english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.Verbrauchertelegramm Europa-Ausgabe Dezëmber 2007
Beilage zur ladinischen Europa-Ausgabe Nr. 76 - Redaktion: Europäisches VerbraucherzentrumInternet
Tënores de cosć por plates internet èsteres
Al é bele stè n zacotan de cënć de consumënć che en chësc ann s’à adressè ala Zentrala di Consumadus Europeica de Balsan, ćiodì che zënza sl’aspetè ési tomà ite te öna dles tröpes tënores de cosć sön internet. Al se trata chilò por la maiù pert de plates internet todësces, che pita sorvisc a paiamënt – gonot en forma de abonamënć - y tralascia cun chësc poscibilmënter, de renvié avisa al dovëi de paiamënt y al dërt de retrata. A chësta manira vëgnel pité i sorvisc plü desvalis sciöche: tesć de dorada de vita y de inteligënza, planificaziuns de rutes, stüdi di antenać y onomastica, aiüć por fà compić, ćina a quiz y downloads de musiga.Pro l’iscriziun sozédel saurì che le consumadù ne se vëiga nia les informaziuns sura i cosć y le dërt de retrata, deache chëstes informaziuns é gonot ascognüdes sot a la maschera dl’iscriziun y é impormó da odëi sce an sposta dër insö le contignü dla finestra cun la mouse. Gonot vëgn le consumadù inće trat adalerch da jüć cun poscibilité de davagn.
Naôta che le consumadù s’à iscrit, ne ti vëgnel de regola nia damanè i numeri dla cherta de credit. Deache te chësc caje capiss le consumadù atira che ara ne se trata nia de n’oferta debann. Le cunt röia spo a ćiasa, por posta o tres emaille, sovënz bele do la tomada dl tëmp de retrata – y dess gnì paié tres n paiamënt bancar.
Co pon pa se sconè da chësc? Denanche se scrì ite te na plata internet, déssun tres naôta lì avisa les condiziuns generales dl contrat. Da mët averda él sce al se vëgn damanè dać personai, al podess se tratè de na plata a paiamënt. Tres controlè avisa sce al n’é mine inzai n’indicaziun de paiamënt ascugnüda. Sce an n’é nia sigüs spo él damì stlü atira la plata. Debann ne ciafun nia! – Chi che se tëgn dan i edli chësc prinzip, va tres söl sigü.
Iadi col fligher I
Venüda de tickets de jore sön internet – l’EU controlëia les plates internet
N relevamënt metü a jì dala Comisciun Europeica, che â sciöche oget, l’ejaminaziun sistematica de plü de 400 plates internet de proponënć de tickets de jore te 15 stać mëmbri y la Norvegia, à portè ala löm resultać interessanć, inće sce nia dër plajors.Al é gnü chirì violaziuns di dërć di consumadus, dantadöt chëres cuntra les desposiziuns dles normes diretives europeiches sura le retlam che ingiana (84/450/EWG) y chëres sura les tlausoles maladorades (93/13/EWG). Dantadöt él gnü controlè sce le prisc total dl ticket, cun laprò les cutes, les tasses de prenotaziun, chëres dla cherta de credit y i.i., é gnü dè dant tleramënter bele dal mëteman inant, sce dötes les condiziuns dl’oferta, sciöche por ejëmpl la desponibilité limitada dl ticket a bun prisc, vëgn da dant avisa y sce les condiziuns generales dl contrat é saurides da ciafè, da capì y é coretes.
Plü dl mez dles plates internet ejaminades à desmostrè iregolaritês. Fora de 11 plates internet ejaminades tla Talia ne ê 9 nia a post. Les dites interessades é gnüdes contatades y inviades a tó posiziun o a mudé sües pratiches. Sce ares ne ademplësc nia chësta esortaziun, ti manàcel conseguënzes iuridiches en forma de straufunghes y la sospenjiun de süa comparida sön internet.
Iadi col fligher II
L’ombudsmann svedesc acüsa les compagnies de fligri a bas prisc
L’Ofize de mediaziun por consumadus svedej (Konsumentenombudsmannen) à pluré la compagnia de fligri a bas prisc irlandeja „Ryanair“, deache ëra ne ti ret nia assà ai passajiers ti caji olache al toma demez n jore.Tl concret se tràtel dl caje de n pêr svedej, a chi che al ti é tomè demez le jore che ëi â prenotè da Bruxelles a Stoccolma. La compagnia de fligri à proponü n fligher de sostituziun dui dis do y à dè zoruch le prisc di tickets de jore. N ater rembursamënt n’é nia gnü pité dala compagnia de fligri, no n past no na ćiamena de hotel.
Aladô dl regolamënt europeich dl 2004 (261/2004/EG) mëss la sozieté de fligri, en caje de anulamënt de n jore, ti pité ai passajiers n remplazamënt. I passajiers, a chi che al ti vëgn straihé le jore, po chirì fora sce ai ô adorè n ater fligher o sce ai ô che al ti vëgnes dè zoruch i scioldi. Implü vëgnel preodü n sorvisc de assistënza, sciöche pasć, telefonać, fax y emailles y te cer’caji, inće l’alberch.
Implü mëss les compagnies de fligri en caje, paié prestaziuns de compensaziun che va da 250,00 € ćina 600,00 € aladô dla lontananza, ater co sce al se trata de n anulamënt gaujé da na forza plü alta. Mo propi por la definiziun de chësc conzet él tres indô stritaries.
La Curt de Iustizia Europeica (EuGH) n’à nia ćiamò lascè alsavëi süa dezijiun.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239