english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.AURIL 2003
Redaktion: Zentrela Europeica Cunsumadëures Bulsan
VIAGES
Viac de maduranza: ma chi firma pa l cuntrat de viac?
Avan arjont i dejedot ani se urganisea truep jëuni autonomamënter l viac de maduranza se damandan deplù preventifs da ufizies de viac defrënc, ti fajan al savëi cërta mudazions n cont dla prestazions y cunferman suvënz danz mé a usc l'apusteda dl viac.Sce n cëla avisa ne curespuend chësta maniera de fé la prenutazion nia a cie che ie udù danora dala lege. Per la jites de scola fossel defati de ublianza che la scola autoriseie l viac prugramà dai studënc (cunsëi de scola o diretëur dla scola), ma nce che l cuntrat de viac cun l ufize de viac vënie fat per scrit. Perchël messëssa la scola ti dé ai sculeies na procura canche chisc ulëssa jì a se nfurmé pra n ufize o a apusté l viac. Sciche jites de scola vën cunscidrei duc i viages, a chëi che nsenianc tòl pert o pra chëi che i sculeies se muev sciche tlassa dl istitut scolastich.
Ulëi julé, ma no te tëmps de viera
Viagë te luesc daujin ala viera o manacedes da atentac teroristics possa gaujé plu che vel tëma sce no nchinamei l panich. Te truep caji cunsieia l'autoriteies ai turisc' mé de mëter verda dassën sce n à nia na rejon cuncreta per fé anulé i viages ai operatëures turistics. Ma mpo ne se sënt truep turisc' nia de pië via. Perchël pieta la majera pert di operatëures turistics la puscibltà de spusté l viac de vel' mëns o de mudé l luech de destinazion. Ma per chësc fin iel mpurtantiscimo comuniché debota al ufize de viac cie che n uel fé.Egit: pass o cherta de identità?
Metëde verda! Da merz dl 2002 incà possa i turisc' taliani che va tl Egit se tò pea mé la cherta de identità (valëivla cun na fotografia nia massa vedla tl format de tessera). Tl cajo de minoréns che ne à deguna cherta d' identità iel for mo debujën de tò pea l pass dl genitor che i acumpanieia y sun chël che i mutons ie registrei. Deplù nfurmazions sun la plata www.viaggiaresicuri.mae.aci.itCudejel "Il prontuario delle vacanze"
L obietif de chësc cudejel ie chël de dé na resposta ala dumandes che vën fates plu suvënz y de pité soluzions che possa riesc unì aplichedes n cajo de mpedimënc y festidesc granc y pitli.L' edizion tl format da fuia uel vester n nvit ai cunsumadëures de se tò pea tla feries l cudejel per avëi for ala man la nfurmazions plu mpurtantes sun l plu bel tëmp dl ann. Viagiadëur nfurmà, mez salvà!
L cudejel ie da avëi diretamënter pra la Zentrela Cunsumadëures Europeica a Bulsan, tla streda Brenner 3, a 0,70 Euro sciche cuntribut ala spëises. Sce n l ulëssa giaté per posta ie mo da raté lepro la spëises dla posta de 0,77 Euro (0471 980939).
Cumpanìes de jol a spëises basses: pruibizion de tlausules de cuntrat meladurvedes
La sunieria de Köln à stlut via na prozedura contra la cumpania de julieres Ryanair, detlaran "sciacatures" la tlausules tl cuntrat aldò de chëles che i orares de si joi ie mé ndicatives y la tarifes possa unì auzedes nchin al mumënt de pië via. Nce l'usanza de nciarië d'autra cumpanìes de jol o chëla de mudé o de no dé sëura danterite (Zwischenlandung) canche l ie udù danora, ie unida giudicheda ilegala.Chësta tlausules y teles sciche chësta ie da abiné te belau duc i cuntrac dla cumpanies a costc' basc y ie zenzauter da cunscidré "vessatories" o meladurvedes. La mpuniazion de chësta tlausules cumpurterà tl daunì plu dërc per i viagiadëures de chësta cumpanies de jol.
Deplù cuntroi sun i areoporc
Pervia dla ntensificazion di cuntroi de segurëza sun i areoporc, vëniel cumetù dassën de se prejenté a tëmp y ëura per l check-in. Dan l check-in vën i cufri defati cuntrolei scialdi avisa y a chësta moda veniel perdù bendebo de tëmp. Chiche ruva perchël l ultimo mumënt manacia de pierder si jol. |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239