	2007
	2006
	2005
	2004
	2003
	2002
	2001
	2000
	Mai 2008
	April 2008
	März 2008
	Februar 2008
	Januar 2008
	Jenà 2008

Verbrauchertelegramm / Jenà 2008

Verbrauchertelegramm Europa-Ausgabe

Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.

Verbrauchertelegramm Europa-Ausgabe Jenà 2008

Beilage zur ladinischen Europa-Ausgabe Nr. 3- Redaktion: Europäisches Verbraucherzentrum

Iadi col fligher I

Publicaziun dl reportaje sura i dërc di passajiers 2006

Ai 6 de dezëmber 2007 él gnü presentè a Bruxelles le reportaje sura i dërc di passajiers, dla rëi dles 27 Zentrales di consumadus europeiches (ECC - Net) por l'ann 2006. Le reportaje desmostra che les retlamaziuns gnüdes tratades dales Zentrales di consumadus europeiches por ci che reverda i jori, s'à radoplè inavers al'ann passè. Chësc desmostra da öna na pert, che al é tres ciamò tröpes compagnies de fligri che ne ademplësc nia so dovëis fissà dala lege ti confrunc di passajiers y dal'atra che al é tres deplü consumadus ch'é cosciënc de sü dërc y i ghira ince.
La lista dles lamentanzes dà dant por le 33%, problems por ci che reverda le trasport di poc, 26% dles retlamaziun reverda l'anulamënt de fligri, 16% les intardiades de fligri y le 7% le nia trasport.
Almanco le 42% dles retlamaziuns roades ales Zentrales di consumadus europeiches é roades a na contllujiun daldöt a scüsa dl consumadù, pro le 28% di caji ne éson nia sta bugn o ince ma en pert da rové a na contlujiun plajora por le passajier. Dal stüde àn podü odëi che les compagnies de fligri fej dër gonot avarëi les "zircostanzes ezezionales" (forza plü alta) preodüdes dala lege, por ti sciampè insciö al paiamënt d'avaliaziun, scenò preodü dala lege ti caji de anulamënt. Dantadöt le bur'tëmp o la comparüda fora de nia de problems tecnics, vëgn dà dant sciöche gaujes por les intardiades y l'anulamënt de jori. Ci che al é miné plü avisa cun chësc conzet é ciamò cis discutibl, mo an é bele tl laûr de nen baié te na prozedöra dan la Curt de Iustizia Europeica.

Iadi col fligher II

Comisciun dl'UE reelaborëia indô la lista foscia

Ai 28 de novëmber 2007 à la Comisciun Europeica publiché la lista foscia dles sozietês d'aviaziun prigoroses reelaborada da nü. Les compagnies de fligri che vëgn dant te chësta lista ne ademplësc nia les mosöres de segurté indespensables preodüdes dal'UE, por ares é la lerch tl'aria europeica proibida.
Mo chësta lista ne comporta nia ma na mosöra de segurté tlera o na straufunga por les compagnies de fligri tardies. Ara jô ince da stimul, por che ares adatëies sües mascinns ales desposiziuns de segurëza. Efetivamënter àn chësc iade podü anulè da öna na pert la proibiziun por la sozieté d'aviaziun surinameja Blue Wing Airlines y dal'atra pert les limitaziuns dl'ativité por la Pakistan International Airlines (PIA).
Intrames à portè a fin cun suzès le program de eliminaziun dles mancianzes. Les autoritês d'ispeziun competëntes à desmostrè, che ares à ejaminé les aziuns dles compagnies de fligri y che i problems che daimpröma ê gnüs verificà, é gnüs tlaris de manira permanënta, insciö che an poi i evité tl dagnì.

UE

Na regola nöia cuntra le retlam che ingiana y les pratiches de venüda agressives

Dai 12 de dezëmber 2007 él en forza te döta l'UE la regola nöia 2005/29/EG por la defenüda dl consumadù dal retlam che ingiana y pratiches de venüda agressives. Chësta regola nöia contëgn, tut fora na tlausola generala cun na definiziun generala dles pratiches iloiales y porchël proibides, n'enumeraziun al menü de aziuns che ingiana y pratiches agressives, desposiziuns por la defenüda de grups de consumadus determinà (p.e. mituns), sciöche ince na lista foscia cun pratiches daldöt nia azetables.
Tlermënter proibì é sëgn por ejëmpl impizé adalerch le consumadù cun n produt dër a bun prisc, mo de chël che le proponënt n'à nia assà da tó ca en caje de na gran domanda (sciöche an dij le retlam propagantistich), invic da cumprè val' adressà diretamënter ai mituns o invic ai mituns da baié sö i geniturs o atri adulc da cumprè val', afermaziuns falades por ci che reverda les faziuns curatives de n produt cuntra les alergies, pordüda de ciavëis, surapëis y i.i., "advertorials"(retlam ti media, ascognü sot a forma d'informaziun), impresciuns che ingiana de dërc di consumadus (ai consumadus ti vëgnel presentè dërc fissà dala lege sciöche particolarité dl'oferta), y i sistems a bala de nëi, na forma de venüda, olache le davagn ne vëgn nia tan dala venüda de produc, mo trö'deplü dal davagn de consumadus nü por le sistem.
Tla Talia é chësta regola bele gnüda mudada cun i dui decrec sostituifs dla lege nr. 145/2007 y 146/2007. Chisc é en forza dai 21 de setëmber 2007.


software by endo7