english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.Verbrauchertelegramm Europa-Ausgabe Novëmber 2007
Beilage zur ladinischen Europa-Ausgabe Nr. 69 - Redaktion: Europäisches VerbraucherzentrumTrafich de fligri I
Club Air: Novitês por passajiers cun chertes relasciades dan i 12.12.2006
L'ann passè de dezëmber à l'Ënt Nazional dl'Aviaziun Zivila ENAC, sospenü temporaneamënter la lizënza dla sozieté de fligri Club Air. A tröc passajiers ti él insciö gnü straihé le jore che ëi â regolarmënter prenotè. La sospenjiun é tla finada gnüda revocada y la sozieté à sëgn indô na lizënza por jorè varënta.La sozieté se obliëia de ti sostituì ai consumadus, les chertes che é gnüdes relasciades dan i 12 de dezëmber 2006, cun chertes nöies.
Al é porchël gnü realisé na cassëta dla posta eletronica (pax12dicembre@clubair.it) aposta por i consumadus che à cumprè süa cherta dan chësta data, tan co dan la sospenjiun dla lizënza por jorè.
La Zentrala di Consumadus Europeica aconsiëia porchël i consumadus interessà, da se adressè indô ala sozieté de fligri, tres na domanda menada ala misciun dita dessura.
Trafich de fligri II
Alpi Eagles cun na lizënza por n tëmp limité
L'Ënt Nazional dl'Aviaziun Zivila ENAC à lascè al savëi tres n comunicat stampa, che la sozieté de fligri Alpi Eagles, por gauja de na crisa finanziaria persistënta, à a desposiziun cina ai 31.12.2007 ma na lizënza a tëmp determiné. I passajiers vëgn porchël perià de se informè plü avisa te aeroport o pro l'ENAC sura la situaziun di jori. L'ENAC Ves informarà sön süa plata internet por ci che reverda atri svilups.Trafich de fligri III
La cherta de papier é prësc storia
Ma plü cina ai 30 de mà 2008 pon dè fora chertes de papier. Dô chësc terminn darà les sura 240 sozietes de fligri organisades tl'assoziaziun internazionala dl trasport tl'aria IATA, ma plü fora chertes eletroniches. Chësc sistem vëgn bele adorè da agn dantadöt dales compagnies de fligri a bun prisc. Aladô de na statistica dla IATA ê bele le 77% dles chertes relasciades tl setëmber 2007, chertes eletroniches. La prenotaziun vëgn fata tres le computer, pro la portina bàstel pro n valgünes compagnies n documënt, gonot adorun ciamò laprò n zertificat de registraziun cun n numer de registraziun. L'eliminaziun dla cherta tradizionala é por les compagnies de jore n sparagn. Al é da odëi sce chësta reduziun di cosc se lascarà sintì ince sciöche reduziun dl prisc por i consumadus.Radiotrasmitënta mobila
Roaming: L'introduziun dla tarifa europea mostra resultac
Dai 30 de jügn incà é le regolamënt comunitar sura le roaming en forza, cun chël che al é gnü introdüt la tarifa europea. La nöia tarifa messâ gnì tuta sö dales compagnies de telefonns pro sües ofertes, al plü tert cina ai 30 de messè y prevëiga n paiamënt dötalplü de 0,49 € plü CVA por cherdè sö al èster y dötalplü de 0,24 € plü CVA por gnì cherdà sö al èster. Le regolamënt comunitar sura le roaming porta sëgn i pröms früc: da na inrescida fata da 27 autoritês nazionales de regolamentaziun dles telecomunicaziuns y dala Comisciun Europea él gnü fora che ai 30 de agost êl bele 200 miliuns de consumadus europeics che â mudé ala tarifa europea. I consumadus dl'Uniun Europea paia sëgn cina a 60% demanco inavers a denant por telefonac internazionai al intern dl'UE. |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239