla Commissione Europea.CAJO DE TRAPULARIA
Ocio ala chertes de ntreda falsifichedes!
Te n comunicat cumët i colegs portughejes dla ZEC Bulsan de mëter verda ala firmes che pieta chertes de ntreda per l campiunat europeich dl juech al palé. Chësc ne ie tecnicamënter nia puscibl, ajache la chertes po mé unì vendudes dala sozietà Euro 2004 S.A. (www.euro2004.com) y dala federazions naziuneles dl juech al palé.Bele pra i campiunac europeics y mundiei di ani passei à na lingia de apasciunei dl juech al palé messù cunstaté de vester unic ngianei canche i fova dan l stadion zënza n scioldo, zënza n post y zënza ne spië i venditëures.
JËUNI
www.yomag.net festejea si cin ani
La zaita online di cunsumadëures www.yomag.net à dan puech festejà si cuinto cumplì di ani.La ZEC y la ZCS coordinea l proiet internet tla Talia che nteressea duta l’ Europa. Te chësc proiet scrij jëuni per jëuni tratan argumënc che reverda l cunsum. La tematiches di articui - 2000 articui de ndut, de chisc plu de 170 dala Talia, o miec 120 dal Südtirol - ie de uni sort: da nfurmazions sun la feries, l doping, l problem dl alcol, l contraband de tieres, prudoc geneticamënter modifichei a dumandes sun la tematica atuela dl cunsum sustenibl. I/la scritëures vën da dodesc paejes europeics defrënc. Dal 2004 fej per l prim iede nce pea pra chësc proiet i sculeies y la sculées dl’ Europa zentrela y dl’ Europa dl est. I/la letëures vën da dlonch caprò.
ASSEGURAZIONS
Defendura giuridica oradecà
L’assegurazion de defendura giuridica per la curidura dla spëises de n prozes tl cajo de na plura ie de gran mpurtanza per i/la cunsumadëures ajache normalmënter ne iel deguna relazion danter l valor dla plura y la spëises dl aucat. N valguna firmes aprufitea de chësta situazion per iniuré dërc che ti spieta legalmënter ai cunsumadëures y ala cunsumadëures ajache la probabltà de unì dac sëurai ie scialdi pitla.Daviadechël stluj for plu i plu cunsumadëures ju na assegurazion per la defendura giuridica. N cunsiëia de amplië l’aplicazion dla assegurazion sun duta l’ Union Europeica ajache n ie y compra for plu suvënz oradecà.
L CAJO DL MËNS
Mprenditëur mpue massa virtuel
Do avëi cumprà n laptop te na butëiga on-line de na firma tudëscia ie n cunsumadëur unì sëura che l’ adres o l numer de telefonn de chësta firma ne fova da giatè ca no sun si plata internet y no sun la Plates Ghieles on-line. Pervia che l paiamënt messova unì antizipà, à l cunsumadëur suspetà na trapularia y l ti à damandà cunsëi ala ZEC che ti à cunsià de paië tres n cont de crëta (Treuhandkonto). Ënghe sce i custimënc per chësc servisc vën mé sëurantëuc dal cunsumadëur ti à l mprenditëur tudësch manacià che l ti ëssa fat na plura per fufula. L ie unit a s'l dé n trafich ntensif de posta eletronica te chëla che l cunsumadëur detlarova de avëi ntenzion de paië tres n cont de crëta y te chëla che la firma tudëscia respundova cun amunizions y manacedes de prozedures legheles. Permò canche la ZEC à cuntatà la firma pertendan che la débe ju i dac geografics o che la azéte l paiamënt tres n cont de crëta y ti dajan da ntënder che l mprenditëur pudëssa unì plurà per avëi purvà a ngiané l cunsumadëur à la firma lascià vester la manacedes. Nrescides sëuraprò à desmustrà che la firma tudëscia fova dut mé na finzion. |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239