2007
2006
2005
2004
2003
	2003 ladin
		Dezëmber 2003
		Nuvëmber 2003
		Otober 2003
		Setembër 2003
		Lugio-agost 2003
		Juni 2003
		Mei 2003
		Auril 2003
		Merz 2003
		Fauré 2003
		Jené 2003
	Dezember 2003
	November 2003
	Oktober 2003
	September 2003
	Juli-August 2003
	Juni 2003
	Mai 2003
	April 2003
	März 2003
	Februar 2003
	Jänner 2003
2002
2001
2000
November 2008
Oktober 2008
September 2008
Juli/August 2008
Juni 2008
Mai 2008
April 2008
März 2008
Februar 2008
Januar 2008
Jenà 2008

Verbrauchertelegramm / 2003 / 2003 ladin / Merz 2003

Verbrauchertelegramm Europa-Ausgabe

Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.

MERZ 2003

Redaktion: Zentrela Europeica Cunsumadëures Bulsan

VËNDER PORTA A PORTA

Fotografies dal'aria da 300 Euro y passa

Ti ultimi ani ti ie a cënc y cënc de Sudtirolejes ruvei te cësa reprejentanc de firmes austriaches y tudësces, che fej fotografies dal'aria, ti mustran fotografies de si cësa o luech da paur. Sambën ulova chisc reprejentanc vënder n ngrandiment de chësta fotografia. Trueps a sotscrì, ënghe mé per se desgatië dai ghesc' nia drë gën udui, ma sciche barat ne n'ài suvënz no giatà na copia dl cuntrat o orden, no na cherta de vijita o n depliant, cun chëi che n ëssa cajomei pudù cuntaté la firma per pudëi fé valëi la rejon de rezes ududa danora dala lege. Do n valguna enes ti univa ai cumpradëures po mandeda la fotografia y trueps à paià, ënghe sce ngërt. Ma la lege n cont dla vendudes porta a porta veij danora che l cunsumadëura/la cunsumadëura à te chisc caji la rejon de se retré nchin a set dis do che l/la à giatá la marcanzia, sambën tres lëtra recumandeda A.R. y mandan de reviers a si spëises l pachet giatà.

TRAPULEDES VIA E-MAIL

Crystal Lottery International

"Cungratulazions! Ëis venciù 1.000.000 - US$" Ve cunedësc na e-mail per ngleisc. Ma metëde verda: a chi che à respundù ti iel unì damandá de paië na lingia de chëutes aministratives per pudëi giaté la soma venciuda. Trueps à paià, ma deguni n'à mo udù nianca la dumbria de un di dollars mpermetui.

TELEFONS

Trapuledes tres telefonins zeluleres: uedl ai numeri +49137...

WISO (Trasmiscion tudëscia de defendura di cunsumadëures) dà l alarm che ti Paesc Tudësc vëniel suvënz trapulà tres telefonins: do n curtiscimo sonn resta sun l display n numer che scumëncia cun 0137. Cherdan su chësc numer vënien cunliei a na linia che costa damat truep.Semea che nce truep sudtirolejes ie na mira di trapulons, sambën scumencia l numer che ie da udëi sun l display cun + 49137.

VIAGES

La AIR LIB ie jita n falimënt

Do na crisa longia ie la linia franzëusa AIR LIB jita ufizialmënter n concurs ai 6 de fauré nce sce n valgun nvstitëures à purvà de la salvé. De cunseguenza à l guviern franzëus nciarà la AIR France de se cruzië dl trasport di passajires che ova apusta n jol pra la AIR LIB. L'Air France à avanà si capazità sun la destinazions n cuestion (dantaldut per la ijules Caraibes). Per d'autra nfurmazions iel de utl jì a se cruzië pra l Call Center dla Air France tla Talia (848 884466) o pra uni auter ufize dla Air France.

L CAJO DL MËNS

Furnan sun la streda statela dla Valeda de Passeier ti ie a n turist tudësch unì ados na gran pert de majires y fruzam che n camion ova perdù tl mumënt che l ti univa ancontra. Nia ferì, ma cun bendebo de dann al auto àl purvà a fermé l camion, ma zënza suzes. Per fertuna iel stat bon de se scrì su l numer de targa dl auto y nsci ti iela jita fata de savëi chiche fova l patron dl auto y la cumpania de assegurazion.
L fova l'insta dl 2001 y do che l fova ino ruvà a cësa ti Paesc Tudësc à l turist dat sëura la desdita a si assegurazion y ti à mandà la fatura de reparazion (780 Euro) se damandan l paiamënt dl dann. Ma sibe chësta dumanda, che nce na lëtra, te chëla che l se damandova mo n iede che ti unisse paià l dann, ne ova purtà a deguna reazion.
L ann passà d'instá ti ie l cajo uní sëurandat ala Zentrela Europeica Cunsumadëures. Chësta à n iede verificà la curespundënza efetiva di dac comunichei al cunsumadëur cun chëi dl camion y dla assegurazion, po àla mo n iede cuntatà la assegurazion se damandan l paiamënt dl dann. Bën cin iedesc ie unida fata la dumanda, ma l'assegurazion ne se à nianca denià de respuender.
Ala fin ie la Zentrela Europeica Cunsumadëures jita a se nfurmé pra l organn de verdia sun la assegurazions (ISVAP). Chësta muessa "ti n avëi dit" ala cumpania de assegurazion, ajache do si ntervënt ie i 780 Euro debota unic paiei sun l cont de banca dl danejà.


software by endo7