english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.OTOBER 2003
Redaktion: Zentrela Europeica Cunsumadëures Bulsan
INTERNET I
Lizites te internet: le prisc é gnü paié mo le lizitadù é sparì
Da de te' fufoles pon se stravardè cun val´picia furbaria: Sce al Ves vëgn atribuì n bëgn controlede sce la porsona o l´aziënda esist realmënter denant che menè i scioldi. Fajesse comuniché avisa la misciun cun laprò le numer de telefonn. N pröm control po bele gnì fat tres n liber dl telefonn on-line. Al n´é nia damat porvè da telefonè al numer che an à ciafè por controlè sce al esist veramënter o sce al é n numer falz. Sce ara se trata de marc'ianzia de gran valur aconsiëia les c'iases de lizita instësses de s´anuzé de n sorvisc de depost de garanzia a paiamënt: le prisc dl bëgn che Ves speta vëgn naôta metü sön n cunt de crëta fat aposta y spo impormò do avëi ciafè la marc'ianzia en regola ciafa le lizitadù i scioldi. Por imporc' manco alc' pîta val´c'iases de lizita a condiziuns bëgn determinades na garanzia che ret al cumpradù i scioldi bele paià ite sce al ne ciafa nia la marc'ianzia che ti speta.INTERNET II
Imbruiades sura i confins
I problems dl comerz sura i confins crësc cun l´aumënt dl´eletronica. Por posta o e-mail rüvel adalerch les ofertes plü straordinares y esortaziuns de paiamënt de marc'ianzia mai comanada. La tecnologia moderna ti fej la vita plü saurida a firmes forestes che cun sües trapolades é bones da mëte pé te na manira sigüda ti paîsc da foradecà y da ti sciampè insciö ala lege. Pro le 63% dles retlamaziuns de consumënc' che va sura i confins de stat fora se tràtera aladô dles indicaziuns dl´"European Advertising Standards Alliance" de imbroiades y ingianades. Por mëte fin a chisc malfac' te na manira efiziënta y sura döta l´Europa à la Comisciun Europeica ai 22 de messè 2003 fat la proposta d´elaborè na "Stop Now Resolution" por defëne i consumadus da aziuns fraldorëntes sura i confins. Al dess gnì metü fin a chëstes imbroiades tres na majera colaboraziun internazionala, n barat de informaziuns socrëtes, la spartiziun di laûrs y la colauraziun de organisaziuns privates. Finalmënter n vare tla dërta direziun!RODÈ LE MONN
Danns ai cufri
Tl caje de danns ai cufri intratan la c'iariada y la desc'iariada po l´apajadù aladô dl´ultima sentënza dla Curt de Cassaziun n. 13158 dl 9 de setëmber 2003 condanè la sozieté de fligri a compensè al viajadù le dann albü te na mosöra plü alta respet ales condiziuns odüdes danfora dal contrat de trasport.Le caje dl mëis
Por dui paiamënc' bancars a na firma austriaca à n consumadù talian dè a süa banca les coordinates dla banca dl destinatar IBAN y BIC por s´anuzé dla nöia regolamentaziun comunitara che parifichëia i cosc' por i paiamënc' bancars tl teritore nazional y ti paîsc dl´UE. Por n fal dla banca é i paiamënc' gnüs ordinà zënza dè dant le codesc BIC dla banca destinatara y insciö à le consumadù talian messü constatè che al ti ê gnü trat jö bëgn 40 euro de spëises. Sön na tara àl spo damanè la retüda dles spëises albüdes a gauja de n fal dl impiegat dla banca. La banca s´à atira fistidié de ti acredité i 40 euro. Consëi: canche fajëise paiamënc' bancars por stac' dl´UE spo recordesse de dè dant i codesc IBAN y BIC dl destinatar. Sce al Ves vëgn adebité plü spëises che por n paiamënt bancar nazional spo contatede Osta banca o la Zentrala Europeica Consumadus. |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239