english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.NOVEMBER 2004
Redaktion: Europäisches VerbraucherzentrumVIAGË I
Regulamënc nueves per chi che viagia cun Trenitalia
Dal prim de utober inant val de bujën de timbré la cherta coche se toca per jì cun la ferata. Chi che ne à nia la cherta o ne la à nia timbreda, muessa paië na straufonga de 25 euro sëuraprò al priesc dla cherta.Chi che à na cherta che ne curespuend nia ala sort de ferata che l à tëut (p.ej. na cherta dl intercity per l eurostar) muessa, coche dant, paië 8 euro de straufonga y sambën nce la defrënzia de priesc. Stluc ora da chësc regulamënt ie la/i passajeres numinei tlo dessot:
- chëi che pea via da stazions cun purtines dala chertes zaredes o cun aparac da obliteré da defet;
- chëi che pea via te ferates regiuneles da stazions zënza ponc de venduda auternatifs;
- chëi che ie vierces o à la cunzesion speziela III;
- chëi che viagia sun ferates che fej n percors lonch o mesanmënter lonch y damanda de pudëi mudé la tlassa dl vagon o che ulëssa n post da durmì mpede un da senté.
Trenitalia à udù dant na perioda de transizion de un n mëns ulache l ne vën mo nia aplicà chësta sanzions nueves.
CUNFRONT DE PRIEJES
L ie unit dat ora l cunfront de priejes dl’Union europeica nuef
La Cumiscion europeica à cun i 29 de lugio fat al savëi la nfurmazions atueles sun l cunfront di priejes de auti nueves. Per l prim iede possen nce tò vijion ti priejes che vel ti stac cumëmbri nueves.http://europa.eu.int/comm/competition/car_sector/price_diffs
VIAGË II
Dërt de retrata tl cajo de atentac teroristics
N atentat teroristich te n luech turistich ne dà nia automaticamënter l dërt de se tré zeruch da n viac bel apustà zënza paië velch lessù nce sce l viac ie propi da descunsië. Chësta puscibltà ie da stlù ora dl dut sce n pudova nce mé udëi danora da dalonc n atentat bel tl mumënt dla prenutazion.Te n grum de caji muessa la y i passajeres tenì cont dla spëises de na retrata sce i desdij pervia dla tëma da n atentat.
Miec cëlelea ora per duc chëi che possa mustré su n avertimënt ufiziel dl ministèr di Stac oradecà de ne viagë nia te cër stac che resieia de vester vitima de atentac.
VIAGË III
Deutsche Bahn: la chertes pra purtina custerà deplù
Tl daunì puderà duc i tlienc dla ferates tudësces mé cumpré na cherta pra purtina cun n suplemënt de 2 euro. Dai 12 de dezëmber inant puderan schivé chësc aumënt sce n compra la cherta tres internet o pra la purtines automatiches.Cun chësc aumënt de priesc uel la ferates tudësces arjonjer che la jënt compre for plu y plu tres internet o adrove la purtines automatiches. La ntenzion ie chëla de schivé la furmazion de codes y de fé plu lerch ala cunsulënza dla tlientela.
CAJO DL MËNS
Per se asseguré da ntraunides ova na cunsumadëura stlut ju na assegurazion per anulé y per finé via la feries dan l tëmp udù dant. Defati, iel unit a se l dé ntan l viac che ëila à messù se n jì. La cunsumadëura à fat valëi si assegurazion y la ne à nce abù degun problems a se fé paië l jol; ma la ne à nia giapà n bon per i dis che la à perdù.La Zentrela di Cunsumadëures ti à cunsià de pië do i scioldi cun resserva y à tl medemo tëmp pertendù n bon per i dis mo da avëi tres na lëtra racumandeda .
Dit … fat! Ala fin ie la dumanda dla cunsumadëura unida tëuta n cunsciderazion.
 |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239