Finanziell unterstützt durch
die Europäische Union
Europäisches Verbraucherzentrum Italien Büro Bozen

Verbrauchertelegramm Europa-Ausgabe Novëmber 2014

Beilage zur ladinischen Europa-Ausgabe Nr. 77 - Redaktion: Europäisches Verbraucherzentrum


INTERNET

Chirise n apartamënt sön internet? Metede averda!!

La signura T. ê tl laûr da pié ia por n practicum a Bruxelles y â porchël debojëgn de n apartamënt en afit. Dala Talia demez n’êl nia tan saurì da le ciafè, porchël êra jüda sön internet y ê rovada sön n portal dl Belgio y â ciafè n'oferta interessanta: dales fotografies parôl n bel apartamënt. La consumadëssa â spo tut sö contat cun la patrona tres e-mail y al ti ê gnü damanè da paié ite damperfora na pert dl afit. La signura T. â azetè zënza ti avëi ćiarè al apartamënt y â metü la soma damanada tres n paiamënt bancar sön n cunt de Londra. N iade che ara ê rovada a Bruxelles âra odü che l'apartamënt n’ê nia y che ara ê gnüda trapolada.
Canche i ciafun te internet ofertes dër bun marćé messunse dubité. Degügn ne ti scinca nia a degügn. La Zentrala di Consumadus Europeica (ZCE) de Balsan dejaconsiëia da paié denant co avëi odü l'apartamënt, ma insciö san che l’apartamënt esist veramënter.
Por de plü informaziuns ćiarede sön la plata dla ZCE.


DIRETIVA SORVISC

Les sozietês d’auti da imprestè impormët mioramënć do l’amoniziun dla Comisciun UE

Do che la Comisciun Europeica â publiché d’agost na lëtra ortiada a sozietês internazionales desvalies por imprestè auti cun chëra che ara â inviâ les impreses da zede cun certes pratiches descriminëntes, s’âres tut dant da ne ortié nia plü inant automaticamënter i consumadus sön la plata de so paîsc de residënza tres l'identificaziun dla misciun IP, da ne i tignì nia plü sö da apostè sön internet sön ći plata web nazionala chessî dla sozietè d’auti da imprestè tl'UE ti conzedon da se chirì fora chëra cun le miù prisc, y ala fin da stabilì prîsc desvalis aladô dl Paîsc de residënza dl consumadù ma ezezionalmënter y ma sce chësc é iustifiché da rajuns ogetives.
Le dërt dl’UE y dantadöt la diretiva di sorvisc proibësc che l'azès a n sorvisc vëgnes limité da pratiches discriminëntes nia iustificades che reverda la nazionalité o le post de residënza dl consumadù.
Sön la plata dla Comisciun Europeica él dan man n codejel por i consumadus sön la proibiziun dles pratiches discriminëntes preodüda dala diretiva di sorvisc.


TRAFFICH DE FLIGRI

Cufri tardis, pordüs o danejà – al é fondamental da respetè i terminns por la retlamaziun

Sce üsc cufri ne é igno da ciafè do che i sëis arsis o sce i odëis che le cufer é gnü danejè, no se desmentiede da fà n valgügn vari importanć por ne perde nia le dërt da gnì rembursà.
Segnalede atira le fat pro la portina dles retlamaziuns tl aeroport y scriede fora le formular dles retlamaziuns PIR (Property Irregularity Report). Tratan che i aspetëis che üsc cufri vëgnes ciafà tignide sö dötes les cubites che reverda ći che i ëis messü cumprè, por damanè che al ves vëgnes retü daldô. No se desmentiede da ti ortié na retlamaziun scrita ala compagnia. Sce le cufer é gnü danejè mëss le passajier ortié la retlamaziun te 7 dis, tl caje de intardiada indere te 21 dis da canche i cufri ti é gnüs metüs a desposiziun al passajier.
Les lëtres por ostes retlamaziuns é dan man sön la plata dla ZCE.


Caje dl mëis

D’aurì de chësc ann s’à i colegs dla Zentrala di Consumadus Europeica dl’Irlanda ortié inant le caje de na signura irlandeja che â cumprè tratan na sojornanza a Roma n sbeter de na firma made in Italy conesciüda. Do che ara s’â vistì n valgügn iadi le sbeter, s’â le col roviné. La ZCE Talia à feter atira ciafè na resposta, mo la dita â naôta dit che le defet ê indere na carateristica tipica dl produt y porchël ne podôra nia rete i scioldi. Nosta consulënta ne l’à nia nia dada sö y à cherdè sö ćiamò n iade la dita ćiaran da ciafè na soluziun y finalmënter à la sozieté azetè da ti rete i scioldi. Por chësta dita pêl che la sodesfaziun dl tliënt sides ćiamò dër importanta.