english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.NUVËMBER 2003
Redaktion: Zentrela Europeica Cunsumadëures Bulsan
VIAGES
Deplù rejons per passajieres de jol
Cun l regulamënt dla UE n. 889/02, che ie jit n forza ai 4 de nuvëmber 2003, ie i dërc di passajieres de julieres unic miurei y ampliei.Tl cajo de tardivanzes di joi o sce i cufri ne ruva nia a d'ëura muessa la cumpania de jol paië n rembursamënt, ora che sce la à fat dut l puscibl per schivé la tardivanzes o sce l ne fova nia mesun tò i pruvedimënc aldò.
Per cufri registrei che ie jic a mancia, che ie unic desdrui o danejei sarà la cumpania de jol tl daunì nchinamei respunsabla ënghe sce la ne à deguna gauja.
Tl cajo de ferida o de mort de n passajier/na passajiera, ne iel degun lim mascim de ndenisazion dl dann. Per pertendudes de ndenisazion nchin a 141.176,47 Euro ne possa la cumpania nia respuender cun oposizions. Sëura chësta soma po la cumpania de jol se paré contra la pertendudes de rembursamënt mé sce la ie bona de desmustré che l dann ne ie nia unit a s'l dé per na si gauja o mancianza.
Na nuvela scialdi mpurtanta per i/la passajieres tl cajo de ferida o mort ie l'antizipazion de ublianza a cëria dla cumpania. Defati, nchin a 15 dis dala identificazion dla persona che à la rejon ala ndenisazion, muessa la cumpania de jol ti paië na cërta soma per curì la spëises che se porta pro al mumënt.
N'autra inuvazion ie la respunsabltà solidera dla sozietà de cuntrat y de chëla che dejëuj efetivamënter l jol. Chësc uel dì, che sce la sozietà che dejëuj l jol ne ie nia chëla che à fat l cuntrat, à l passajier la rejon de prejenté na dumanda de ndenisazion dl dann o na retlamazion a tramedoi sozieteies.
SOZIETEIS DE RECUPEREDA DE CREDIC
Posta per te...
Nia dut cie che vel sozietà de recupereda de credic se damanda ie giustificà. Dut auter! L ie suvënz suzedù caji che jënt à giatà nvic de paiamënt per marcanzia che la ne à mei giatà o apustà. Chiche cëla de iniuré chësta amonizions vën iust perchël mo plu bombardà da esortazions de paiamënt che ne fina plu. Truepsc, defati, paia ala fin mé per avëi gheneda. Ma n po nce fé autramënter: se damandé tres recumandeda A.R. che la sozietà desmostre cun n papier che la marcanzia ie unida apusteda o cunsenieda, o de la finé de mandé esortazions de paiamënt!SVEZIA
Patrons de viles - metëde verda!
Sce assais da giaté na conta dala firma "Kommunal Avfallshatering i Sverige AB" ne stajede ala paië! L ne se trata nia de na conta dal chemun per tò y tres l refudam, ma de na ufierta scunduda per la compra de na CD sun la remozion de refudam che costa ntëur n 140,00 Euro.Le caje dl mëis
Sun l viac dl viers de cësa do la feries se fërma na familia pra na stazion dal penzin sun l'autostreda dl Prener per mëter ite gasuele. Al infal ti vëniel metù ite tl tanch dl auto penzin mpede gasuele. Permò do che l pere de familia ne à nia zedù de damandé che l penzin ti unisse tëut ora dal tanch, àn cherdà l ACI che à menà l auto dl melcapità pra na berstot da mecanicher, ulache n à ciucià ora l penzin y fat a na moda che l auto pudësse ino jì. Custimënt: 154,43 Euro.L respunsabl dla stazion dal penzin ie debota unit nvià a paië la spëises che se à purtá pro per gauja dla ntraunida, ma chësc à mé respundù ti dajan n formular per l'assegurazion dijan che chësta ëssa pa bën paià l dann.
L passa mënsc de aspiteda per nia nchin che la Zentrela Europeica Consumadëures vën nfurmeda y la se muev ti scrijan na lëtra de manaceda sibe al'assegurazion che al respunsabl dla stazion dal penzin, ti fajan al savëi che sce l'assegurazion ne ëssa nia paià, ëssa l penziner nstës messù paië l dann. Do nianca doi enes da canche la ZEC à mandà demez la lëtra de amonizion à la familia giatà l rembursamënt che ti spitova, bonamënter nce sun prescion dl respunsabl dla stazion dal penzin.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239