english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.FAURÉ 2003
Redaktion: Zentrela Europeica Cunsumadëures Bulsan
ASSEGURAZIONS PER AUTI
La cherta vërda ie inò valëivla (belau) zënza lim
N basa a na acurdanza nternaziunela ie la defendura assegurativa pra l'assegurazion contra la respunsabeltà zevila pra i auti dal 1953 slargeda ora nce a n valgun paejes terzi. L se trata, ora che di paejes dla Union Europeica, belau duc i stac dl raion dl'Europa dl ost, ma nce dla Svizra, dla Turchia, dl Marocco, dla Tunisia y de Israel. Perchël giata l assegurà la "cherta vërda", de chëla che l messëssa for cialé do sce la vel bën, y che l messëssa for avëi cun sé canche l fej n viac te chisc paejes.Pervia dla crisa dl Balcan fova chësta defendura assegurativa unida a mancë te dut l raion statel dla Iugoslavia. Persones che fova de viac te chisc luesc messova fé na assegurazion aposta ai cunfins paian la bela soma de 90 Euro al'ena.
Dal 1.3.2002 ie la cherta vërda s'ën ino valëivla, ora che tl Cossovo. Purempo semea l'autoriteies de cunfin nia ulëi azeté drë gën chësta cherta vërda: on audì bele plu suvënz che l vën for mo cialà de rënder melsegures la persones che ie de viac te chisc paejes per ncassé somes de scioldi. Ma te chësc cajo possen zënzauter pertënder si rejon y fé referimënt ala validità dla cherta vërda.
AMBIENT
Viver da sparcantons? - Muserëde Vosta "piedia ecologica"!
La populazion mundiela à tl 2002 arjont la 6,2 miliardes, ma la ressurses de nosc planet ie limitedes, dantaldut sce duta la 6,2 miliardes viv coche nëus vivon... Ulëis'a savëi sce tucheis pra i sparcantons? Po pudëis museré Vosta "piedia ecologica" sun la plata www.myfootprint.org.Chësta piedia refletea Vosc cunsum individuel de ressurses, muserà n relazion a Vosc stil de vita (mubilità, ndrova de energia, alimentazion y nsci inant). N basa ala nfurmazions vëniel calculà tan de "hectar globai" che adurveis.
Uni zitadin dl mond ëssa da garat ntëur n 2,2 hectar globai. Tla Talia, per ejëmpl, ie l cunsum mesan de 3,8 hectar. Ma nce cunsuman "mé" 2,4 hectar fossel debujën de 1,3 Tieres acioche nosc standard de vita pudëssa unì per duc i abitanc dla Tiera.
Povester Ve fej Vosta piedia persunela pensé do...
SISTEM DE VENDUDA
Na plueia de dollar... o belau!
Ino n iede vëniel cialà de ciaculé su zitadines y zitadins pra ancuntedes da sëira bën vijitedes che l ie mesun de davanië, te mé ot mënsc, bel saurí plu che 10.000 Us $. N iede ti vëniel cunsià ai partezipanc de chësta ancuntedes de cumpré n program che respuend automaticamënter a e-mails y doi plates tl Internet per pudëi vënder saurí y zënza lims: chësc per n custimënt de n 700 Euro.Ma metëde verda: la esperienza desmostra che vënder ie iust pra de tei prodoc dassën rie, dantaldut, ënghe ajache tla Talia iel debujën de damandé al rezipient la lizënza de pudëi ti mandé e-mails de retlam. Sce n ne se tën nia a chësta disposizion manàcen de se giapé straufonghes da 500 nchin a 5000 Euro! Y po vel l dit: nia auter che spëises!
L CAJO DL MËNS
Bën 287,30 Euro ova na familia dl'Austria paià per fité doi ombreles da surëdl y cater stuei da ponder sun na splagia dl nord dla Talia. L fova bele la fin de setëmber y i turisc' de Viena ëssa ulù se gòder i ultimi raies ciauc de surëdl sun Adriatich.Ma ntan la segonda ena ne ti iel nia unit cunsentí de avëi gheneda: cun pacheres y camions scumenciova la firma che afitova i stuei y la ombreles de i trapiné demez adum cun i pei de sustëni giavëi ite tl sablon. Ntan chësc tëmp se à for ino purtà pro situazions de pericul per i mutons che fajova damat ilo y l disturb pervia dla fuera y dl puz fova grant. De pudëi paussé ne fovel nianca da pensé no!
Per ntervenzion dla ZCE de Bulsan pra la firma - ntervenzion baseda sun fotografies fates dai cunsumadëures - à s'ën la firma detlarà de paië a reter la soma de 110,50 Euro.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239