english 
deutsch 
italiano
Verbrauchertelegramm Europa-Ausgabe
Um monatlich über die Neuigkeiten im europäischen Verbraucherschutz informiert zu sein, abonnieren Sie kostenlos das Verbrauchertelegramm als Newsletter.SETËMBER 2004
Redaktion: Europäisches VerbraucherzentrumSERVIJES FINANZIERES
Majera prutezion per i paiamënc banchers danter i stac dl’UE
Na nrescida dl “Sole 24 Ore” desmostra che la banches talianes ne se tën nia al regulamënt dl’UE n.2560/01: per paiamënc banchers cun destinazions oradecà rata la banches spëises sibe ala persona che à dà su la ncëria che ala persona che giapa i scioldi zënza ti l lascé al savëi ala prima de chësta spëisa dopla. Per purté a na fin chësta violazions iel unì emanà l regulamënt n.180/04 che vëij dant na sanzion aministrativa de 10.000 nchina 100.000- Euro. Sce chësta violazions vën dant for inò iel udù dant na suspension dl servisc de paiamënc banchers danter i stac dl’UE.VIAGË I
Plu dërc per i passajieres de jol
Ai 28 de juni 2004 ie finalmënter jit n forza l regulamënt n. 889/02 che miurea y amplieia i dërc di passajieres. Per ejëmpel: Tl cajo de ntardivedes dl jol o dla giapeda di cufri messerà da s'ën inant la sozietà de jol paië l dann auter che sce l ie unì tëut duc i pruvedimënc per schivé la ntardivedes o sce l ne fossa propi nia stat puscibl tò chisc pruvedimënc. La Zentrela Europeica di Cunsumadëures à mëtù adum duta la nuviteies tla plata nfurmativa “Plu dërc per i passajieres de jol” che ie da giapé diretamënter tla zentrela o sun la plata internet.VIAGË II
N passaport europeich per l min y l teté
Dal 1 de utober dl 2004 messerà i patrons de tieres de cësa se anjenië n passaport saniter europeich per tieres sce i à ntenzion de lascé la Talia. L regulamënt europeich à purtà pro al’armonisazion di regulamënc naziunei a na moda che l ie plu saurì viagë cun tieres de cësa. Chësta nueva norma europeica vel nce ti paejes ora dl’UE. Mé tl’Irlanda, tla Svezia, a Malta y tla Gran Bretania vel mo normes spezieles transitores.GARANZIA LEGHELA
Shopping ti stac cumëmbri nuefs
Na nrescida fata dala Zentrela Europeica di Cunsumadëures pra l’assoziazions di cunsumadëures di stac cumëmbri nuefs ie tumeda ora scialdi positiva: duc i diesc stac à metù n pratiga la diretiva che vëij dant na garanzia leghela de doi ani a pëis di marcadënc y la nverscion per cie che reverda la proa ti prim sies mënsc: ntan chësta perioda muessa l marcadënt desmustré de ne avëi nia vëndù n prudot da defet, sce i sies mënsc ie passei pona muessa l cunsumadëur o la cunsumadëura mustré su che l defet esistova bele tl mumënt dla compra. La majera pert di stac vëij dant n tiermul de 60 dis dala scuvierta dl defet per ti l fé al savëi al marcadënt, autri paejes se limitea a damandé na comunicazion riescia.Per vester segures de ne ve falé nia cunsieia la Zenterla di Cunsumadëures de fé al savëi l defet tres racumandeda cun avis de rezevuda pernanche la va.CUNFRONT DE PRIEJES
Cunfront europeich di priejes de prudoc petrolifics
Bele da ani publichea la Direzion Generela dl’Energia dla Cumiscion Europeica regularmënter n cunfront de priejes di prudoc petrolifics (penzin, diesel y nsci inant) ti stac cumëmbri plu desfrënc. I priejes vën sibe prejentei zënza chëutes stateles che te si verscion finela. L vën nce purtà dant la perzentuela dla chëuta statela y la cuantiteies de import per stat cumëmber: dal 1 de mei dl 2004 dà la DG dl’Energia ora doi buletins al’ena. L prim reverda i priejes ti vedli stac cumëmbri (Europa di 15) y l segondo se basa sun i priejes de duc i stac dl’UE (Europa di 25). I buletins ie da giapé sun chësta plata interent: http://europa.eu.int/comm/energy/oil/index_en.htm |
|
| software by endo7 |    |
EVZ
Brennerstraße3
I - 39100 Bozen
tel.: ++39 0471 980939
fax: ++39 0471 980239