english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.JUNI 2003
Redaktion: Zentrela Europeica Cunsumadëures Bulsan
TRAFICH SUN STREDA
Straufonga per ne avëi no cherdà la polizai
N'ëila de Bulsan che fova tla Steiermark tl'Austria à urtà a danejé n auto parcà sun streda. Da bona zitadina àla lascià sun la scipa danca dl auto danejà na zedula cun si dac persunei y bel mpont iela unida cuntateda n valgun dis do dala patrona dl auto. La bulsanina se mët n cuntat cun si assegurazion che seurantol l paiamënt dl dann. Dut semiova vester a l orden, ma do n struf ti ruva a cësa na urdenanza de paiamënt de na straufonga de 220 Euro. L codesc dla streda austriach veij danora che te caji de nzidënc, che à mé cumpurtà n dann materiel, muessa la persones nteressedes damandé l ntervënt dla polizai - ora che sce duta la persones, che à abù n dann ie ilo y l ie mesun baraté ora i inuemes y la adresses prejentan n documënt valëivl. Sce chësc regulamënt ne vën nia respetà, iel udù danora na straufonga de nchin a 726 Euro o che n vën s'arei via per n tëmp nchin doi enes. Leprò vën, che no l nia cunëscer chësta lege, no l paiamënt dl dann possa unì ratei sciche cundizions slesirëntes.VIAGË 1
Cun l auto ala scuvierta dl Europa dl ost: miec nia!
Ti paejes dl ost ie l problem dl rubé auti for mo grieve. Defati, trueps che ie piei via cun si auto à messù unì de reviers cun la ferata...Per chi che ne ëssa nia stlut ju n cuntrat de assegurazion contra l rubé l auto ie i viages dl viers de Praga, Budapest y nsci inant nia iust da cunsië. Chi che ne uel a deguna maniera renunzië al auto dassëssa almanco crì ora n albierch cun lueges da parché i auti vardedes. Sambën ie propi per gauja dl problem di auti rubei i priejes di hotiei cun plazes dai auti vardei bendebo plu cëres, ma te chësc cajo pudëssa sparanië uní cër.
CUMERZ
Transfair goes global
N logo nternaziunel nuef unificà dëssa da moinla ti slesiré ai cunsumadëures l crì ora prodoc tratei zënza che l vën sfrutà la puertà di stac dl sud dl mond, y marciadei aldò di criteres dl cumerz giust y solidal (renunzian al sfrutamënt dl lëur de pitli mutons, priejes giusc' per produtëures y respet per l ambient tla cultivazions di paejes sun l troi dl svilup). Unfat te cie stat che sëis de viac per rejons privates o de lëur: l logo nuef garantësc dlonch che chisc criteres vën tenìi ite. Perchël l moto: transfer goes global.Chiche uel, oradechël, viagë te na maniera ecologica abina na lingia de cunsëies y ufiertes de viac sun la plata www.ecotour.org.
VIAGË II
Ferates tudësces: la reforma dla reforma dl sistem di priejes nuef
Sun la fin dl ann 2002 ova la Deutsche Bahn AG metù a jì n sistem de priejes nuef, che ne à po nia abù chëla fazion pra la jënt che n se ova aspità. Tl prim trimester dl 2003 à la Deutsche Bahn, defati, messù cunstaté n arbassamënt dl trasport de persones dl 13% y la ie perchël stata sfurzeda a lauré ora da nuef la tabela di priejes. N à debota tëut n valguna mesures. Nsci iel per ejëmpl unì unificà la tarifa de storno tl cajo che n ne possa nia tò la ferata resserveda, arbassan l priesc a 15 Euro, do che nchin nia da giut messòven te chësc cajo paië 45 Euro. A chësta maniera purteran dessegur pro a avané la resservazions danora dla ferata, ajache chësc cumporta n arbassamënt dl priesc reguler dal 10% al 40%.VIAGË III
Bons dla cumpanies de jol
Sce n passajier, vitima de sëuraresservazion te n julier, uel tò n auter jol te na data da crì ora, ti dà la cumpania de jol normalmënter n bon. Ma metëde verda: chisc bons ie la majera pert caraterisei da na lingia de limitazions - i muessa per ejëmpl unì adurvei te n lim de tëmp plutosc curt, i ne vel nia per la tarifes extra y nsci inant. L vën perchël cunsià de se nfurmé a puntin n cont dla cundizions de ndrova de chisc bons, ajache n iede sotsctrìi y azetei, ne jovel nia prutesté! |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239