english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.MEI 2003
Redaktion: Zentrela Europeica Cunsumadëures Bulsan
GARANZIA LEGALA
Garanzia nueva nce tl Rëni Unifià
Cun la "Sale and Supply of Goods to Consumers Regulation 2002" à l Rëni Unifià (Gran Bretania) finalmënter sëurantëut la Diretiva europea n cont dla garanzia nueva, che ie da nëus bele valëivla dal 23 de merz dl ann passà ncà. La lege britanica ie jita n forza l 31 de merz passà cun na carateristica de nia puecia mpurtanza: la lege defati veij danora la respunsabltà dl venditëur che la marcanzia ne sibe nia da defet nchin che chësta vën cunsenieda al cunsumadëur. L venditëur à a chësta moda nce la respunsabltà de chël che possa suzeder ntan l trasport, ënghe canche chësc vën dejëut da terzi.CUNTRAC
Chiran l amor sons ciumpedà sëura...
... n cuntrat de crissa de n partner puech tler y tresudënt. Acioche l suenn dl amor ne se tramude nia te n bur suenn, fóssel bon se tenì a chesta regules:- No se lascé ite te cuntrac che ne à nia n tëmp determinà: n ulëssa pu cunëscer tosc l partner nuef o la partnera nueva y no permo te n doi ani!
- Metëde verda sce n ve damanda de sotscrì l formular cun Vosc dac persunei: l se trata belau for dl cuntrat definitif.
- La cualiteies che Vo Ve damandeis da Vosc partner dl daunì ie da mëter tl cuntrat sciche cundizions essenzieles.
- Lascëve dé na copia dl cuntrat dan l sotscì, per pudëi l liejer y tò na dezijion cun calma, ajache per crì Vosta ana jumblina se lascia la agenzies belau for paië bon sëch.
ALIMENTAZION
Retlam per prodoc dietetics
Te n tëmp te chël che i afares cun i prodoc dietetics flëur coche mei dant, ulëssa la ZCE lecurdé che l ie, te chësc ciamp, cër lims n cont de retlam. N ne daussa per ejëmpl nia se nuzé de frases sciche "tò ju 5 kg te 6 dis" y coche generalmënter tl retlam per prodoc/cures per tò ju ie nce pruibita uni sort de cuantificazion dl "suzes" te kili/grams n relazion a n tëmp determinà. N ne daussa oradechël nia adurvé la parola "garantì" (o garanzia y paroles simileres). De tel esprescions toma tla categoria "retlam ngianënt" y possa unì senialedes al'autorità de supervijion cumpetënta.CAJO DL MËNS
Ntan n viac tla Turchia ne à na landa plu de tëmp drët dauleibon de Südtirol nia zedù ala tentazion de cumpré na culana, n braciulët, rucins y na varëta che tucova adum y che custova na bela soma de scioldi. La landa à dit dantaprima de ne avëi no pea truep scioldi, ma l venditëur ti à mé damandà l'adres y ti à sëurandat i giuei de valor.Do n valgun mënsc ti ruva ala landa na lëtra dala Turchia cun l nvit de paië ite la soma de 8.500 Euro sun n cont de banca di Paejes Tudësc. L'ëila scumenciova a deventé n pue suspetëusa y ulova se seguré che l ne se ësse nia tratà de na trapularia. N giuelier à po ejaminà y sciazà avisa i giuei se ntendan che l se tratova propi de or blanch y rubins de na cualità scialdi auta y che l priesc fova zenzauter giustificà. Nce l cont de banca dat sëura tla lëtra fova chël dl venditëur. L ne sarà nia dut or cie che luj... ma te chësc cajo bën!
MANIFESTAZION
Di dl'Europa - La Zentrela Cunsumadëures Europea sun plaza de chemun a Bulsan
L 9 de mei ie l di dedicà al'Europa. N chësc di sarà la ZCE dut l domesdi a disposizion di zitadins sun plaza de chemun a Bulsan. La tematica de majera mpurtanza de chësc ann ie l cunfront di priejes sëura i cunfins ora ti ultimi ani. N puderà sambën giaté uni sort d'autra nfurmazions sun argumënc sciche viages, cunsum y garanzies nternaziunei, multiproprieteies, agenzies de matrimone y nsci inant. |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239