2011
2010
2009
2008
2007
2006
2005
2004
2003
	2003 ladin
		Dezëmber 2003
		Nuvëmber 2003
		Otober 2003
		Setembër 2003
		Lugio-agost 2003
		Juni 2003
		Mei 2003
		Auril 2003
		Merz 2003
		Fauré 2003
		Jené 2003
	Dezember 2003
	November 2003
	Oktober 2003
	September 2003
	Juli-August 2003
	Juni 2003
	Mai 2003
	April 2003
	März 2003
	Februar 2003
	Jänner 2003
2002
2001
2000
Februar 2012
Faurè 2012
Jänner 2012
Jené 2012

Verbrauchertelegramm / 2003 / 2003 ladin / Dezëmber 2003

Verbrauchertelegramm Europa-Ausgabe

Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.

DEZËMBER 2003

Redaktion: Zentrela Europeica Cunsumadëures Bulsan

SENTËNZA

1:0 por i consumadus y les consumadësses

Dan da püch à le Tribunal da Balsan sön istanza dla Zentrala Consumadus de Südtirol y dla Zentrala Consumadus Europeica condanè l'istitut de belëza Figurella International de Rosa Holzer a gauja dla tlausola suandënta te so contrat: “Le tliënt o la tliënta à l'oblianza de paié les prestaziuns dl istitut deplëgn inc'e sce al o ara ne ess nia da les anuzé”. Chësta tlausola stabilësc n raport economicamënter nia ecuilibré a dann di consumadus y dles consumadësses y é porchël da conscidré gravënt.
Le Tribunal da Balsan n'à insciö nia ma detlarè l'inefiziënza dla tlausola mo à inc'e comanè che ara vëgnes straihada dal contrat de Figurella International de Rosa Holzer.

LOTARIES

Metede averda: Trapoluns s'la roda

L'assoziaziun spagnola dles Lotaries “Loterías y Apuestas de Estado” inviëia la jënt a mëte averda da assoziaziuns criminales internazionales che abusan dl inom dla Lotaria Nazionala Spagnola se mët en conatat cun jënt da döt le monn.
La manira d'agì é scëmpla: i “fortunà” ciafa cun gran morvöia na comunicaziun de davagn. Indere por podëi incassè le pest val naôta debojëgn de paié na soma por tasses, spëises bancares y postales. Ara se trata de n ingiann. La Lotaria Nazionala Spagnola stlarësc che ara ne damana mai n contribut por ciafè le pest y inviëia porchël a tignì les destanzes por ne se lascè nia ingianè.
Sce valgügn foss bele tomà te chësta tënora dessi menè na comunicaziun injuntan la documentaziun en so possès al'autorité suandënta:
Loterías y Apuestas del Estado. Legal Advice Service
C/Guzmán el Bueno Nr. 137
28003 Madrid o Fax: 34915335136

BANCHES

BEUC assegnëia “onoranzes”

Ai pröms de novëmber à le BEUC (Bureau Européen des Unions de Consommateurs) publiché na inrescida fata sön i cosc' di paiamënc' bancars internazionai y sües spëises tl´UE. Da chësta resultëiel tröpes violaziuns ala nöia regolamentaziun comunitara che unifichëia i cosc' por i paiamënc' bancars nazionai a chi di stac' dl'UE. Porchël à le BEUC tut la dezijiun de surandè n'onoranza a banches desvalies por sües “tarifes inovatives y scialdi altes”. Premiades é gnüdes inanter l'ater valgünes banches franzejes che acreditâ c'inamai spëises por “consulënzes” y por “l'imisciun de dac'”.
L'inrescida intiera é gnüda publicada sön la plata internet dl BEUC (www.beuc.org) sot ala rubrica “what's new”.

E-COMMERCE

Dubitëieste? Damana la ZCE

Le 11 de dezëmber 2003 dales 16.00 ales 20.00 sarà la ZCE on-line por respogne ales domandes di consumadus y dles consumadësses por c'i che reverda les cumpres y les lizites te internet. Chi che à interès po scemplamënter menè n e-mail a info@euroconsumatori.org; les domandes gnarà respognüdes belatira. Valgünes informaziuns sura le comerz eletronich é bele da ciafè tla plata internet www.euroconsumatori.org.

Le caje dl mëis

Bele dî aspetâ na ëra ingleja na parüca comanada y paiada on-line pro na dita taliana. Mo döt debann. Do che la ZCE ingleja â contatè dui iadi la firma taliana zënza resultac' él gnü damanè l'intervënt dla Zentrala Consumadus da Balsan che ti à dè na bela scassada al titolar dla firma. Ala firma ti desplajôl dl fat sozedü y por se fà pordenè ti àra dè zoruch ala consumadëssa la soma paiada tres cherta de credit y l´ëra à podü se chirì fora na parüca sciöche scincunda. Chisc scê foss de dër gentlemen.


software by endo7