english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.Verbrauchertelegramm Europa-Ausgabe Jügn 2007
Beilage zur ladinischen Europa-Ausgabe Nr. 41 - Redaktion: Europäisches VerbraucherzentrumComputer
Apple iBook cun fal de proietazion
La Zentrela Europeica Cunsuma-dëures (ZEC) dla Danimarca ti à comunicà ala rë dla Zentreles Europeiches Cunsumadëures (ECC-Net), de chëla che nce la ZEC de Bulsan fej pert, de avëi giapà tl 2006 na lingia de retlamazions da pert di/dla cunsumadëures danejes n cont di notebook dla firma Apple - te na maniera particulera per l model iBook G4 - che se blucova tresora.Tla majera pert di caji ova l notebook puech plu de n ann de vita y perchël refudova la Apple la pertendudes di/dla cunsumadëures cun l argumënt che la garanzia fova destumeda. Cun l se amudlé dla lamentanzes se à l Cunsëi danesc di/dla Cunsumadëures pensà de mandé l notebook da defet a n lauratuere ndependënt per l lascé analisé. Chësc à abinà ora che l problem fova gaujà da lueges latedes melamënter sun la plata prinzipiela. N basa ai resultac dl laurature à l Cunsëi di/dla Cunsumadëures danesc ala fin tëut la dezijion che la Apple messëssa ti reter a n cunsumadëur tucà l priesc dl notebook. La Apple se ustina ntant a nia dé pro che l se trata de n fal de proietazion.
ECC-NET
Study visit: Vijita ala Zentrela Europeica Cunsumadëures de Dublin
Ai 10 y ai 11 de mei 2007 ie la Zentrela Europeica Cunsumadëures (ZEC) dla Talia, deberieda cun la Zentreles Cunsumadëures dla Grecia y dl Ziper jites a crì i colegs irlandesc a Dublin. Dal'ancunteda y dal barat de esperienzes cun i colegs grecs y ziprioc iel unì ora tlermënter che l mancia mo pra i/la cunsumadëures europeics la cunsavëivlëza de avëi cër dërc y de pudëi i fé valëi. La Zentreles Europeiches Cunsu-madëures dla Grecia y de Ziper ie cumëmbri relativamënter nueves dla rë dla Zentreles Europeiches Cunsumadëures (ECC-Net) y perchël à chisc colegs da una na pert aprufità dla ucajion de damandé i "veterans" dla ZEC dla Irlanda y dla Talia cunsëies sun la manieres defrëntes de fé a na moda che i zitadins y la zitadines vënie nfurmei miec n cont de si dërc, dal'autra pert ài po ënghe cuntà de si ativiteies de nfurmazion.Cajo dl mëns
L cajo che Ve purton dant chësc mëns à da nfé cun i pachec turistics. N cunsumadëur à cumprà per sé y si familia n pachet turistich per l Egit. te chësc cajo spezifich fova l ufize de viac nce l urganisadëur dl viac, uel dì l "tour operator". Ma l di canche i dassova pië via ne ti àla nia butà: l pulmin che dassova mené la familia al areoport ne ie nia passa a i tò! Canche i à cherdà su i cunsumadëures iesi unic sëura che l orar, canche l jiulier dassova pië via, fova unì antizipà, ma deguni ne i ova nfurmei de chësc!Te de tei caji vëij l Codesc dl Cunsum dant che "l cunsumadëur à l dërt de unì rembursà per uni dann che l à abù y che ie gaujà dal fat che l cuntrat ne ie nia unì tenì ite". L se trata de chël che vën tlamà l "dann per feries ruinedes", uel dì dl smendrimënt dl nteres dla persona de pudëi passé si feries apustedes coche tëmp liede, de devertimënt y de paussa, n nteres che va sëura l dann economich ora. L cunsumadëur à mandà na lamentanza al urganisadëur dl viac se damandan la retuda dla spëises paiedes per l pachet turistich y 1.000,00 euro per persona coche ndenisazion per l "dann per feries ruinedes". L urganisadëur dl viac à mé azetà n pert la pertendudes dl cunsumadëur ti paian 300,00 euro de ndenisazion per persona. Sce l cunsumadëur ti ëssa fat na plura al urganisadëur dl viac, ëssel povester giatà zeche de plu. Ma l ie danz ënghe da tenì cont che i giudesc talians ne à mo nia laurà ora criteres generei per la cuantificazion dl "dann per feries ruinedes" y uni giudesc tòl na si dezijion aldò dl cajo.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239