2011
2010
2009
2008
2007
2006
2005
2004
2003
	2003 ladin
		Dezëmber 2003
		Nuvëmber 2003
		Otober 2003
		Setembër 2003
		Lugio-agost 2003
		Juni 2003
		Mei 2003
		Auril 2003
		Merz 2003
		Fauré 2003
		Jené 2003
	Dezember 2003
	November 2003
	Oktober 2003
	September 2003
	Juli-August 2003
	Juni 2003
	Mai 2003
	April 2003
	März 2003
	Februar 2003
	Jänner 2003
2002
2001
2000
Februar 2012
Faurè 2012
Jänner 2012
Jené 2012

Verbrauchertelegramm / 2003 / 2003 ladin / Setembër 2003

Verbrauchertelegramm Europa-Ausgabe

Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.

SETEMBËR 2003

Redaktion: Zentrela Europeica Cunsumadëures Bulsan

ASSIGURAZIUNS

Negligënza ti confrunc' de consumadusc da foradecà

La storia n´é nia nöia: n zitadin da foradecà resta trat ite zënza gauja te n inzidënt sön strada tla Talia, al se barata fora i dac' dl´assiguraziun cun le ciafêr che l´à danejé y do avëi cuantifiché i danns ghira la porsona che à subì le dann n´indenisaziun pro la sozieté d´assiguraziun aversara. ...Mo döt por nia! Ti confrunc' de porsones danejades da foradecà mostra valgünes sozietês talianes sovënz na zerta negligënza.
Plü gonot él gnü desmostrè che la sóra cossa da fà te chisc caji é chëra de na denunzia al ISVAP (l´organn statal d´ispeziun dles sozietês d´assiguraziun): le caje de dann vëgn surandè al ISVAP che l´ejaminëia y inviëia l´assiguraziun a paié i danns.
Le model de lëtra por la denunzia al ISVAP é da ciafè pro la ZCE.

AGENZIES D´INTERMEDIAZIUN MATRIMONIALA

"Costanze": l´enigma é tlarì...

L´ann passè à la ZCE ciafè n gran numer de comunicaziuns sura l´agenzia d´intermediaziun matrimoniala austriaca "Costanze". Chësta stlujô jö contrac' d´intermediaziun, incassâ atira la soma da paié y spo lasciâla sü tliënc' a mans ötes.
S'ëgn à "l´enigma" de chësc inademplimënt ciafè na soluziun: la ZCE é gnüda sura che ai 12 de messè 2002 él gnü refusé la prozedöra de falimënt ti confrunc' de "Costanze" por manc'ianza de curida di costimënc' y ai 12 de dezëmber 2002 ti él gnü tut l´autorisaziun comerziala. Impò à l´agenzia stlüt jö inant contrac' decà dal Prener!
Al resta ma plü da sperè che valgügn di consumadusc danejà ides le coraje de agì legalmënter cuntra la rufiana dejonesta...

TELEFONIA

Adorè le zelular al èster? Degun problem - c'ina che al röia adalerch le cunt

Inc'e canche an va te stac' foradecà ne resta le tan amè zelular dessigü nia a c'iasa. Telefonè y ciafè telefonades, menè y ciafè "sms" - döt é poscibl por merit dl "International Roaming", le trasferimënt di telefonac' sön rëis internazionales.
Mo canche al röia le cunt ne manc'el nia les sorpreses...
Imprömadedöt mëssel gnì conscidré che chi che ciafa na telefonada al èster paia bona pert di cosc': chi che chërda sö paia ma i cosc' de na telefonada nazionala - do le confin paia le destinatar le rest di cosc' aladô dl paîsc y dla rëi. Particolarmënter c'ers é i messaji a usc che vëgn lascià sön la mailbox dl telefonn: le trasferimënt de chisc tla mailbox nazionala mëss inc'e gnì paié aladô dles tarifes dles telefonades internazionales. Nosc consëi: dejativede Osta mailbox canche i sëis al èster sce i aratëis che ara ne sides nia assolutamënter nezesciara.
Damanede do i partner dl Roaming internazional pro Osta sozieté de telefonn mobil.
Chiride fora chël cun les tarifes plü basses mudan rëi inc'e a man sce al va debojëgn.

RETLAM CHE INGIANA I

Cures demagrantes

Amez merz à la ZCE denunzié les espresciuns publizitares dla firma "Pesoforma Club" da Balsan pro l´autorité d´ispeziun competënta. La dita â laôta partì fora jorantins publizitars cun l´espresciun "perde da 600 g a 1 kg por sentada (...), zënza medejines, sport y dietes sfadioses".
L´autorité à spo atira proibì la destribuziun di jorantins y à ejaminé a funz le fat. Cun la deliberaziun dl 24 de messè 2003 é gnü detlarè chësc retlam ingianant y é porchël gnü proibì definitivamënter.

RETLAM CHE INGIANA II

terapia "a c'iamp magnetich"

Tl´Austria é l´ordinn di doturs dla Steiermark da öna na pert y le VKI dal´atra jüs inant sön le tru legal cuntra la plü grana y plü importanta firma de fabricaziun de aparac' terapeutics a c'iamp magnetich. De gauja é stades espresciuns publizitares dl´aziënda che dijô che bëgn 71 patologies sceries podess gnì combatüdes cun suzès fajan la terapia a c'iamp magnetich. Tres l´adoranza de noziuns sciöche "varijun" o "i tesc' desmostra" y implü utilisan imajes de valgügn "vip" adöm a retrac' de porsones cun le camesc da dotur blanch é les espresciuns publizitares gnüdes definides tlermënter ingianantes deache ares descëda tl consumadù sparanzes falzes - fora de chël él da conscidré che l´influs positif dles terapies a c'iamp magnetich é döt ater co desmostrè.
Trames les prozedöres é gnüdes stlütes jö de pröma instanza cun na condana dla firma de fabricaziun a gauja de retlam ingianant. La firma à bele fat recurs.


software by endo7