Finanziell unterstützt durch
die Europäische Union
Europäisches Verbraucherzentrum Italien Büro Bozen

Verbrauchertelegramm Europa-Ausgabe Fauré 2017

Beilage zur ladinischen Europa-Ausgabe Nr. 14 - Redaktion: Europäisches Verbraucherzentrum


MULTILEVEL-MARKEGTING Y SISTEMS PIRAMIDAI

L'Antitrust archita la promoziun dla criptovalüta OneCoin ti Talia
L'Antitrust á proibí cun n provedimënt de precauziun la promoziun y la difujiun dla criptovalüta OneCoin ti Talia, che gnô fata tres les plates internet onecoinsuedtirol.it y onecoinitaliaofficia.it; la terza plata internet onecoinitalia.com é gnüda stlüta. Les segnalaziuns dla Zentrala di Consumadus Europeica (ZCE), dla Zentrala di Consumadus (ZC) y dla Consob revardâ le sistem implementé da One Network Services Ltd. Ai consumadus ti gnôl dit che ai ess davagné ne sá ma nia tan. Aladô dl Antitrust é bele l'indicaziun di benefizi, cun chëra che an ciara da trá adalerch n gran numer de consumadus, che messess spo investí de gran somes tl sistem, dubiosa y porta pro a n sistem piramidal, assolutamënter proibí dala lege. De plü informaziuns é da ciafé sön nosta plata internet.


IMPRËST D'AUTI

AGCM condanëia Goldcar a na sanziun de 2 miliuns de euro por pratiches comerziales iregolares
Al é jü y al vá inant dala Zentrala di Consumadus Europeica (ZCE) consumadus che s'â impresté n auto cun Goldcar. I consumadus á porté dant problems desvalis: dala mancianza de trasparënza sön i cosć de gestiun dla tarifa dl ciarburant flex fuel ales modalités de determinaziun di dagns dl auto. Sön segnalaziun dla ZCE y dla ZC, á l’AGCM metü a jí ai 9 de merz dl 2016 n prozedimënt cuntra Goldcar (prozedimënt n. PS10214) olache al é gnü ciafé sö döes pratiches comerziales iregolares. De plü informaziuns é da ciafé chiló .


20 agn

de Zentrala di Consumadus Europeica - model de suzes tl'Europa: 61.000 domandes y consulënzes
En ocajiun de so aniversar de 20 agn, á la Zentrala di Consumadus Europeica (ZCE) de Balsan cherdé ite, adöm cun la ZC y l'Ofize Chestiuns de cabinet dla Provinzia de Balsan, n convëgn a Balsan. 'Cun so team competënt y impegné, é la ZCE deventada te chisc 20 agn n interlocutur important y n partner da tó söl scerio tl'Europa – n model che mostra sciöche la sconanza dl consumadú te döta l'Europa pó funzioné', insciö le Diretur dla ZC Walther Andreaus sön le model de suzes dla ZCE. Te vint agn d'ativité ti é la ZCE de Balsan jüda do a passa 61.000 domandes y á ince pité avisa tan de consulënzes. Ma dl 2016 á la ZCE fat a na moda che al ti gniss retü ales porsones che ara á daidé zirca 150.000 euro. Liede sön nosta plata internet.


Caje dl mëis
Te chësc caje dl mëis ves cuntunse sciöche la tecnologia GPS che é ti smartphone pó ester d'öga sce an s'imprësta fora n auto. N consumadú talian s'â impresté fora n auto ti Paisc Todësc. Al s'á tigní al contrat da impresté fora l'auto é n'é mai jü plü lunc co 100 km al de. Porimpó á la compagnia miné che le consumadú ess ala fin fat passa 5000 km te dui dis y ti á araté porchël zirca 900 euro surapró. Ajache le consumadú n'ê nia sté bun da stlarí la situaziun cun l'aziënda, él jü dala Zentrala di Consumadus Europeica (ZCE) de Balsan dijon che al â fat dötalplü 250 km te trëi dis. La ZCE á damané do le copies dles cubites o damí ciamó do i dac dl GPS dl smartphone, por podëi desmostré i chilometri fac veramënter. Le consumadú s'á dé i dac dl GPS che i un ortié inant cun la pratica ai colegs dla ZCE Paisc Todësc. Chisc á indô contaté l'aziënda. La compagnia ti á ala fin retü la soma paiada surafora dal consumadú, lascian avarëi che an podô se lascé sön i dac dl GPS dl consumadú y che chisc ne podô nia gní contestá.