Finanziell unterstützt durch
die Europäische Union
Europäisches Verbraucherzentrum Italien Büro Bozen

Verbrauchertelegramm Europa-Ausgabe Jügn 2015

Beilage zur ladinischen Europa-Ausgabe Nr. 42 - Redaktion: Europäisches Verbraucherzentrum


FESTA DL'EUROPA

Gosté tla Zentrala Consumadus Europeica de Balsan

En gaujiun dla festa dl'Europa ai 9 de ma á la Zentrala Consumadus Europeica (ZCE) invié i media a n gosté te sü ofizi y al é gnü fat na relaziun di caji problematics atuai. Tl'UE virel 500 miliuns de consumadësses y consumadus che generëia presciapüch le 57% dl PIL. Ti ultimi mëisc ti á la Comisciun Europeica damané plü iadi ala Rëi dles Zentrales Consumadus Europeiches (ECC-Net) da dé informaziuns sön les problematiches dles consumadësses y di consumadus tl monn online. La Comisciun ó arjunje n marcé digital unich; mo les consumadësses y i consumadus pisima tres ciamó massa gonot da cumpré ite valch tl internet da n ater Paisc dl'UE. Pro i feter 1.000 caji che é rová tla ZCE de Balsan dal 1. de jená incá se tratera dantadöt de problems che reverda le trasport cun le fligher, l'imprëst d'auti y d'atri problems liá ales cumpres, dantadöt online, sciöche la garanzia, la consegnaziun y la retrata. Sc'i orëis ciamó de plü informaziuns sön l'Europa, i consumadus y sü dërc, jide sön la plata internet dla Zentrala Consumadus Europeica de Balsan .


IADI Y VACANZES

Retrata por rajuns de segurëza

Agitaziuns politiches, atentac teroristics o catastraofes naturales mët en prigo la segurëza di turisć ti raiuns atocá. Te na te situaziun se damana porchël cotan de consumadësses y consumadus sc'al é poscibl da se retrá dal iade prenoté o sc'al é da paié na tarifa de storno. Ma ti caji olach'al é na comunicaziun ofiziala dl Minister di afars cun l'ester che dejaconsiëia da jí tl Paisc atoché da forza plü alta á les consumadësses y i consumadus le dërt da se trá derevers da n iade prenoté zënza paié na penala. De plü informaziuns é da ciafé sön nosta plata internet.


Caje dl mëis
N consumadú da Malta se cumpra n auto nü da n comerziant talian. Chësc pretënn ch'al paies la cuta söl valur ajunté taliana che arjunj te chësc caje n valur da cin' zifres. Canche le consumadú ó dé dant l'auto a Malta ti vëgnel indere ciamó n iade damané da paié la cuta söl valur ajunté, chësc iade a bëgn dl stat de Malta. Chësc caje röia tla Zentrala Consumadus Europeica Talia - ofize da Balsan - y canche la consulënta le vëiga, mëssera dlotí dui iadi ajache le valur dla retlamaziun é bindebó alt y pro de te caji ne n'ára mai fat cis de bunes esperiënzes. Chësc ince sce la legislaziun europeica vëiga tlermënter danfora che pro auti nüs mësson paié la cuta ma tl Paisc de destinaziun - te chësc caje Malta - y nia tl Paisc olache l'auto vëgn cumpré.
Mo ciara madër: tosc dedô se lascia le colegh da Malta adintëne, ciamó denanco la ZCE ess pordejü da mëte man cun chësc caje, y ti lascia alsavëi che le comerziant talian á dé zoruch le valur dla cuta söl valur ajunté taliana, che al á pordërt ma damané por na chestiun de segurëza cina che l'auto foss gnü dé dant tl Paisc de destinaziun y ch'al foss gnü paié la cuta söl valur ajunté te chël stat. Insciö á la consulënta dla ZCE lascé jö n gran pëis y á stlüt jö le caje.