english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.LUGIO-AGOST 2003
Redaktion: Zentrela Europeica Cunsumadëures Bulsan
ZCE Bulsan inò "europurtela" ufiziela
Dal'ultima senteda dla "DG Sanco" (la Direzion Generela dla Cumiscion Europeica cumpetënta per la defendura di cunsumadëures a livel europeich) a Bruxelles iel ufiziel: la ZCE de Bulsan à inò giatà la cualificazion de "europurtela". Chësc uel dì che l zënter ie l pont de referimënt tla Talia per duta la cuestions n cont de cunsum che va sëura l cunfun ora.La zentrela resta te uni cajo cumpetënta per duc i zitadins dl Südtirol che à problems liei al cunsum te paejes oradecà. Leprò vën oradechël nce la cumpetënza per i cunsumadëures de dut l raion dla UE cun lamentanzes relatives ala Talia. Nuef ie nce l proiet "EEJ-Net", na rë europeica di zëntri de cunziliazion extragiudiziela per uni sort de stritoc danter cunsumadëures y firmes.
"Multiproprieteies" y revenduda: la trapularies ne à deguna fin...
Sëis'a patrons de na "multiproprietà" y ëis'a la ntenzion de Ve n desgatië, ajache la spëises ie deventedes massa autes o ajache Vosc bujëns se à mudà?Po iel danz saurì che tucheis pra la vitimes de na sdredia de sozieteies falëuses che pieta de Ve cumpré ju Vosta "ena" Ve deliedan da uni sort de cruzi.
Sce uleis schivé che Vosc festidesc devënte mo deplù, Ve cunsions de sté da lonc da chësta sort de ufiertes: da usservé iel che l vën for damandà n'antizipazion da 300 a 1500 Euro, per pudëi dejëujer, a dì de chësta sozieteies, duta la formaliteies notarieles y de registrazion, acioche la revenduda vede inant plu aslune.
Cuntlujion: I scioldi se n ie y Vosta vedla multiproprietà Ve resta per for... o povester n ëis mo nce cumprà n'autra!
Diretives-UE nueves tla materia dl cunsum te paejes fulestieres
Ai 18 de juni de chëst ann à la Cumiscion deliberà na pruposta per na diretiva tla materia dl cunsum te paejes fulestieres tla UE.La mira dla diretiva ie chëla de alesiré l cumerz cun paejes fulestieres y de definé miec i dërc di 380 milions de cunsumadëures europeics: tres disposizions tleres y uniformedes unirà i/la cunsumadëures defendui contra pratiches cumerzieles faledes y danejëntes - unfat sce i/la cunsumadëures compra ite tla buteiga sot a cësa o tres n'azienda on-line de n auter paesc dla UE.
Te tëmps lonc, unirà la regulamentazions di stac defrënc uniformedes per crië n sëul dërt cumerziel europeich.
L CAJO DL MËNS
D'autonn dl ann passà à n Bulsanin passà si feries sun la Ijules Tremiti se tulan pea - coche nce i autri iedesc - si massaria da fotografé de gran valuta.L valor de chësta massaria (belau 6000 Euro) ne ie nia resteda giut si sucrët: na sëira defati s'n fova la tasciona cun aparat y dut - y chësc nce sce l fotograf apasciunà ova apustà na majon cun saradura de securëza y vieresc cun fieres.
Sun chëla à l desfertunà denunzià l fat pra i Carabinieri dl luech se lamentan nce pra la direzion generela dla sozietà di albiercs.
Na lingia mei fineda de cherdedes telefoniches, lëtres y posta eletronica ne à purtà a nia: la direzion defati ne ova deguna ntenzion de rembursé si tlient se detlaran bel scëmpl nia respunsabla che al ghest ti ie unida rubeda la roba.
Ma tlo se àla falà dassën: aldò dla lege ie l hotelier respunsabl sce cosses purtedes tl albierch dal tlient ti vën ruinedes, danejedes, desdrudes o rubedes (art. 1783 c.c.) y chël a puntin nchin a 100 iedesc l priesc dla majon o dl cuatier al di. Sce l ëssa da uni ora che la gauja fossa dl hotelier o dl personal ne ie la respunsabltà nchinamei nia limiteda. Tl prim semiovel monce che nianca la ntevenzion dla ZCE ne ëssa juà, ma do che la à manacià la sozietà di albiercs de la dé sëura, se à l patron dl albierch cruzià de se lascé dé l numer dl cont dla banca dl cunsumadëur per ti mandé i scioldi che ti spitova.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239