english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.Verbrauchertelegramm Europa-Ausgabe Merz 2007
Beilage zur ladinischen Europa-Ausgabe Nr. 20 - Redaktion: Europäisches VerbraucherzentrumViages: tarifes de jol plu tresudëntes
La "liberalisazions" nueves dl guviern à nce purtà n valguna nuviteies tl setor dl trasport cun i julieres. La cumpanies tlamedes "low cost" ne puderà nia plu retlamisé joi al custimënt de un n euro, ora che sce chësta tarifa tòl propi ite nce duta la tasses. Tla tarifes dates sëura messeral perchël nce vester cuntenì la tasses dl aeroport, la spëises aministratives, la cumiscions, i suplemënc per l ciarburant, i cosc d'assegurazion y nsci inant. Oradechël messeral nce vester prezisà sce la tarifa tòl mé ite l viac de jita o nce chël de reviers, sce la ufierta ie limiteda tl tëmp o a na cumpëida spezifica de posc.L se trata de n var de mpurtanza dl viers de na majera tresudënza te n ciamp suvënz caraterisà da retlams "ngianënc" che piova l uedl di cunsumadëures cun ufiertes trajëntes y che custova ala fin scialdi deplù de chël nunzià tl retlam y che ne tulova nia n cunscidrazion la tasses, dates sëura per l solit te na pitliscima scritura sun l ëur dla ufierta nstëssa.
Purtela "SOS Turista" - atività 2006
"SOS Turista" ie na purtela che se tòl dant de "svilupé y miuré la cualità dla ufierta turistica, sibe dajan plu nfurmazions puscibles ai/ala cunsumadëures, sibe tulan ite la cunlaurazion di operadëures turistics". La se sëurantòl, defati, da plu che diesc ani de cunsië y acumpanië i/la cunsumadëures n cont dla problematiches tl ciamp di viages y dl turism.I dac abinei adum da "SOS Turista" tl 2006 mostra che belau 6000 cunsumadëures à abù problems ntan si viages y che i/les se à perchël nuzà dla cunsulënza dla purtela de Modena. La majera cumpëida de dumandes unides ite l ann passà ova da nfé cun i pachec "all inclusive" y la ndenisazion curespundënta per l "dann da vacanza ruineda" (41,47%), da dedò univa la lamentanzes liedes al trasport cun l julier (19,85%) y l setor di albiercs (12,80%).
Danter la nuviteies iel la lamentanzes liedes a chël che vën tlamà "l turism dedora" (per ejëmpl l camping) o chëles liedes ai albiercs per la junëza, ala sostes da mont y al mprëst de berches.
De plu nfurmazions n cont dla purtela "SOS Turista" ie da giaté sun la plata www.sosvacanze.it
Metëde verda: l ie l cunsumadëur/la cunsumadëura che muessa cuntrolé che la cherta de viac dla ferata sibe a post!
La lamentanzes mandedes ite da pert de cunsumadëures a Trenitalia per l'emiscion faleda dla cherta de viac pra la purtela ie truepes. L suzed defati nia dinrer che, scebën che i viagiadëures se prejentea pra la purtela cun na stampa dla plata internet de Trenitalia cun la dates de viac prezises, la stazion da ulache i uel pië via y la stazion de ruveda, l orar y la sort de ferata dac sëura a puntin, ne curespuend la cherta de viac nia a chël che ie unì damandà, ajache la persona pra la purtela se à falà canche la à dat ora la cherta. La cunseguënza ie che l cunsumadëur o la cunsumadëura ie sfurzeda a cumpré na cherta de viac nueva. La resposta data dal ufize retlamazion de Trenitalia ie defati chësta: "L ne ie nia puscibl rembursé la cherta de viac per ne avëi nia pudù l'adurvé ajache i viagiadëures muessa nstësc cuntrolé la chertes canche i les compra y verifiché che les curespuende a chël che i à apustà per pudëi cuntesté n cajo debota che les ie faledes."Cunsion perchël duta la persones che va de viac cun la ferata de cuntrolé avisa la cherta canche la ti vën data ora!
Lebenserwartung.de - Sentënza dla sunieria de Minca/München
Na lingia de cunsumadëures se à lamentà ti ultimi mënsc dla firma VitaActive LTD cun sënta ti Paejes Tudësc. I ova defati minà de avëi fat n test debant per l calcul de si aspietadives de vita. Ma do n pez ti iel ruvà te cësa na conta de 30 euro. Finalmënter iel stat na sentënza dla sunieria de Minca.La giudesc cumpetënta ie dla minonga che la plata internet n cuestion ti scuend aposta al cunsumadëur y ala cunsumadëura che l calcul dla aspietadives de vita ie n servisc a paiamënt. Se scrì ite ie defati nce puscibl zënza che n à liet la nfurmazions n cont dla spëises che ie nluegedes sot al pom de iscrizion.
Dl fat che l se trata de n servisc a paiamënt vën l cunsumadëur nfurmà per l prim iede tla cundizions genereles dl cuntrat y aldò dl giudesc ne ie chësc nia assé: defati, tulan n cunscidrazion duta la zircustanzes, la strutura y l cialé ora dla plata internet, ie i regulamënc dla ublianza de paiamënt cuntenii tla cundizions genereles de cuntrat tan ora dla norma y da fé marueia che i ne à deguna fazion (Comunicat stampa dla sunieria de Minca).
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239