english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.Verbrauchertelegramm Europa-Ausgabe Mei 2007
Beilage zur ladinischen Europa-Ausgabe Nr. 34 - Redaktion: Europäisches VerbraucherzentrumNumer de prëscia 112
Numer per la cherdedes de prëscia unfat ulache sëis tl'Europa
Uni ann iel de plu zitadins che viagia ncantëur tl'Europa. L dà perchël na cërta segurëza avëi da garat n sëul numer per la cherdedes de prëscia te duc i paejes dla Union. Te situazions de prëscia sanitera - che l se trate de n bot, de n nzidënt sun streda o sun i purtoies dai schi - ie uni secund de gran mpurtanza per la vita di pazienc.Fajan l numer 112 da n telefonn fis o n fonin dlonch ora per l'Europa, possa l zitadin o la zitadina comuniché cun n operadëur che se cruzia diretamënter de si cherdeda de prëscia la mandan inant al servisc de prëscia aposta. Al zitadin o ala zitadina ti vëniel te uni cajo dat la medema assistënza che ël o ëila giatëssa te si paesc. Lecurdon che l numer unich naziunel de cherdeda de prëscia sanitera tla Talia ie l 118; ntant, sce n fej l numer 112, ti respeund al zitadin o ala zitadina i Carabinieri, che ti manderà inant la cherdeda ai servijes de prëscia defrënc.
Per de plu nfurmazions pudëis consulté nosc comunicat stampa.
Trasport cun julieres I
La cumpania de jol Club Air jola inò
Dan n valgun dis, coche l ie da udëi sun la plata internet www.clubair.it, à la cumpania Club Air cunedì che la scumencerà inò a julé dal 2 de mei 2007 inant. Ora de chësta nutizia pon liejer mo n'autra nfurmazion n cont di joi cancelei dala cumpania l ann passà: N basa ala nfurmazions dates inant dala cumpania Club Air sun la plata internet www.clubair.it/default.asp?corpo=ripresa saral puscibl giaté n titul de viac nuef a inuem dl medemo passajier y curespundënt ala medema trassa de jol che fova unida straicheda. L sarà debujën mandé na dumanda tres e-mail al'adres commerciale@clubair.it o tres fax al numer 003904586117848.Ti cunsion a uni moda a duc i passajieres che fova tuchei dala cancelazions di joi dla Club Air de cuntaté la cumpania de jol aldò dla ndicazions repurtedes sun la plata internet y lecurdon oradechël che la Zentrela Consumadëures Europeica (ZCE) de Bulsan ie for a despusizion per de plu nfurmazions sot al numer de telefonn 0471/980939, dal lunesc al vënerdì dala 8.00 ala 16.00.
Trasport cun julieres II
La Cumiscion ti dà ai Stac cumëmbri sies mënsc de tëmp per apliché defin l Regulamënt sun i dërc di passajieres de jol
La jita n forza dl Regulamënt UE 261/2004 de fauré dl 2005 ëssa dassù nvië via a na era nueva tl setor dl trasport cun i julieres. Chësc Regulamënt stabilësc ciuna remburseda, ndenisazion o cumpensazion che ti spieta al passajier tl cajo de overbooking, cancelazion o tardivanza dl jol.La Cumiscion à fat na nrescida per valuté a cie pont che n ie cun l'aplicazion de chësc Regulamënt y udan i resultac puech sodesfajënc ti àla dat sies mënsc de tëmp ai Stac cumëmbri per adoté duta la mesures che ie debujën per miuré la situazion da sën. Tl medemo mumënt avanerà la Cumiscion la cunlaurazion cun i organisms de cuntrol y cun la cumpanies de jol, y la meterà a jì na campania de nfurmazion che unirà tenida ti areoporc dla Union Europeica.
Per de plu nfurmazions pudëis consulté nosc comunicat stampa.
Cajo dl mëns
Chëst'iede cuntons cie che ti ie suzedù a na cunsumadëura dla Letonia ntan n viac tla Talia. La cunsumadëura à cumprà n per de ciauzei te na butëiga de na ciadëina taliana cunesciuda. L di do àla trat sëura i ciauzei y chisc se à debota rot. Sun chëla ie la cunsumadëura perchël inò jita tla butëiga, ulache n ti à baratà i ciauzei. L articul 130 dl codesc dla defendura di cunsumadëures vëij, defati, danora che l venditëur ie respunsabl per uni sort de dann o mancianza che se porta pro tl tëmp dla cunseniazion dla marcanzia.Ma canche la cunsumadëura ie ruveda de reviers tla Letonia, àla trat sëura i ciauzei "nueves" y nce chisc se à rot debota!
Perchël à nosta Zentrela Cunsumadëures Europeica cuntatà l venditëur se damandan la ressoluzion dl cuntrat y che i scioldi paiei per la compra di ciauzei ti unisse dac de reviers. La lege vëij defati danora che, sce l cunsumadëur se à bele damandà na soluzion (te nosc cajo l prim barat di ciauzei) che ne à juà nia, àl la rejon che l cuntrat vënie delidà. Y nsci iela stata, ajache l venditëur ti à retù ala cunsumadëura la soma paieda per i ciauzei.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239