english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.Verbrauchertelegramm Europa-Ausgabe Utober 2007
Beilage zur ladinischen Europa-Ausgabe Nr. 62 - Redaktion: Europäisches VerbraucherzentrumCompres online
www.compraconbuonsenso.it - campania d'educazion dla polizai dla posta
La polizai dla posta taliana à realisà tl cheder dla campania d'educazion metuda a jì n cunlaurazion cun eBay na plata internet che pieta n valguna regules de basa per cumpré ite online a na maniera segura.L cumpradëur online dëssa svilupé si cin sënsc: cialé de crì ora na drëta password (cun almanco 8 pustoms), scuté su i feedback sun la rëidleza di venditëures y "ciarcë" i articuli, uel dì, cuntrolé la descrizion dl prudot, la manieres de cunsënia y nsci inant. Oradechël dëssen tufé la e-mails suspetëuses y pië ite cun man i paiamënc se lascian mé sun metodes de paiamënt segures, pra chëi che n possa ti jì do ala fusties.
Prudoc periculëusc
RAPEX: l sistem europeich d'alarm per i prudoc nia segures
Do l gran alarmism che se à purtà pro tla Talia pervia dla roba da fé damat cineja ntussieda ie la Zentrela Europeica Cunsumadëures dla minonga che l fossa de bujën dé nfurmazions de utl n cont dl sistem europeich de verdia per i prudoc nia segures (RAPEX).RAPEX ie n mecanism mpurtant a livel europeich per ti judé ai stac cumëmbri a cuntrolé i prudoc sun l marcià. L lascia defati pro na zirculazion asvelta dla nfurmazions n cont di prudoc nia alimenteres (ora che i prudoc farmazeutics y i aparac eletromedichei) vendui sun l marcià europeich che prejentea riscs griefs per la sanità y la segurëza di cunsumadëures.
Canche l vën abinà sun l marcià naziunel n prudot nia segur adotea l'autorità cumpetënta dantaldut mesures adatedes per eliminé l risch per i cunsumadëures, per ejëmpl trajan ora l prudot dal marcià. Oradechël se cruzia l'autorità de cuntat naziunela (tla Talia pra l Ministere dl Svilup Economich) a ti fé al savëi dl prudot periculëus ala Cumiscion Europeica. La Cumiscion devulghea i avertimënc a duc i stac europeics, che adotea i pruvedimënc che ie debujën per scunjaré l risch.
La Cumiscion publichea pona sun si plata Internet na lista di prudoc ratei periculëusc che l'autoriteies naziuneles di stac cumëmbri à dat sëura y i pruvedimënc adotei n chësc cont dai stac cumëmbri nstësc.
Venciudes (marati) fates tres loteria
Ultimamënter ie avanedes la duman-des de nfurmazion da pert di/dla cun-sumadëures n cont de venciudes milioneres - dantaldut spanueles o nglejes - fates, marati, oradecà. L se trata de fauzificazions de loteries stateles che cëla for ora plu o manco unfat : tres na e-mail o na lëtra giapen la nutizia che n ie stai fertunei a vëncer pra na loteria; n muessa perchël comuniché si dac, coche per ejëmpl la coordinedes de banca, acioche l posse unì fat l paiamënt. Ma te n iede sautel ora per chël o chëla che à "venciù" uni sort de spëises da paië.L Cunsëi dla Zentrela Europeica Cunsumadëures: trajëde demez zënza pensé chësta sort de nutizies de avëi venciù zeche. Udrëis che ne eëis nia renunzià ala puscibltà de deventé milioneres sce ve damandëis ciuldi che la spëises aministratives o per i pruzesc ne vën nia bel scëmpl trates jù da na venciuda!? Ajache a dì bel l'aurità: a zachei che à venciù zeche ne ti dassëssa mei unì damandà de paië n acont.
Cajo dl mëns
Nosta rubrica "l cajo dl mëns" trata chësc iede la compra de n auto audurvà da pert de n cumpradëur dla Bulgaria. Si cumpania ie unida tla Talia a se tò l auto. Canche la fova tlo ti à la venditëur dit che l fossa stat de bujën de fé n valguna pitla reparazions, ma che l auto fossa per l rest zenzauter stat tla cundizions de furné. Per l'ëila iel stat da muië messei se ntënder che chësc ne fova nia nsci. Do puech plu che 100 km se à l motor te n iede rot. Y canche la ie jita l di do dal venditëur dl auto a se lamenté ne ti al dat degun aiut. La cunsumadëura ie perchël jita a se cunsië pra la Zen-trela Cunsumadëures de Bulsan.Pervia che l se tratova de n auto adurvà dura la garanzia per lege n ann - ntan che chëla de n auto nuef fossa de doi ani. L Codesc dl Cunsum vëij danora a cëria dl venditëur dantaldut la ublianza de remplazé l prudot. Sce la reparazion o la sostituzion ëssa da vester sproporziunedes o nia puscibles, pudëssa l cumpradëur se damandé n arbassamënt dl priesc o la deslieda dl cuntrat.
Do n valguna enes sons stai boni de arjonjer che l venditëur à pità de ti rembursé ala cumpradëura duta la soma de 6,200,00 Euro cun la restituzion dl auto. Per nëus iel stat n gran suzes, ajache l suzed dinrer che somes tan autes vën retudes zënza passé tres sunieria, ënghe canche la rejon ie dala pert dl cunsumadëur.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239